Median.Az

Month: February 2026

  • Uşaqlar 10 dəfə yoluxa bilər – Həkimdən XƏBƏRDARLIQ

    Azərbaycanda infeksion xəstəliklərin yayılması cəmiyyətdə ciddi narahatlıq doğurub. Xüsusilə uşaqlar arasında yoluxma hallarının azalmaq bilməməsi valideynləri təşvişə salıb. Pediatrlar bildiriblər ki, hava-damcı və su yolu ilə yayılan infeksiyalardan tam qorunmaq mümkün deyil və mövsümi keçidlər bu prosesdə mühüm rol oynayır. Payız və qış aylarında artan kəskin respirator virus infeksiyalarının mart ayında bir qədər də güclənəcəyinə dair narahatçılıq formalaşıb. İnsanlar martda infeksion xəstəliklərin daha aktiv dövrə keçəcəyini düşünürlər. 
     
    Median.Az    -ın məlumatına görə, sfera.az-a açıqlama verən infeksionist Mərdan Əliyev bildirib ki, mart ayı infeksion xəstəliklərin aktiv dövrü deyil.
     
    Onun sözlərinə əsasən, payız mövsümündən başlayaraq kəskin respirator virus infeksiyaları yayılır və martda bu xəstəliklərin son dalğası başa çatır:

    “Bu infeksiyaların içində onlarla virus var və hər biri müxtəlif formalarda özünü göstərir. İnsan birinə yoluxduqdan sonra növbəti virusa, daha sonra isə başqa bir virusa yoluxur və bu minvalla payız-qış mövsümündə insanlar bir neçə dəfə kəskin respirator virus infeksiyalarına yoluxurlar”.

    Mütəxəssis qedy edib ki, bu infeksiyaların içində ən ağır virus qripdir:

    “Digər formalar isə müxtəlif ağırlıq dərəcələrində müşahidə olunur. Bəzilərində yüksək qızdırma olduğu halda, digərlərində qızdırmasız, sadə burun axıntısı və rinit əlamətləri ilə özünü göstərir. Bu xəstəliklərə əsasən böyüklər təqribən 4-5 dəfə yoluxa bilirlər. Daha çox immuniteti zəif olanlar və aktiv əhali qrupuna aid şəxslər isə 4-6 dəfə yoluxurlar. Yəni adətən 6 dəfəyə qədər yoluxma halları müşahidə olunur. Uşaqlarda isə bu göstərici 6-10 dəfə olur. Çünki onların immun sistemi daha həssasdır və bağça, məktəblərə gedən uşaqlarda yoluxma halları daha çox müşahidə olunur. Mən düşünürəm ki, əslində payız-qış mövsümündə uşaqlar daha çox xəstələnirsə, növbəti aylarda xəstələnmələrin sayı azalmalıdır. Çünki artıq uşaqlar və ya böyüklər xəstəliyə yoluxduqca həmin virusa qarşı immunitet əldə edir və növbəti dəfə həmin xəstəliyə həssaslıq azalır. Buna görə də payız-qış mövsümündə, xüsusilə sentyabr, oktyabr, noyabr aylarında, eləcə də yanvar-fevral aylarında xəstələnmə halları çox müşahidə olunursa, mart ayında bu halların sayı nəzəri olaraq azalmalıdır”.

    M.Əliyev xəstəliklərin pik dövrünün dekabr-yanvar aylarında müşahidə olunduğunu vurğulayıb:

    “Xüsusilə ağır keçən qrip xəstəlikləri məhz bu dövrdə daha çox qeydə alınır. Ondan sonra isə bu xəstəliklərin sayı tədricən azalır. Mart ayında son dalğa olur və bundan sonra artıq həmin xəstəliklərə yoluxan şəxslər bu viruslara qarşı immunitet qazandıqları üçün yoluxma halları azalır”.

  • Rasim Həsənov barəsində həbs qətimkan tədbiri seçildi

    Müdafiə Nazirliyinin Mərkəzi Hərbi-Həkim Komissiyasının sabiq rəisi Rasim Həsənov saxlanılıb. Onun barəsində qətimkan tədbirinin seçilməsi üçün məhkəməyə təqdimat verilib.

    Median.Az APA-ya istinadən xəbər verir ki, təqdimata Bakı Hərbi Məhkəməsində baxılıb. Məhkəmənin qərarı ilə Rasim Həsənov barəsində 2 ay 19 gün müddətinə həbs qətimkan tədbiri seçilib.

