Median.Az

Month: April 2026

  • Böyük Mərdəkan qəsrində çökmə oldu – Giriş məhdudlaşdırıldı

    Son dövr müşahidə olunan intensiv yağışların təsiri nəticəsində dünən Böyük Mərdəkan qəsrinin dam hissəsində və mərtəbələrarası döşəmə qatlarında çökmə halları qeydə alınıb.

    Bu barədə Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətindən məlumat verilib.

    Bildirilib ki, bununla əlaqədar olaraq, Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətinin Bakı Regional İdarəsi tərəfindən abidəyə baxış keçirilib və əraziyə giriş müvəqqəti olaraq məhdudlaşdırılıb.

    Dam hissəsinin və daşıyıcı konstruksiyaların vəziyyəti qiymətləndirilərək müvafiq tədbirlərin görülməsi nəzərdə tututlub.

    Qeyd edilib ki, vəziyyət aidiyyəti qurumların nəzarətindədir və zəruri tədbirlər ardıcıl şəkildə həyata keçirilir.

  • Xalq artisti vəfat etdi

    Azərbaycan mədəniyyətinə ağır itki üz verib.

    Görkəmli baletmeyster, Xalq artisti, Prezidentin fərdi təqaüdçüsü Maqsud Məmmədov 13 aprel 2026-cı il tarixində, ömrünün 97-ci ilində vəfat edib.

  • Bu məhsulların qanunsuz onlayn satışı sağlamlıq riski yaradır – Video

    Sosial şəbəkələr və onlayn platformalarda idman qidaları və bioloji aktiv qida məhsullarının (BAQM) təbliği qeyd olunan sahəyə marağın genişlənməsinə səbəb olub. İdman qidaları və BAQM-ların etibarlı mənbələrdən əldə edilməsi önəmlidir.

    Qida Təhlükəsizliyi Agentliyi istehlakçıları bu məhsulları əldə edərkən, satıcının rəsmi qeydiyyatının mövcudluğunu, məhsulların idxal sağlamlıq aktına malik olmasını, eləcə də BAQM-ların dövlət qeydiyyatından keçməsini yoxlamağa çağırır.

    Bununla yanaşı, məhsulun etiket məlumatlarına və istifadə təlimatlarına diqqət yetirilməsi zəruridir. Belə məhsulların qəbulundan əvvəl onların tərkibi, təyinatı, istifadə qaydası və dozası, mümkün yan təsirləri və əks göstərişləri haqqında ətraflı məlumatın əldə olunması xüsusi əhəmiyyət kəsb edir. Eyni zamanda, məhsulun istifadəsinin fərdin sağlamlıq vəziyyəti ilə uyğunluğu mütləq nəzərə alınmalıdır.

  • TƏBİB-ə yeni mətbuat katibi təyin olundu

    Tibbi Ərazi Bölmələrini İdarəetmə Birliyində yeni kadr təyinatı olub.

    Median.Az Oxu.az-a istinadən xəbər verir ki, qurumun İctimaiyyətlə əlaqələr və kommunikasiya departamentinin rəhbəri vəzifəsi tanınmış jurnalist Elnur Hidayətoğluya həvalə olunub.

    Xatırladaq ki, E.Hidayətoğlu bu vaxta qədər adıçəkilən departamentin nəzdində ictimaiyyətlə əlaqələr şöbəsinin müdiri vəzifəsində çalışırdı. O, bu vəzifəyə 2023-cü ilin dekabrında təyin edilmişdi.

  • Şahin Şıxlinski və oğluna 32 il həbs cəzası verildi

    Kirov Rayon Məhkəməsi Uralsdakı Azərbaycan diasporunun keçmiş lideri Şahin Şıxlinski və oğlu Mütvalanı dövlət məmuruna qarşı zorakılıq etməkdə təqsirli bilib.

    “Unikal” Rusiya mətbuatına istinadən xəbər verir ki, əvvəllər qətllərin təşkilində təqsirli bilinən böyük Şahin Şıxlinski ümumilikdə 24 il həbs cəzasına məhkum olunub. Oğlu isə ümumi rejimli cəzaçəkmə koloniyasında səkkiz il müddətinə azadlıqdan məhrum edilib.

    Hər ikisinin təqsirli bilindiyi hadisə 1 iyul 2025-ci ildə Yekaterinburqdakı “Baku Plaza” ticarət mərkəzinin yaxınlığında baş verib. Şahin Şıxlinskinin həbsi zamanı “Mercedes” sürən Mütvala geri çəkilərək təhlükəsizlik işçisini vurub. O, bunu qəsdən etmədiyini – sadəcə xüsusi təyinatlı qüvvələrin zabitini görmədiyini etiraf edib. Daha sonra hadisədən peşman olduğunu bildirib.

    Ata və oğula qarşı Rusiya Cinayət Məcəlləsinin 318-ci maddəsinin 2-ci hissəsi – dövlət məmuruna qarşı zorakılıq tətbiq etmə ilə iş açılıb. Mütvala əvvəlcə sərbəst buraxılıb, lakin bir neçə gün sonra saxlanılıb. O vaxtdan bəri o, məhkəməyəqədər həbsdə saxlanılırdı.

