Median.Az

Month: İyun 2024

  • Burak Özçivit Bakıya gəldi

    Məşhur türkiyəli aktyor Burak Özçivit Bakıya səfər edib.

    Tanınmış aktyor bu barədə özünün “Instagram” səhifəsində paylaşım edib.

    Paylaşımda aktyorun Heydər Əliyev Mərkəzində nümayiş etdirilən klassik avtomobil sərgisi ilə tanış olduğu əks olunub.

  • Qəbələdə 30 yaşlı kişi itkin düşüb

    Qəbələ rayonunun Daşca kənd sakini, 1994-cü il təvəllüdlü Elmin Firidun oğlu Hümbətov mayın 14-də yaşadığı ünvandan çıxaraq naməlum istiqamətdə gedib və bir daha geri qayıtmayıb.

    Bu barədə Daxili İşlər Nazirliyi (DİN) məlumat yayıb.

    İtkin düşən şəxsin əlamətləri belədir: boyu 169 santimetr, arıq bədən quruluşlu, gözlərinin rəngi qəhvəyidir.

    Fotodakı şəxsi tanıyanlardan və barəsində məlumatı olanlardan DİN-in “102” xidmətinə, həmçinin Qəbələ Rayon Polis Şöbəsinin (024) 205-18-28 şəhər və 051-985-02-02 mobil nömrələrinə zəng edərək məlumat vermələri xahiş olunur.

  • Polşada uzun və gərgin gecə: Hərbi aviasiya səmaya qaldırıldı – Detallar

    Şənbə günü, iyunun 1-nə keçən gecə Rusiyanın Ukraynaya raket hücumu səbəbindən Polşada təyyarələr səmaya qaldırılıb.

    Qaynarinfo xəbər verir ki, X sosial şəbəkəsində Polşa Əməliyyat Komandanlığının yaydığı məlumatına görə, polyaklar və müttəfiqlər gecə saatlarında öz hava qüvvələrini aktivləşdiriblər ki, bu da xüsusilə ölkənin cənub-şərq hissəsində səs-küy səviyyəsinin artmasına səbəb ola bilər.

    Səhər saatlarında Polşa tərəfi Rusiyanın zərbələri ilə əlaqədar gecə aviasiya fəaliyyətinin təfərrüatlarını açıqlayıb.
    “Bu, Polşanın bütün hava hücumundan müdafiə sistemi üçün uzun, gərgin gecə idi. İndi, Rusiya təyyarələrinin Ukrayna ərazisinə raket hücumları təhlükəsi səviyyəsinin azalması səbəbindən Polşa və müttəfiq aviasiyasının Polşa hava məkanında fəaliyyəti azalıb, aktivlik dayandırılıb, ayağa qaldırılan qüvvələr aktivlər normal fəaliyyətə qayıdıb”, – məlumatda deyilir.

    Qeyd olunur ki, Polşa ordusu Ukrayna ərazisindəki vəziyyəti daim izləyir və Polşa hava məkanının təhlükəsizliyini təmin etmək üçün daim hazır vəziyyətdədir.

  • Emin Ağalarovdan övladlarına bayram təbriki – FOTO

    Xalq artisti Emin Ağalarov sosial şəbəkədə Uşaqların Beynəlxalq Müdafiəsi Günü münasibətilə paylaşım edib.

    Sənətçi şəxsi instaqram hesabında övladlarının fotosunu paylaşaraq onların bayramını təbrik edib.

    “1 iyun Uşaqların Müdafiəsi Gününüz mübarək!” – deyə, Ağalarov, qeyd edib.

    Fotolarda Xalq artistinin əkiz oğulları Əli və Mikayıl, qızları Əminə və Afina yer alıblar.



  • Hövsanda bank kartlarındakı vəsaitləri talayan şəxs saxlanılıb

    Suraxanı Rayon Polis İdarəsinin 30-cu Polis Şöbəsinə müxtəlif vaxtlarda səkkiz nəfərin bank kartından 850, 184, 1 000, 400, 481, 2000, 200 və 205 manat olmaqla ümumilikdə 5 320 manat pul vəsaitinin talanması barədə məlumatlar daxil olub.