    Rasim Həsənov Cinayət Məcəlləsinin 311.3.2-ci (Rüşvət alma, təkrar törədildikdə), 311.3.3-cü (Rüşvət alma, külli miqdarda törədildikdə), 313-cü( Vəzifə saxtakarlığı), 341.2.3-cü (Vəzifə səlahiyyətlərindən sui-istifadə və ya vəzifə səlahiyyətlərini aşma, ağır nəticələrə səbəb olduqda) maddələri ilə ittiham olunur.

    Qeyd edək ki, Rasim Həsənovun saxlanılması barədə məlumatı ilk olaraq “Qafqazinfo” yayıb.

  • В Испании хотят запретить доступ к соцсетям детям младше 16 лет

    Премьер-министр Испании Педро Санчес объявил о намерении запретить детям и подросткам пользоваться социальными сетями до 16 лет.

    Как передает Median.Az со ссылкой на kp.ru, об этом он сообщил, выступая на саммите лидеров в Объединенных Арабских Эмиратах.

    Отмечается, что правительство хочет ограничить использование этих платформ лицами моложе 16 лет. Платформы будут обязаны внедрить системы проверки возраста, а также реальные и работающие барьеры.

    Санчес утверждает, что соответствующее решение будет вынесено на рассмотрение совета министров на следующей неделе.

  • İspaniyada 16 yaşdan kiçik şəxslərin sosial şəbəkələrə girişi qadağan olunur

    İspaniyada 16 yaşdan kiçik şəxslərin sosial mediadan istifadəsi qadağan olunur.

    Median.Az Rusiya mətbuatına istinadən xəbər verir ki, bu barədə İspaniyanın Baş naziri Pedro Sançes məlumat verib.

    Nazir Birləşmiş Ərəb Əmirliklərində liderlərin sammitində bununla bağlı danışıb.

    O qeyd edib ki, sosial şəbəkəyə girmək üçün rəsmi sənədlər üzrə yaş təsdiqləmə sistemləri, eləcə də real və effektiv maneələr tətbiq olunacaq.

  • Dondurulmuş qidalar gözlənilməz fəsadlar törədir?

    İnsanların əksəriyyəti meyvə və tərəvəzləri həftələrlə, bəzən isə aylarla dondurucuda saxladıqdan sonra istifadə edir.

    Baku TV-nin məlumatına görə, bu cür dondurulmuş qidalar daha aşağı qiymətə alternativ kimi marketlərdə də satılır.

    Bəs bu cür qidaların orqanizmə hansı zərərləri var?

    Qida mütəxəssisi Məhsəti Hüseynova dondurma prosesinə diqqət yetirilməsinin vacibliyini vurğulayıb:

    “Meyvə və tərəvəzləri dondurarkən istifadə edilən polietilen torbalarının qalın və qida üçün uyğun olmasına diqqət yetirilməlidir. Həmin qidalar üç dəqiqə qaynar, sonra buzlu suda saxlanılmalı və tam qurudulub dondurulmalıdır”.

    Ekspertlər bildirirlər ki, bir məhsul yalnız bir dəfə dondurula bilər.

    “Qida düzgün dondurulmadıqda, mikroorqanizmlər inkişaf edə bilər. Bu isə zəhərlənmələrə, hətta botulizmə səbəb olaraq, dərhal ölümə yol aça bilər”, – deyə həkim Adil Qeybulla qeyd edib.

    Mütəxəssislər, eyni zamanda, qeyd edirlər ki, dondurulmuş tərəvəzləri yeyərkən onların tərkibinə diqqət yetirmək lazımdır. Şəkər, yağ və ya duz əlavə edilmiş məhsullardan çəkinin. Həmçinin donmuş tərəvəzin buzunun əriməsini gözləmədən dərhal bişirmək tövsiyə olunur. Çünki buzun əriməsi mikroorqanizmlərin aktivləşməsinə və bakteriyaların sürətlə çoxalmasına səbəb olur.

  • Kriştianu Ronaldu “Ən-Nəsr”in məşqində iştirak etməyib

    Portuqaliyalı futbolçu Kriştianu Ronaldu “Ən-Nəsr” klubunun məşqində iştirak etməyib.

    Bu barədə jurnalist Əbdüləziz Əl-Oseymi “X” sosial şəbəkəsindəki səhifəsində yazıb.

