Category: Siyasət

Bakı Media Mərkəzinin rəhbəri Arzu Əliyeva doğum günü münasibətilə ona təbrik ünvanlayanlara təşəkkür edib.

Bu barədə o, özünün “Instagram” hesabında paylaşım edib.

Paylaşımda deyilir:

“Səmimi təbriklərə görə çox təşəkkür edirəm! Allah hamıya cansağlığı versin!”

Azərbaycan Respublikasının Baş naziri Əli Əsədov yanvarın 23-də İspaniya Krallığı Deputatlar Konqresinin sədri Fransina Armenqol ilə görüşüb.

Baş nazir Ə.Əsədov bir neçə gün əvvəl İspaniyada baş vermiş qatar qəzası nəticəsində çoxsaylı insan tələfatı ilə əlaqədar F.Armenqola başsağlığı verdi.

Görüşdə Azərbaycan ilə İspaniya arasında mövcud əlaqələrin müxtəlif sahələrdə müsbət dinamika nümayiş etdirdiyi bildirildi, dövlətlərarası münasibətlərin dostluq və qarşılıqlı hörmət prinsiplərinə əsaslandığı qeyd edildi.

Parlamentlərarası əməkdaşlıq məsələlərinə toxunularaq parlament səviyyəsində qarşılıqlı səfərlərin və təmasların önəmi vurğulandı.

İki ölkə arasında müxtəlif istiqamətlərdə, xüsusən də ticarət-iqtisadi, investisiya, enerji, o cümlədən bərpa olunan enerji, nəqliyyat və digər sahələrdə qarşılıqlı faydalı əməkdaşlığın inkişaf perspektivləri müzakirə olundu.

Heydər Əliyev Fondunun vitse-prezidenti, IDEA İctimai Birliyinin təsisçisi və rəhbəri Leyla Əliyeva bacısı, Bakı Media Mərkəzinin rəhbəri Arzu Əliyevanı doğum günü münasibətilə təbrik edib.

Leyla Əliyeva bununla bağlı sosial şəbəkə hesabında paylaşım edib.

Prezident İlham Əliyevin gəlini Alyona Əliyeva Bakı Media Mərkəzinin rəhbəri Arzu Əliyevanı doğum günü münasibətilə təbrik edib.

Alyona Əliyeva bununla bağlı rəsmi “Instagram” hesabında paylaşım edib.

Paylaşımda deyilir: “Əziz Arzu xanım, ad gününüz mübarək! Sizə cansağlığı, xoşbəxtlik və uğurlar arzulayıram”.

Ermənistan tərəfi Qarabağda qalan 11 erməninin (10 erməni və Ermənistan Respublikasının Rusiya vətəndaşı olan bir nəfər – red.) Ermənistan Respublikasına köçürmək üçün Azərbaycanın müvafiq qurumlarına müraciət edib.

Bu barədə Ermənistanın əmək və sosial məsələlər Naziri Arsen Torosyan bildirib.

Torosyan qeyd edib ki, ərizələr əsasında adı çəkilən şəxslər Ermənistan Respublikasına köçürülüblər.
//unikal.az

Yanvarın 23-ü Bakı Media Mərkəzinin rəhbəri Arzu Əliyevanın doğum günüdür.

Median.Az xatırladır ki, Arzu Əliyeva 1989-cu ildə Bakı şəhərində anadan olub.

Orta təhsilini 1995-2006-cı illərdə Bakıda 160 saylı məktəbdə, ali təhsilini isə İsveçrədə və Böyük Britaniyada alıb.

2011-ci il sentyabrın 3-də azərbaycanlı iş adamı Səməd Qurbanovla ailə həyatı qurub.

İki övladı var.

Median.Az kollektivi adından Arzu Əliyevanı təbrik edir, cansağlığı, uzun ömür, fəaliyyətində uğurlar arzulayırıq!

İspaniya Krallığı Deputatlar Konqresinin sədri Fransina Armenqol Sosias yanvarın 22-də Azərbaycana rəsmi səfərə gəlib.

Hər iki ölkənin dövlət bayraqlarının dalğalandığı Heydər Əliyev Beynəlxalq Aeroportunda İspaniya Parlamentinin nümayəndə heyətini Milli Məclisin İspaniya ilə parlamentlərarası əlaqələr üzrə işçi qrupunun rəhbəri Sevil Mikayılova, Azərbaycanın İspaniyadakı səfiri Ramiz Həsənov, İspaniyanın Türkiyə və Azərbaycandakı səfiri Kristina Latore, Azərbaycandakı müvəqqəti işlər vəkili Xose Pedro Torrubia və digər rəsmi şəxslər qarşılayıblar.

Səfər çərçivəsində Fransina Armenqol Sosiasın ölkəmizin rəsmiləri ilə bir sıra görüşləri keçiriləcək, ikitərəfli əlaqələrimizin gələcək inkişafı ilə bağlı fikir mübadiləsi aparılacaq.