Ermənistanın xarici işlər naziri Ararat Mirzoyan aprelin 14-də Belçikaya işgüzar səfər edəcək.
Bu barədə Ermənistan Xarici İşlər Nazirliyinin (XİN) bəyanatında bildirilir.
Məlumata görə, Mirzoyanın Avropa İttifaqından (Aİ) olan tərəfdaşları, o cümlədən Aİ-nin xarici işlər və təhlükəsizlik siyasəti üzrə ali nümayəndəsi Kaya Kallas ilə görüşləri planlaşdırılır.
ABŞ Prezidenti Donald Tramp özünü “şəfa verən müqəddəs” kimi təsvir edən süni intellektlə yaradılan şəklini “Truth Social” səhifəsindən silib.
Şəkildə Trampın prezidentin bir əlini yataqda uzanan bir kişinin alnına qoyduğu görünür. Toxunduğu anda xəstənin başının ətrafında bir işıq peyda olur. Digər əlində isə prezident işıq topu tutur. ABŞ əsgəri, tibb bacısı, Trampın beysbol papağını taxan tərəfdarı və əllərini dua üçün birləşdirən bir qadın onun və xəstənin ətrafında dayanıblar. Arxa planda ABŞ simvolları – bayraq, Azadlıq Heykəli və qartal görünür. Hərbi təyyarələr Trampın başının üstündə uçur.
ABŞ prezidentinin digər paylaşımları istifadəçilər üçün əlçatan olaraq qalır.
Bu gün İraq səfirliyinin müvəqqəti işlər vəkili Bəhreyn Xarici İşlər Nazirliyinə çağırılıb.
Bu barədə Bəhreyn Xəbər Agentliyi məlumat yayıb.
Məlumata görə, Bəhreyn Xarici İşlər Nazirliyi İraq ərazisindən Körfəz Əməkdaşlıq Şurasına üzv ölkələrə qarşı həyata keçirilən “zərərli dron hücumlarını” kəskin şəkildə pisləyib.
Nazirlikdə keçirilən görüş zamanı ikitərəfli əlaqələr üzrə baş direktor Şeyx Abdullah bin Əli Al Xəlifə İraq diplomatı Əhməd İsmayıl al-Karaviyə rəsmi etiraz notası təqdim edib.
O vurğulayıb ki, İraq bu təhdid və hücumlara regional və beynəlxalq hüquqa uyğun şəkildə təcili və məsuliyyətli şəkildə cavab verməlidir.
Bəyanatda həmçinin qeyd olunub ki, Bəhreyn sabitliyini və vətəndaşlarının təhlükəsizliyini qorumaq üçün “bütün zəruri tədbirləri görmək hüququnu” özündə saxlayır.
Kirov Rayon Məhkəməsi Uralsdakı Azərbaycan diasporunun keçmiş lideri Şahin Şıxlinski və oğlu Mütvalanı dövlət məmuruna qarşı zorakılıq etməkdə təqsirli bilib.
“Unikal” Rusiya mətbuatına istinadən xəbər verir ki, əvvəllər qətllərin təşkilində təqsirli bilinən böyük Şahin Şıxlinski ümumilikdə 24 il həbs cəzasına məhkum olunub. Oğlu isə ümumi rejimli cəzaçəkmə koloniyasında səkkiz il müddətinə azadlıqdan məhrum edilib.
Hər ikisinin təqsirli bilindiyi hadisə 1 iyul 2025-ci ildə Yekaterinburqdakı “Baku Plaza” ticarət mərkəzinin yaxınlığında baş verib. Şahin Şıxlinskinin həbsi zamanı “Mercedes” sürən Mütvala geri çəkilərək təhlükəsizlik işçisini vurub. O, bunu qəsdən etmədiyini – sadəcə xüsusi təyinatlı qüvvələrin zabitini görmədiyini etiraf edib. Daha sonra hadisədən peşman olduğunu bildirib.
Ata və oğula qarşı Rusiya Cinayət Məcəlləsinin 318-ci maddəsinin 2-ci hissəsi – dövlət məmuruna qarşı zorakılıq tətbiq etmə ilə iş açılıb. Mütvala əvvəlcə sərbəst buraxılıb, lakin bir neçə gün sonra saxlanılıb. O vaxtdan bəri o, məhkəməyəqədər həbsdə saxlanılırdı.
ABŞ və İsrailin İrana hücumları nəticəsində ən azı 278 uşaq həlak olub.
Bu barədə ölkənin Təhsil Nazirliyi məlumat yayıb.
Ölənlərin sayının 156 oğlan və 115 qız, eləcə də yeddi birinci sinif şagirdi olduğu dəqiqləşdirilib.
Uqanda prezidentinin oğlu və ölkənin baş komandanı Muhuzi Kayneruqaba Türkiyədən istədikləri ilə gündəmə gəlib.
O, Türkiyənin ən gözəl qadınını və bir milyard dollar tələb edib. Əks təqdirdə, Türkiyə səfirliyini və Türk Hava Yollarının hava məkanını bağlamaqla hədələyib. General Ankaraya 30 gün vaxt verib və Türkiyə üçün bunun “sadə bir razılaşma olacağını” qeyd edib.