    Onun sözlərinə görə, fevralın 3-ü səhər saatlarında “Ən-Nəsr” Səudiyyə Pro Liqasının 20-ci turu çərçivəsində “Ər-Riyad”a qarşı keçirilmiş oyunda (0:1) iştirak etməyən futbolçular üçün məşq keçirib. Lakin həmin görüşdə oynamayan komandanın kapitanı Ronaldu məşqdə iştirak etməyib.

    Daha əvvəl mətbuatda 40 yaşlı hücumçunun yay transfer pəncərəsində Səudiyyə Ərəbistanı klubunu tərk edə biləcəyi barədə xəbərlər yayılmışdı.

    Qeyd edək ki, Ronaldu 2023-cü ildən “Ən-Nəsr”də çıxış edir. Futbolçunun klubla müqaviləsi 2027-ci ilə qədər nəzərdə tutulub.

  • Yol pulu olmadığı üçün velosiped oğurladı, həbs edildi

    Bakıda yol pulu olmadığı üçün velosiped oğurlayaraq evinə aparan şəxs həbs olunub.

    Qaynarinfo-nun məlumatına görə, hadisə Nizami rayonu, Kamil Balakişiyev küçəsi 36 ünvanında baş verib.

    1973-cü il təvəllüdlü Bakı sakini F.G. həmin ünvanda “VİSTA” markalı, dəyəri 1000 manat olan velosipedi oğurlayıb. O, oğurluğu törətdiyi gün havanın yağışlı olduğunu və evə getmək üçün pulu olmadığını bildirib. F.G. əməlindən peşman olduğunu bildirib, üzr istəyib və velosipedi geri gətirmək üçün icazə verilməsini xahiş edib.

    Məhkəmənin hökmü ilə F.G. İnzibati Xətalar Məcəlləsinin 227-ci maddəsi ilə təqsirli bilinərək 25 gün müddətinə həbs olunub.

  • Azərbaycanda bu qohumlar evlənə bilər

    Azərbaycanda ailə münasibətlərini tənzimləyən qanunvericilikdə mühüm dəyişikliklər edilib. Yeni yanaşmaya əsasən, nikahın bağlanmasına mane olan halların dairəsi genişləndirilib və yaxın qan qohumları arasında evliliklərə daha sərt məhdudiyyətlər tətbiq olunub.

    Bu dəyişikliklər ailə institutunun möhkəmləndirilməsi, gələcək nəsillərin sağlamlığının qorunması və sosial risklərin azaldılması məqsədi daşıyır.

    Qanunvericiliyə edilən yeniliklər nəticəsində artıq əmi, dayı, bibi və xala uşaqları, eləcə də ümumi baba və ya nənəsi olan qohumlar arasında nikahın bağlanmasına yol verilmir. Bununla da nikaha hüquqi maneə yaradan qohumluq dərəcələrinin siyahısı genişləndirilib.

    Qohum evliliklərinin mümkün fəsadları nələrdir?

    Mütəxəssislərin fikrincə, qan qohumları arasında bağlanan nikahlar bir sıra ciddi tibbi və sosial risklər yaradır. Belə evliliklərdən doğulan uşaqlarda:

    irsi və genetik xəstəliklərin yaranma ehtimalı yüksəlir,

    fiziki və əqli inkişaf gerilikləri riski artır,

    bəzi hallarda xroniki xəstəliklər erkən yaşlarda üzə çıxır,

    ailədaxili sosial və psixoloji problemlər daha tez-tez müşahidə olunur.

    Dünya üzrə aparılan elmi araşdırmalar göstərir ki, yaxın qohum evlilikləri cəmiyyətin sağlam genetik fonduna uzunmüddətli təsir göstərir. Məhz bu səbəbdən bir çox ölkələrdə olduğu kimi, Azərbaycanda da bu sahədə hüquqi tənzimləmələrin sərtləşdirilməsi zəruri hesab olunub.

    Hansı qohumlar arasında nikah mümkündür?

    Qanunvericilikdə edilən dəyişikliklər bütün qohumluq əlaqələrini əhatə etmir. Belə ki, ulu babaları qardaş olan şəxslər arasında nikaha qanuni maneə yoxdur. Eyni zamanda, nəsil şəcərəsində dördüncü və beşinci dərəcədən sonra gələn qohumlar bu qadağaların əhatə dairəsinə daxil edilmir.

