İsrailin Beyruta hücumu nəticəsində “Hizbullah” hərəkatının hərbi qanadının kəşfiyyat rəisi Hüseyn Makled həlak olub.
Bu barədə İsrail Müdafiə Qüvvələri (SAXAL) məlumat yayıb.
Daha əvvəl Livan hökuməti “Hizbullah”ın ölkə daxilində silahlı fəaliyyətinə qadağa qoyulduğunu açıqlayıb.
Qeyd edək ki, bu gün İsrail ordusu Livana qarşı yeni hücumlara başlayıb.
Azərbaycan Respublikasının Prezidenti İlham Əliyev martın 2-də Rusiya Federasiyası hökuməti sədrinin müavini, Hökumətlərarası Komissiyanın həmsədri Aleksey Overçuku qəbul edib.
Median.Az AZƏRTAC-a istinadən xəbər verir ki, görüş əsnasında Rusiya tərəfi regionda mürəkkəb və gərgin şərait fonunda Rusiya vətəndaşlarının İran İslam Respublikasından təxliyəsində operativ köməyə görə Azərbaycan rəhbərliyinə səmimi təşəkkürünü bildirib.
Azərbaycan-Rusiya münasibətlərinin gündəliyi ilə bağlı ətraflı fikir mübadiləsi aparılıb.
Söhbət zamanı qeyd edilib ki, Azərbaycan və Rusiya liderlərinin 2025-ci il oktyabrın 9-da Düşənbədə keçirilən görüşündə əldə etdikləri razılaşmalara uyğun olaraq, tərəflər 2024-cü il dekabrın 25-də “AZAL” təyyarəsinin qəzaya uğraması nəticəsində yaranan problemlərin həlli üzrə yaxın vaxtlarda kompleks praktik addımlar atacaqlar.
Azərbaycan ilə Rusiya arasında qarşılıqlı faydalı iqtisadi-ticari, investisiya, sənaye və nəqliyyat-logistika əməkdaşlığının gələcəkdə daha da inkişaf etdirilməsinə dair ortaq niyyətə diqqət yetirilib.
Görüşdə regionda nəqliyyat əlaqələrinin inkişafı perspektivləri müzakirə edilib.
“Şimal-Cənub” Beynəlxalq Nəqliyyat Dəhlizinin inkişafı üzrə işləri davam etdirmək üçün ortaq niyyət təsdiqlənib.
Söhbət əsnasında bir sıra humanitar məsələlər də müzakirə edilib.
Böyük Britaniyanın Azərbaycana yeni təyin etdiyi fövqəladə və səlahiyyətli səfir Dunkan Norman Fergus Auldu bu ilin mayında əvəz edəcək.
Median.Az Dunkan Normanın dosyesini təqdim edir.
Dunkan Norman uzun illər diplomatik sahədə müxtəlif rəhbər vəzifələrdə çalışıb və geniş beynəlxalq təcrübəyə malikdir.
O, diplomatik fəaliyyətinə 1990-cu ildə başlayıb. 2016-21-ci illərdə ölkəsinin Albaniyadakı səfiri, Banqladeş və Ermənistanda isə səfir müavini vəzifələrində çalışıb. Həmçinin diplomat 2021-22-ci illərdə Böyük Britaniyanın Daxili İşlər Nazirliyində fəaliyyət göstərib.
Dunkan Norman 2022-23-cü illərdə Xarici İşlər, Birlik və İnkişaf Ofisində Ukraynanın Bərpası şöbəsinin direktor müavini, 2023-24-cü illərdə Milli Təhlükəsizlik Katibliyində Birgə Fondlar şöbəsinin direktor müavini vəzifələrində çalışıb.
Qeyd edək ki, yeni səfirin təyinatı Böyük Britaniya ilə Azərbaycan arasında diplomatik münasibətlərin daha da inkişaf etdirilməsi baxımından əhəmiyyətli addım kimi qiymətləndirilir.
