Month: August 2021

Özbəkistanda tərkibində koronavirusa qarşı vaksin olan pomidorların yetişdirilməsinə başlanıb.

Qeyri-adi tərəvəzin toxumları ölkənin Elmlər Akademiyasının alimləri tərəfindən hazırlanıb.

Vaksinli pomidorların iki ay sonra yetişəcəyi bildirilib.

Alimlərin sözlərinə görə, onarın müalicəvi effekti barədə danışmaq hələ ki tezdir.

Əfqanıstanda hakimiyyətin “Taliban” tərəfindən ələ keçirilməsindən sonra yarım milyon insan ölkəni tərk edə bilər.

Bunu BMT-nin qaçqınların işləri üzrə Ali Komissarının müavini Kelli Klements bəyan edib.

O, ən pis ssenari üzrə 500 min əfqan qaçqını qəbul etməyə hazırlaşdıqlarını bildirib.

BMT rəsmisi Əfqanıstanla qonşu ölkələri öz sərhədlərini qaçqınlar üçün açıq saxlamağa çağırıb.

Avropada mavi yanacağın min kubmetrinin dəyəri yenidən 580 dollara qalxıb.

Müvafiq nəticə London Əmtəə Birjasında qeydə alınıb.

Bir həftə öncə 100 dollar geriləyən qiymət bugünki ticarət sessiyası zamanı 580.4 dollaradək yüksəlib.

Qiymət hərəkətliliyinin səbəbi kimi “Şimal axını 2” boru xəttilə bağlı yayılan xəbərlər göstərilir.

Mənbə: TASS

Rusiyanın Virusologiya və Biotexnologiya üzrə Mərkəzi “Vektor”un alimləri koronavirusun “Delta” variantının suda 72 saata qədər yaşaya biləcəyini müəyyən ediblər.

İz.ru xəbər vrir ki, bu məlumat əvvəllər digər ştamlarda əldə edilən nəticələrə uyğundur.

“Tədqiqat əvvəlkilərə bənzər şəkildə aparıldı. “Delta” variantı üçün suda inaktivasiya dinamikasında heç bir fərq müəyyən olunmayıb”, – deyə bildirilib.

Eyni zamanda, məlum olub ki, koronavirus 24-28 dərəcə temperaturda dəniz suyunda duzluluqdan asılı olmayaraq 48 saat, xlorlu içməli su nümunələrində isə 72 saat ərzində canlı qalır.

Virus içməli suda aşağı temperaturda daha yaxşı yaşayır. Xüsusilə, +4 dərəcədə infeksiyanın canlılığı +24-28 dərəcədən daha yaxşı qalıb.

Manila şəhər rəhbərliyi tərəfindən iri tutumlu soyuducular alınıb.

Dondurucu konteynerlər Filippinin paytaxtındakı COVID xəstəxanası yaxınlığında quraşdırılıb.

Soyuducularda koronavirusdan ölən və yaxınları tərəfindən tələb edilməyən şəxslərin cəsədləri saxlanılır.

Hazırda ölkədə gün ərzində 100-dən çox şəxs ölümcül virusun qurbanı olur. Bugünədək Filippində 131.9 min nəfər koronavirus xəstəsi qeydə alınıb.

Mənbə: “Inquirer”

Çinin cənubundakı Kunmin şəhərində maraqlı hadisə baş verib.

Tikintisi yarımçıq qalmış 15 göydələn eyni anda uçurulub.

İnşaat şirkəti binaların tikintisini 7 il ərzində tamamlaya bilməyib.

Göydələnlərin uçurulması prosesinə hazırlıq 4 gün davam edib.

Almaniya COVAX mexanizmi vasitəsi ilə Afrikaya 70 milyon doza koronavirusa qarşı peyvəndi ayıracaq.

Median.Az Trend-ə istinadən bildirir ki, bu barədə Almaniya Kansleri Angela Merkel bir Afrika dövlətlərinin liderləri ilə görüşündən sonra Berlində keçirilən mətbuat konfransında deyib.

A.Merkel bildirib: “Almaniya bu il COVAX mexanizmi vasitəsi ilə 30 yox, 70 milyon doz vaksin ayıra biləcək. Peyvəndlərin ən qısa zamanda Afrikadakı insanlara çatdırılması lazımdır”.