    Bu o deməkdir ki, qanun yalnız yaxın bioloji qohumluq əlaqələrini məhdudlaşdırır, uzaq nəsil bağlantıları isə evlilik üçün hüquqi əngəl sayılmır.

    Qohum evlilikləri ilə bağlı edilən dəyişikliklər cəmiyyətdə uzun müddətdir müzakirə olunan bir məsələyə hüquqi aydınlıq gətirir. Məqsəd kimlərinsə şəxsi həyatına müdaxilə etmək deyil, gələcək nəsillərin sağlamlığını qorumaq və ailə institutunu daha dayanıqlı əsaslar üzərində formalaşdırmaqdır. Yeni qaydalar həm tibbi risklərin azaldılmasına, həm də sosial məsuliyyətin artırılmasına yönəlib.
    //Baku.ws

  • “Ölümündən 40 gün sonra xəbərim oldu” – Qətlə yetirilən şəxsin qardaşı məhkəmədə ifadə verdi

    Bakıda anasının qeyri-rəsmi nikahda yaşadığı şəxsi qətlə yetirməkdə təqsirləndirilən 16 yaşlı Y.Q hakim qarşısına çıxarılıb.

    Bakı Ağır Cinayətlər Məhkəməsinin hakimi Roman Ələkbərlinin sədrliyi ilə keçirilən iclasda dövlət ittihamçısı təqsirləndirilən şəxsə ittiham aktını elan edib. Y.Q özünü ittihamla təqsirli bildiyini deyib.

    Daha sonra təqsirləndirilən Y.Q. hadisənin necə baş verməsindən danışıb:

    “Anam işdən gəlib yemək bişirirdi. Emil də oturub içki içirdi, arada da anama pis söyüşlər söyməyə başladı. Hədələyirdi ki, onu polisə versək, başımıza oyun açacaq. Sonra ayağa durub dedi ki, atasıgilə getmək istəyir. Anam qoymadı ki, içkilisən, bu halda çölə çıxma. Emil başladı anama əl-qol atıb söyməyə. Mən qorxub özümü itirdim. Digər otağa keçib xalama zəng etdim ki, “Bunlar yenə dava edir, mən neyləyim?” Xalam dedi ki, qarışmayım. Qayıdıb gördüm ki, Emil qışqıra-qışqıra anamı vurmağa, söyməyə davam edir. Qorxudan özümü itirmişdim, mətbəxə keçib bıçağı götürdüm ki, bununla Emili qorxudum, anamı döyməkdən əl çəksin. Onun anamı buraxmaq fikri yox idi, anamı necə gəldi vururdu. Bıçağı nə zaman, necə Emilə vurduğumu xatırlamıram, sonradan bildim ki, ona dörd zərbə vurmuşam. Emil səndələyə-səndələyə qapı tərəfə qaçdı. Xalama zəng eləyib atalığımı vurduğumu dedim. Xalam telefonda anama qışqırdı ki, “uşağı niyə işə saldın”. Anama dedim ki, tez “təcili yardım”a, polisə zəng etsin. Özüm çıxıb polisləri qarşılayıb evə gətirdim”.

    Zərərcəkənin hüquqi varisi, yəni qətlə yetirilən Emil Əliyevin qardaşı ifadəsi zamanı vurğulayib ki, o qardaşının ölümündən 40 gün sonra xəbər tutub. O, qardaşının ölümünü ona telefonla xəbər verdiklərini bildirib:

    “40 gündən sonra mənə zəng etdilər ki, gəl qardaşının meyitini apar. Meyit bu müddətə kimi morqda qalmışdı”.

    Məhkəmənin növbəti iclası fevralın 17-nə təyin olunub.

    Qeyd edək ki, hadisə 2025-ci ilin sentyabrında Bakının Ramana qəsəbəsində baş verib. Qəsəbə sakini Emil Əliyevin qətlə yetirilməsi ilə bağlı hüquq-mühafizə orqanlarına məlumat daxil olub.

    Araşdırmalarla məlum olub ki, Emil Əliyev qeyri-rəsmi nikahda yaşadığı qadının 16 yaşlı oğlu tərəfindən bıçaqlanaraq qətlə yetirilib. Yetkinlik yaşına çatmamış Y.Q. barəsində Cinayət Məcəlləsinin 120.1-ci (qəsdən adam öldürmə) maddəsi ilə ittiham irəli sürülüb.
    //oxu.az

  • Avropada iş vədi ilə 160 mindən çox pul mənimsəyən şirkət rəhbərlərinin MƏHKƏMƏSİ

    Bu gün Bakı Ağır Cinayətkər Məhkəməsində hakim Səbuhi Hüseynovun sədrliyi ilə Bakıda fəaliyyət göstərən “Recent Group” MMC və “Area Alfa Group” MMC-nin rəhbərləri Sevinc Aslanova və Kamil Curayevin cinayət işi üzrə növbəti məhkəmə baxış iclası keçirilib.

    Məhkəmə iclasında zərərçəkənlərin ifadələri dinlənilib.
    Təqsirləndirilən Sevinc Aslanova tərəfindən aldadıldığını deyən zərərçəkənlər ifadələrində bildiriblər ki, “Avropada iş” elanını sosial şəbəkələrdə görüblər. Daha sonra sövdələşmə imzalamaqla yanaşı müxtəlif məbləğlərdə pul ödəyiblər.Bundan sonra onlara şengen dövlətlərindən iş dəvətlərinin gələcəyinə söz verilsə də buna əməl edilməyib və ödənilən məbləğlər də geri qaytarılmayıb.

    Məhkəmə tərkibi prosesi qeyri- müəyyən vaxta təxirə salındığını bildirib.
    İstintaqla müəyyən edilib ki, “Recent Group” MMC-nin direktoru Sevinc Aslanova və “Area Alfa Group” MMC-nin direktoru Kamil Curayev ayrı-ayrı şəxslərdən müxtəlif Avropa ölkələrində işə düzəlmələrinə, həmçinin iş vizasının alınmasına kömək edəcəklərini vəd edərək dələduzluq yolu ilə aldıqları pul vəsaitlərini şəxsi ehtiyaclarına sərf etmələri və etibardan sui-istifadə etmə və ya aldatma yolu ilə xeyli miqdarda özgə əmlakını təkrarən ələ keçirməsi ilə bağlı kifayət qədər dəlillər toplanılıb.

    2024-cü il mayın 15-də Kamil Curayev Cinayət Məcəlləsinin 178.3.2, 308.1 və 313-cü maddələri ilə təqsirləndirilən şəxs qismində cəlb edilsə də, o, istintaq orqanlarından yayınmaqla çağırışlara gəlməkdən boyun qaçırdığına görə barəsində axtarış elan edilib. Nəsimi rayon Polis İdarəsinin 21-ci Polis Bölməsinin əməkdaşlarının keçirdiyi əməliyyat-axtarış tədbirləri nəticəsində o, saxlanılaraq istintaqa təhvil verilib.

    Digər təqsirləndirilən Sevinc Aslanova barəsində isə Cinayət Məcəlləsinin 178.3.2, 308.2 və 313-cü maddələri ilə təqsirləndirilən şəxs qismində cəlb edilməklə barəsində polisin nəzarəti altına vermə qətimkan tədbiri seçilib.

    Araşdırmalarla müəyyən edilib ki, “Recent Group” MMC-nin direktoru Sevinc Aslanova yaxın münasibətdə olduğu “Area Alfa Group” MMC-nin direktoru Kamil Curayev ilə əlbir olaraq paytaxtla yanaşı bir çox bölgələrdən olan müxtəlif vətəndaşları, onları Avropa ilə yanaşı dünyanın bir çox digər ölkələrində yüksək maaş vədi ilə aldadaraq bunun müqabilində onların külli miqdarda pulunu mənimsəyiblər. Onların vətəndaşlara vəd etdikləri mövsümi xarakterli işlərlə yanaşı müxtəlif peşə əsaslı işlərin isə əslində heç bir hüquqi əsası olmayaraq saxta müqavilələr əsasında tərtib olunubmuş.

    Aldadılan vətəndaşlara işləmək üçün vəd edilən ölkələr isə əsasən Hollandiya, Slovakiya, İngiltərə, Polşa, Rumıniya və digər Şengen ərazilərinə daxil olan ölkələr olub. Sevinc Aslanova Kamil Curayev ilə qabaqcadan əlbir olaraq qrup halında aldatma və etibardan sui-istifadə etmə yolu ilə ümumilikdə 130 nəfərin 161550 manatını mənimsəyiblər. Hər iki şəxslə bağlı toplanmış materiallar üzrə ittiham elan edilmiş, barələrində həbs və polisin nəzarəti altında qətimkan tədbiri seçilib.
    //lent.az