  • 2052.5 hektar ərazi minalardan təmizlənib

    Azad olunan ərazilərdə aprelin 6-dan 12-dək 47 tank əleyhinə mina, 144 piyada əleyhinə mina, 1 661 partlamamış hərbi sursat (PHS) aşkarlanıb və zərərsizləşdirilib.

    Bu barədə Azərbaycan Minatəmizləmə Agentliyinin (ANAMA) azad edilmiş ərazilərdə həyata keçirilən humanitar minatəmizləmə əməliyyatları ilə bağlı həftəlik məlumatında deyilir.

    Məlumata əsasən, 2052.5 hektar ərazi minalardan təmizlənib.

    Qeyd edək ki, minatəmizləmə əməliyyatlarını ANAMA, Müdafiə Nazirliyi, Fövqəladə Hallar Nazirliyi (FHN) və Dövlət Sərhəd Xidməti (DSX) və dörd özəl şirkət Tərtər, Ağdərə, Kəlbəcər, Ağdam, Xocalı, Xankəndi, Şuşa, Xocavənd, Laçın, Füzuli, Cəbrayıl, Qubadlı və Zəngilan ərazilərində, o cümlədən Qazax rayonunun işğaldan azad edilmiş Bağanıs Ayrım, Aşağı Əskipara, Xeyrımlı, Qızılhacılı kəndlərində həyata keçirib.

  • Qanunsuz saxlanılan silah-sursat aşkarlandı

    İki gün ərzində xeyli sayda qanunsuz saxlanılan silah-sursat aşkarlanıb.

    Bu barədə Daxili İşlər Nazirliyindən məlumat verilib.

    Bildirilib ki, aprelin 11-də və 12-də polis əməkdaşları paytaxt, respublikanın ayrı-ayrı rayonlarında və işğaldan azad olunan bölgələrdə 7 avtomat silahı, 1 pulemyot, 1 tapança, 2 qumbara, 3 alışdırıcı, 19 patron darağı və 526 ədəd müxtəlif çaplı patron aşkar edərək götürüblər.

    Daxili İşlər Nazirliyinin əməkdaşları tərəfindən qanunsuz saxlanılan odlu silah-sursatın aşkar olunaraq götürülməsi istiqamətində əməliyyat və profilaktik tədbirlər davam etdirilir.

  • İrandakı müharibədə 278 uşaq həlak olub

    ABŞ və İsrailin İrana hücumları nəticəsində ən azı 278 uşaq həlak olub.

    Bu barədə ölkənin Təhsil Nazirliyi məlumat yayıb.

    Ölənlərin sayının 156 oğlan və 115 qız, eləcə də yeddi birinci sinif şagirdi olduğu dəqiqləşdirilib.

  • Uqanda prezidentinin oğlu Türkiyəni hədələdi – Ən gözəl qadını və 1 milyard tələb etdi

    Uqanda prezidentinin oğlu və ölkənin baş komandanı Muhuzi Kayneruqaba Türkiyədən istədikləri ilə gündəmə gəlib.

    O, Türkiyənin ən gözəl qadınını və bir milyard dollar tələb edib. Əks təqdirdə, Türkiyə səfirliyini və Türk Hava Yollarının hava məkanını bağlamaqla hədələyib. General Ankaraya 30 gün vaxt verib və Türkiyə üçün bunun “sadə bir razılaşma olacağını” qeyd edib.

    Kayneruqaba daha sonra paylaşımını X sosial media platformasından silib.

    Bu, Uqanda baş komandanının ilk qalmaqallı hərəkəti deyil. 2022-ci ildə o, İtaliyaya Baş nazir Corciya Meloninin əlini almaq müqabilində 100 inək təklif edib. Razılaşma rədd edilərsə, Kayneruqaba Romanı ələ keçirməklə hədələmişdi.

  • ВС США начали блокаду Ормузского пролива

    Блокада Ормузского пролива, которую Центральное командование Вооруженных сил США (CENTCOM) обещало начать в 18:00 по бакинскому времени, вступает в силу. Соответствующее поручение американского президента Дональда Трампа было отдано после провала переговоров Вашингтона и Тегерана.

    Как передает Median.Az, об этом командование сообщило в своем Telegram-канале.

    “Силы CENTCOM не будут препятствовать свободе навигации судов, проходящих через Ормузский пролив в и из неиранских портов”, – говорится в сообщении.

    Отмечается, что блокада осуществляется беспристрастно против судов всех стран, входящих или выходящих из иранских портов и прибрежных районов, включая все иранские порты Аравийского и Оманского заливов.

    Дональд Трамп 12 апреля сообщил, что Военно-морские силы США приступают к блокировке всех кораблей, которые попытаются зайти в Ормузский пролив или выйти из него. По его словам, переговоры в Исламабаде прошли хорошо, но ключевой ядерный вопрос остался нерешенным.