Azərbaycan Respublikasının İpoteka və Kredit Zəmanət Fondu tərəfindən 2026-cı il ərzində ipoteka kreditləşməsi prosesinin davam etdirilməsi məqsədilə müvəkkil banklara ipoteka kreditlərinin, o cümlədən güzəştli ipoteka kreditlərinin verilməsi üçün limitlər ayrılır.
Bu barədə fond məlumat yayıb.
Bildirilib ki, adi ipoteka kreditləri üzrə vətəndaşlardan müraciətlərin qəbuluna 5 mart 2026-cı il tarixində saat 11:00-dan etibarən başlanılacaq. Güzəştli ipoteka kreditləri üzrə isə müraciət qəbulu 6 mart 2026-cı il tarixində saat 11:00-dan etibarən baş tutacaq.
Müraciətlərin qəbulu “Elektron ipoteka və kredit zəmanət” sistemi (www.e-gov.az) üzərindən elektron imza vasitələri (SİMA Token (Elektron İmza), SİMA Rəqəmsal, Asan İmza) ilə həyata keçiriləcəkdir.
Bununla əlaqədar olaraq, vətəndaşlara 04.03.2026-cı il tarixinədək elektron kabinetlərin formalaşdırılması tövsiyə edilir.
İranın ali rəhbəri Əli Xameneinin Tehrandakı əsas iqamətgahının İsrailin hücumları zamanı vurulması anını əks etdirən görüntülər paylaşılıb.
Bu barədə Median.Az “Azad İran” “Telegram” kanalına istinadən xəbər yayıb.
Kadrlarda paytaxt ərazisində partlayış səsləri və tüstü müşahidə edilir. Həmin məqamları videoya çəkən şəxslərin hadisəni sevinclə qarşıladıqları səslərdən və reaksiyalardan aydın görünür.
Hədə-qorxu ilə tələb etmədə təqsirləndirilən Aygün Səmədovanın (adı, soyadı şərtidir – red.) cinayət işi üzrə məhkəmə istintaqı yekunlaşıb.
Median.Az Pravda.az-a istinadən xəbər verir ki, Qusar Rayon Məhkəməsində hakim Əli Cəlilovun sədrliyi ilə keçirilən prosesdə hökm oxunub.
Məhkəmənin hökmü ilə ona 3 il müddətinə azadlıqdan məhrumetmə cəzası təyin olunub və qadın məhkəmə iclas zalında dərhal həbs edilib.
Təqdim olunan ittiham aktına əsasən, təqsirləndirilən şəxs 1968-ci il təvəllüdlü sevgilisinə qarşı hədə-qorxu ilə tələbetmə əməlinə görə cinayət məsuliyyətinə cəlb olunub.
İttihama görə, hadisə ötən il Qusar şəhərində təqsirləndirilən şəxsə məxsus fərdi yaşayış evində baş verib.
Belə ki, həmin vaxt Aygün Səmədova tanışı Elmar Tağıyevlə (adı, soyadı şərtidir – red.) könüllü cinsi əlaqədə olub. Bu zaman təqsirləndirilən şəxs prosesi öz mobil telefonunun videokamerası vasitəsilə lentə alıb. İstintaq materiallarında göstərilir ki, sonradan qadın həmin videogörüntüləri kişinin istifadəsində olan mobil telefona göndərib. Daha sonra sözügedən intim xarakterli görüntüləri sosial şəbəkələrdə yaymaqla Elmarı rüsvay edici ilə hədələyib, bu yolla ondan 3500 manat məbləğində pul tələb edib.
İttihamda qeyd olunur ki, bu hərəkətlər hədə-qorxu ilə özgənin əmlakını tələbetmə kimi qiymətləndirilib və əməl Cinayət Məcəlləsinin 182.1-ci maddəsi ilə tövsif edilib.