Kayneruqaba daha sonra paylaşımını X sosial media platformasından silib.
Bu, Uqanda baş komandanının ilk qalmaqallı hərəkəti deyil. 2022-ci ildə o, İtaliyaya Baş nazir Corciya Meloninin əlini almaq müqabilində 100 inək təklif edib. Razılaşma rədd edilərsə, Kayneruqaba Romanı ələ keçirməklə hədələmişdi.
ABŞ Silahlı Qüvvələrinin Mərkəzi Komandanlığının (CENTCOM) Bakı vaxtı ilə saat 18:00-da başlayacağını elan etdiyi Hörmüz boğazının blokadası qüvvəyə minir. Donald Trampın müvafiq tapşırığı Vaşinqton və Tehran arasında aparılan danışıqların iflasından sonra verilib.
Bu barədə ABŞ Hərbi Hava Qüvvələri Komandanlığının “Telegram” kanalında bildirilib.
“Mərkəzi Komandanlığın qüvvələri Hörmüz boğazından qeyri-İran limanlarına və ya həmin limanlardan keçən gəmilərin naviqasiya azadlığına mane olmayacaq”, – deyə məlumatda qeyd olunub.
Blokadanın İranın Ərəbistan və Oman körfəzlərində yerləşən bütün limanları da daxil olmaqla, İran limanlarına və sahil bölgələrinə daxil olan və ya oradan çıxan bütün ölkələrin gəmilərinə qarşı qərəzsiz şəkildə həyata keçiriləcəyi vurğulanıb.
Xatırladaq ki, Donald Trump aprelin 12-də bildirmişdi ki, ABŞ Hərbi Dəniz Qüvvələri Hörmüz boğazına daxil olmağa və ya oradan çıxmağa çalışan bütün gəmilərin blokadasına başlayacaq.
//oxu.az
Türkiyənin “Oxxo”, “Club”, “NetWork” və “Mudo brendləri Rusiyada mağazalarını bağlayır.
Bu barədə Rusiya mətbuatı yazır.
Qeyd olunur ki, Türk milyarder Hüsnü Özyeginin “Fiba Retail Group” şirkətinə məxsus Rusiyadakı bu brendlər ötən il 716,3 milyon rubl xalis zərər edib.
Onların idarəetmə şirkəti olan “Marka Rus” ötən il artıq 10 mağazasını bağlayıb, 20 mağazası isə qalıb və bunların hamısı 2026-cı ilin sonuna qədər fəaliyyətini dayandıracaq.
Türk brendlərinin bazardan getməsi, artan xərclər və istehlakçı davranışındakı dəyişikliklər səbəbindən Rusiya geyim bazarının daralması fonunda baş verir. “Forbes”in məlumatına görə, 2026-cı ilin əvvəlində Rusiya pərakəndə satış məntəqələrinin sayı 2000-ci illərin əvvəllərindən bəri ilk dəfə olaraq əvvəlki ilin eyni dövrü ilə müqayisədə azalıb.
İranda “Starlink” peyk interneti terminallarından istifadə etdiyinə görə on nəfər hüquq-mühafizə orqanları tərəfindən saxlanılıb.
Median.Az TASS-a istinadən xəbər verir ki, bu barədə Qum əyalətinin kiberpolis idarəsi məlumat yayıb.
Qeyd olunur ki, İslam Respublikasında “Starlink” avadanlıqları təhlükəli mallar kateqoriyasına daxil edilib və bu cihazların sahibləri mövcud qanunvericiliyə uyğun olaraq sərt şəkildə cəzalandırılacaqlar.
Belarus Prezidenti Aleksandr Lukaşenko gənclik illərində, sovxoz rəhbəri olduğu və deputatlığa namizədliyini irəli sürdüyü dövrdə özü tərəfindən yazılmış məktubu hədiyyə olaraq alıb.
Median.Az bu barədə “BelTA” agentliyinə istinadən xəbər verir.
Qeyd olunub ki, məktub Mogilyov vilayətinin Şklov rayonunun arxivində saxlanılırdı və dövlət başçısına yerli icraiyyə komitəsinin sədri Sergey Bartoş tərəfindən təqdim olunub. O xatırladıb ki, Lukaşenko vaxtilə bu rayonda yerləşən “Qorodets” sovxozuna rəhbərlik edib. Prezidentin hazırkı səfəri Pasxa bayramı münasibətilə baş tutub.
“Orada sizin həyata keçirdiyiniz məsələlərdən yazılır: kəndləri və yaşayış məntəqələrini qorumaq, şəhər və kənd sakinləri üçün bərabər şərait yaratmaq… Bu məktubun rayon qəzetində dərc olunub-olunmadığını bilmirik”, – deyə Bartoş bildirib.
Lukaşenko hədiyyəni qəbul edərək təşəkkür edib və məktubu daha sonra oxuyacağını deyib. O, sənədin yerli qəzetdə dərc olunmasına şübhə ilə yanaşıb və bunu o dövrdə “partiya orqanları ilə mürəkkəb münasibətləri” ilə izah edib.
Qeyd edək ki, Lukaşenko 1987-ci ildən 1990-cı ilədək “Qorodets” sovxozuna rəhbərlik edib.