Category: Şou Biznes

Sabunçu rayonunda polis əməkdaşlarının vətəndaşlardan daxil olan şikayətlər əsasında həyata keçirdikləri tədbirlər nəticəsində dələduzluq etməkdə təqsirli bilinən 1979-cu il təvəllüdlü İsmayılova Rəqsanə İsmayıl qızı saxlanılıb.

Araşdırmalarla müəyyən edilib ki, o, iki nəfər zərərçəkən şəxsin ümumilikdə 35.000 manat dəyərində qızıl-zinət əşyalarını və 520.000 ABŞ dolları məbləğində pulunu dələduzluqla ələ keçirib.

Qeyd edilən faktlarla bağlı Sabunçu Rayon Polis İdarəsində Cinayət Məcəlləsinin xüsusilə külli miqdarda ziyan vurmaqla dələduzluq etmə maddəsi ilə cinayət işi başlanılıb və R.İsmayılova təqsirləndirilən qismində saxlanılaraq istintaqa cəlb olunub. Onun barəsində məhkəmənin qərarı ilə 4 ay müddətində həbs qətimkan tədbiri seçilib.

Məlumatı DİN-in Mətbuat Xidmətindən təsdiq ediblər.

Amerikalı aktyor Tom Kruz Kennedi Mərkəzinin mükafatlarından imtina edib.

Bu barədə “Washington Post” (WP) yazır.

Anonim mənbələrin bildirdiyinə görə, aktyor vaxtla bağlı ziddiyyətlər səbəbindən mükafatdan imtina edib.

Bu həftə ABŞ prezidenti Donald Tramp Kennedi Mərkəzinin 48-ci Fəxri mükafatının qaliblərini elan edəcək. Mükafat dövlət başçısı tərəfindən Vaşinqtondakı Kennedy Center Opera Evində Kiss rok qrupu, Broadway ulduzu Maykl Krouford, kantri musiqisinin əfsanəsi Corc Strait, aktyor Silvestr Stallone və müğənni Qloriya Qaynora təqdim olunacaq.
//unikal

İbrahim Tatlısesin qızı Dilan Çıtak ötən il Bodrumda istirahət edərkən atası ilə yaşanan mübahisə zamanı televizorun pultunu sənətçinin üstünə atmışdı. Hadisədən sonra İ.Tatlıses rəsmi şəkildə qızından məhkəməyə şikayət etsə də, ifadə verməyə dəvət olunarkən şikayətini geri götürmüşdü. Bu hadisə Türkiyə mətbuatında da geniş rezonans doğurmuşdu.

Median.Az “Sabah” nəşrinə istinadən xəbər verir ki, müğənni qızına qarşı iddianı geri götürsə də, prokurorluq hadisələri dövlət ittihamı olaraq nəzərdən keçirmək qərarına gəlib.

Belə ki, Türkiyə Cinayət Məcəlləsinin 73-cü maddəsinə əsasən, bu cür cinayətlər şikayət edilmədən də mühakiməyə çıxarıla bilər.

Hətta prokurorluq Dilan Çıtakın atasına qarşı hərəkətini “silahla xəsarət yetirməyə cəhd” kimi qiymətləndirib.

Artıq prokurorluq sübutları və şahid ifadələrini əsas götürərək, ictimai cəza tələbi ilə işi məhkəməyə göndərib.

“Çimnaz Soltanovanın yasına getdim, məni qınadılar. Amma son vəzifəni yerinə yetirmək lazım idi”.

Bu sözləri aktrisanın yaxın dostu Manaf Ağayev deyib.

Müğənni bildirib ki, yasda iştirakına görə onu qınayanlar olub:

“Kim onun haqqında nə danışır, nə deyir, özü bilər. Hər kəsin öz həyatı var. Onun yasına da çox az adam gəlmişdi. Mən gedəndə bilirdim ki, məni də qınayacaqlar, çox adam da qınadı. Amma mən onunla çörək kəsmişəm, onunla vidalaşmalı idim. Bu kişilikdir. Ölüm hamı üçün var. Son vəzifəni yerinə yetirmək lazım idi”.

Azərbaycanlı müğənni Nəvai (Nəvai Bəkirov) Rusiyanın cənubunda bütün konsertlərini ləğv edib.

Bu barədə “Mash” “Telegram” kanalı məlumat yayıb.

Telekanalın məlumatına görə, musiqiçi avqustun 15-dən 18-dək Soçi, Gelencik, Krasnodar və Rostov-na-Donda baş tutmalı olan dörd konserti ləğv edib.

İddialara görə, sənətçi bu qərarı amerikalı reper Akonun çıxışından əvvəl Soçiyə pilotsuz təyyarə ilə edilən hücumdan sonra verib. Hadisə zamanı tamaşaçılar məkandan evakuasiya edilib, lakin hadisə hələ də baş verib.

Bəkirovun meneceri telekanala müsahibəsində vəziyyəti şərh etməkdən imtina edib. Musiqiçinin çıxış etməli olduğu məkanın işçiləri ləğvlərlə bağlı məlumatı təsdiqləyiblər.
//qaynar.az

Xalq artisti Röya Ayxana ağır itki üz verib. Sənətçinin atası Yaqub Nəcəfov dünyasını dəyişib.

R.Ayxanın mətbuat xidmətindən oxu.az-a məlumat təsdiqlənib.

Y.Nəcəfov 68 yaşında uzunsürən xəstəlikdən sonra dünyasını dəyişib.

Konsert proqramı ilə çıxış etmək üçün İstanbula gedən məşhur ifaçı Cennifer Lopes şəhərdə mağazaların birinin içərisinə buraxılmayıb.

Median.Az bu barədə “Türkiye” qəzetinə istinadla xəbər verir.

O, cangüdənlərinin müşayiəti ilə çıxdığı alış-verişdə “Chanel” mağazasına daxil olmaq istəyib. Lakin müğənni gözlənilməz vəziyyətlə qarşılaşıb.

Mağazanın təhlükəsizlik işçisi onun Cennifer Lopes olduğunu bilməyərək, “yer yoxdur” deyərək içəri buraxmayıb.

İfaçı mübahisə etmədən “problem deyil” deyərək oradan uzaqlaşıb. Sonradan onun Cennifer Lopes olduğunu öyrənən təhlükəsizlik işçisi üzr istəyib. Amma pop ulduz onun mağazaya dəvət təklifini qəbul etməyib.

Xalq artisti Emin Ağalarov və müğənni Coni (Cahid Hüseynli)ni böyük uğura imza atıblar.

Onların ifa etdiyi “Kamin” treki “Shazam” servisində dünya hitləri arasına daxil olub.

Mahnı TOP-200-ün ilk üçlüyündə yer alıb.

Xatırladaq ki, onlar mahnını ötən il “DreamFest”də birlikdə sələndiriblər.
//azxeber

Böyük Britaniyanın məşhur müğənnisi Dua Lipa qismən tanınan Kosovo Respublikasının vətəndaşlığını alıb.

Bu barədə Kosovo Prezidenti Vjosa Osmani instaqram hesabında paylaşım edib.

O bildirib ki, Dua və Kosovo bir-birinə bağlıdır: “Evinə xoş gəldin, Dua…

Bu gün Dua Lipaya Kosovo Respublikasının vətəndaşlığını vermək şərəfinə nail oldum. O, dünyanın ən böyük səhnələrində çıxış edib və milyonların ilham mənbəyinə çevrilib. Duanın gənclərimiz, sənətimiz və ölkəmizin beynəlxalq imici üçün etdiyi hər şeyə görə minnətdarlığımızı bildiririk”.

Qeyd edək ki, Lipa Londonda doğulub. Onun valideynləri Kosovoludur. O, üç il əvvəl Albaniya vətəndaşlığı da alıb.
//qafqazinfo

Tanınmış müğənni Valeri Meladze Rusiyada konsert verməkdən imtina edib.

Bu barədə Rusiyanın “Abzats” agentliyi məlumat yayıb.

Qeyd olunub ki, müğənni 2026-cı il üçün konsert planını tərtib edib, lakin onların arasında Rusiyanın adı yoxdur.

Xatırladaq ki, Valeri Meladze artıq uzun illərdir ki, Rusiyada yaşamır. 2023-cü ildə Rusiyanın Təhlükəsizlik və Korrupsiyaya Qarşı Mübarizə üzrə Federal layihənin rəhbəri Vitali Borodin 60 yaşlı müğənninin “xarici agent”lər siyahısına daxil edilməsi tələbi ilə baş prokurora müraciət edib.