Məhkəmə istintaqı zamanı Aygün Səmədova dindirilən zaman həmin maddə ilə özünü qismən təqsirli bildiyini, lakin ittihamın mahiyyəti ilə razılaşmadığını ifadə edib. O, ifadəsində deyib ki, videoçəkilişi Elmarın xahişi ilə həyata keçirib və heç bir məcburiyyət olmayıb. Onun sözlərinə görə, Elmar videoya sonradan baxmaq və həzz almaq məqsədilə çəkilişi özü istəyib, həmçinin görüntülərin ona göndərilməsini xahiş edib.
Təqsirləndirilən şəxs bildirib ki, Elmarı bilərəkdən şantaj etməyib və ondan 3500 manat pul tələb etməyib. Onun dediyinə görə, kişi özü ona 300 manat verəcəyini deyib, sonradan isə müxtəlif səbəblərdən aralarında anlaşılmazlıq yaranıb. O, Elmardan 200-300 manat məbləğində pul istədiyini etiraf etsə də, bunu hədə-qorxu və ya şantaj məqsədilə etmədiyini vurğulayıb.
İfadəsində həmçinin qeyd edib ki, videonu Elmara göndərməyib və görüntüləri yaymaqla hədələməyib. Onun sözlərinə görə, tərəflər arasında münasibətlər məhz videonun təqdim olunmaması səbəbindən pozulub. Təqsirləndirilən şəxs zərərçəkmiş şəxsdən videonu silmək müqabilində də pul tələb etmədiyini söyləyib.
Aygün Səmədova 2017-ci ildə ailə həyatı qurub, 2021-ci il tarixdə isə əri vəfat etdiyindən Quba şəhərində valideynləri ilə birlikdə yaşamağa başlayıb. Bir müddət sonra valideynləri ilə yola getməyib, Qusara gələrək burada kafelərin birində ofisiant kimi işləməyə başlayıb.
Elmar Tağıyev isə Bakıda qida vasitələri satan şirkətlərdən birində qeyri-rəsmi məsləhətçi işləyir. Hadisədən əvvəl qış aylarında dostu ilə birgə Qusara istirahətə gedibmiş. Elə bu zaman da Aygünlə tanış olub.
Rusiya Silahlı Qüvvələri Ukraynanın Donetsk və Xarkov vilayətlərində üç yaşayış məntəqəsini nəzarət altına alıb.
Median.Az-ın Rusiya KİV-ə istinadən xəbərinə görə, bu barədə ölkənin Müdafiə Nazirliyindən məlumat verilib.
Məlumata görə, Rusiya hərbçiləri Donetsk vilayətində Drobışevo və Reznikovka, eləcə də Xarkov vilayətində Kruqloye yaşayış məntəqələrini nəzarətə götürüblər.
İstanbulun Çekmeköy rayonunda yerləşən liseydə şagirdlərdən biri özü ilə gətirdiyi bıçaqla iki müəllimi və bir məktəblini bıçaqlayıb.
Bu barədə “Türkiye Gazetesi” məlumat yayıb.
Xəbərdə bildirilir ki, yaralılar yaxınlıqdakı xəstəxanalara aparılıblar. Xəsarət alanlardan birinin vəziyyəti ağırdır, digər ikisinin həyatı üçün təhlükə yoxdur.
Liseyə hücum edən şəxs saxlanılıb, hadisə ilə bağlı araşdırma başlanılıb.
Dunkan Norman Böyük Britaniyanın Azərbaycandakı yeni səfiri təyin olunub.
Diplomat bu barədə sosial şəbəkədə paylaşım edib.
D.Norman ölkəsinin Azərbaycandakı növbəti səfiri təyin olunmasından şərəf hissi duyduğunu bildirib.
O, Britaniya-Azərbaycan tərəfdaşlığını daha da gücləndirmək, ikitərəfli münasibətlərin möhkəm əsasları üzərində irəliləmək və ortaq prioritetlər üzrə vacib əməkdaşlığı davam etdirməyi səbirsizliklə gözlədiyini vurğulayıb.
Prezident İlham Əliyevin gəlini Alyona Əliyeva “Woman Bazaar 5” festivalından görüntülər paylaşıb.
Median.Az həmin paylaşımları təqdim edir: