Month: July 2021

Fransa parlamenti bütün tibb işçiləri üçün məcburi vaksinasiya, eyni zamanda ölkə daxilində səyahət zamanı restoranlara gələn qonaqlar üçün üçün xüsusi “sanitar keçid” tələb edən qanun qəbul edib.

Bu barədə “Associated Press” məlumat yayıb.

Qanun bütün səhiyyə işçilərinin 15 sentyabr tarixinə qədər vaksinasiyaya başlamalarını tələb edir.

Bütün restoranlara, qatarlara, təyyarələrə giriş üçün də “sanitar keçid” lazımdır.

Əvvəlcə bu qayda bütün yetkinlərə, 30 sentyabrdan başlayaraq 12 yaş və daha yuxarı olan hər kəsə şamil ediləcək.

Keçidi əldə etmək üçün insanlar ya tam peyvənd olunmalarına, ya mənfi nəticəli PCR testinə sahib olmalarına və ya yaxın günlərdə COVID-19-dan sağalmalarına dair sübut təqdim etməlidirlər.

Bu qaydalar ölkədəki koronavirus vəziyyətindən asılı olaraq 15 noyabradək tətbiq oluna bilər.

Planetimizdə həyatın olmadığı yer müəyyən edilib.

Bu barədə “Science News” xəbər yayır.

Bu ərazi Antarktidadakı Şeklton buzlağının yaxınlığında quru bir səhradır. Dözümlülüyü ilə tanınan mikroorqanizmlərin belə çökməsinin qarşısını alan üç faktor burada birləşir. Kəskin soyuq, duzlu hava və quruluq.

Mütəxəssislərin fikrincə, bu üç amilin birləşməsi bu cür şəraitdə həyatın yaranma şansını tamamilə məhdudlaşdırır.

Araşdırmanı aparan alimlər hesab edirlər ki, buzlaq şərtləri baxımından Mars səthinə çox oxşardır. Ancaq qırmızı planetdəki torpaq daha qədimdir və şərtlər daha sərtdir. Mütəxəssislər orada hansısa həyat izinin tapılmasının çətin olduğunu bildirsələr də, ümidi ititrməməyə də çağırıblar.

İstefada olan rusiyalı admiral Leonid Lobanovun ailəsi qəddar şəkildə qətlə yetirilib.

Bu barədə “Life Shot” “Telegram” kanalı xəbər yayıb.

Bildirilir ki, polisə bu barədə donanmanın sabiq admiralının Murmansk şəhərində yaşayan qızı xəbər verib. O, Sankt-Peterburqda yaşayan valideynlərinin qonşularının ona zəng etdiyini və mənzillərindən pis qoxu gəldiyini dediklərini bildirib.

Dərhal hadisə yerinə hüquq mühafizəçiləri yollanıb. Onlar qapını açanda içəridə Lobanovun 84 yaşlı arvadının və 56 yaşlı oğlunun cəsədini tapıblar. Öldürülənlərdə çoxsaylı bıçaq xəsarətləri olub, qarınları yarılıb.

Qətldə elə Lobanovun özü şübhəli bilinir.

Qeyd edək ki, admiral 10 gün əvvəl özünü elektrik qatarının altına atıb. Onun arvadını və oğlunu insestdə şübhəli bilməsi ehtimal olunur.

Kamçatkada şahin təbiətin gözəlliyini çəkən bloqerin kvadrokopterini oğurlayıb.

“BAZA” “Telegram” kanalı bununla bağlı görüntüləri paylaşıb.

Məlumata görə, quş “uçan naməlum əşyanı” götürərək bataqlığa atıb.

Dronu GPS koordinatları ilə tapmaq mümkün olub.

Tayfun qasırğası Olimpiya Oyunlarının təşkil edildiyi Tokio şəhərinə doğru irəliləyir.

REN TV bu barədə yerli sinoptiklərə istinadən məlumat yayıb.

Qasırğaya hətta səkkiz nömrəli seriya nömrəsi də verilib.

Qeyd olunur ki, tayfunun şiddətli külək və güclü leysan yağışları ilə müşahidə edilməsi gözlənilir.

Sinoptiklər artıq kəskin hava şəraiti əlaqədar şəhər sakinlərini və dövlət qurumlarını xəbərdar edib.

ABŞ-ın Kaliforniya ştatında 76 min hektardan çox ərazidə geniş miqyaslı yanğınlar baş verib.

“Reuters” məlumat verir ki, “Dixie” və “Bootleg” adı verilən yanğın əraziləri artıq birləşiblər.

Nəşr qeyd edir ki, dövlət orqanları vətəndaşların təcili təxliyyəsini aparır.

Kaliforniyada fövqəladə vəziyyət elan edilib, xilasedicilər ev-ev gəzərək yerli sakinlərə son dərəcə təhlükəli vəziyyətlə bağlı xəbərdarlıq edirlər.

Oreqon ştatının qubernatoru Keyt Braun bildirib ki, ABŞ-ın qərb sahilindəki meşə yanğınları iqlim dəyişikliyi səbəbiylə zamanla artacaq.

Qeyd edək ki, ABŞ-ın bir neçə ştatında genişmiqyaslı yanğınlar davam edir.