    Bu barədə Daxili İşlər Nazirliyi məlumat yayıb.

    Şöbə əməkdaşlarının keçirdikləri tədbirlərlə əməlləri törədən, əvvəllər dələduzluq və quldurluğa görə məhkum olunmuş 39 yaşlı Elşad Fəttahov Hövsan qəsəbəsində saxlanılıb.

    Faktlarla bağlı istintaq-əməliyyat tədbirləri davam etdirilir.

    E.Fəttahovun əməllərindən zərər çəkən digər şəxslər varsa, bu barədə polis orqanlarına müraciət edə bilərlər.

  • Azərbaycanlılar ən çox hansı qidanı istehlak edirlər? – FOTO

    Azərbaycanda hər adam il ərzində 43,5 kq ət, 8 kq balıq, 3,9 kq kərə yağı, 189 ədəd yumurta yeyir.

    Modern.az-ın məlumatına görə, bu barədə məlumat Dövlət Statistika Komitəsinin nəşr etdiyi “Azərbaycan – faktlar və rəqəmlər” bukletində qeyd olunub.

    Komitənin adambaşına qida məhsullarının istehlakına dair müəyyən etdiyi rəqəmlər aşağıdakı cədvəldə əks olunub:

  • Naxçıvan gömrüyündə 12 minlik dərman əməliyyatı ilə bağlı məhkəmənin vaxtı bəlli oldu

    Naxçıvan Baş Gömrük İdarəsinin Sədərək gömrük postunun əməkdaşları Saday Paşayevlə Nihad Məmmədovun cinayət işi üzrə növbət məhkəmə prosesinin vaxtı bəlli olub.

    Qaynarinfo xəbər verir ki, proses iyunun 5-də Naxçıvan Muxtar Respublikası (MR) Ağır Cinayətlər Məhkəməsində keçiriləcək.

    Bu cinayət işi üzrə məhkəmə istintaqı hakim Hüseyn Məmmədovun sədrliyi ilə aparılır.

    Saday Paşayev və Nihad Məmmədovla daha üç şəxs müttəhimlər kürsüsünə çıxarılıb. Bunlar Seymur Ağayev, Yalçın Teymurov və Fərəc Fərəcovdur.

    İttiham aktından məlum olur ki, istintaqla Dövlət Gömrük Komitəsinin Naxçıvan Baş Gömrük İdarəsinin “Sədərək” gömrük postunun əməkdaşları Saday Paşayev və Nihad Məmmədovun rüşvət müqabilində qabaqcadan əlbir olduqları Seymur Ağayev, Yalçın Teymurov və Fərəc Fərəcovla birgə dövlət qeydiyyatı tələb olunmasına baxmayaraq, qanunla nəzərdə tutulmuş qaydada qeydiyyatdan keçirilməyən ümumilikdə 12 min manatdan artıq dəyəri olan 25 adda dərman vasitələrini müxtəlif vaxtlarda satış məqsədilə ölkə ərazisinə idxal etmələrinə əsaslı şübhələr müəyyən edilib.

    İş üzrə Saday Paşayev və Nihad Məmmədov Cinayət Məcəlləsinin 200-1.2.1, 200-1.2.2, 200-1.2.3 (qabaqcadan əlbir olan bir qrup şəxs tərəfindən təkrar və külli miqdarda dərman vasitələrinin qanunsuz dövriyyəsi), 311.3.1, 311.3.2-ci (qabaqcadan əlbir olan bir qrup şəxs tərəfindən təkrar rüşvət alma) maddələri ilə, Seymur Ağayev həmin Məcəllənin 200-1.2.1, 200-1.2.2, 200-1.2.3, 32.5, 311.3.1 və 32.5, 311.3.2-ci (rüşvət almada köməkçi) maddələri ilə, Yalçın Teymurov və Fərəc Fərəcov isə həmin Məcəllənin 200-1.2.2-ci maddəsi ilə təqsirləndirilən şəxs qismində cəlb olunaraq barələrində müvafiq qətimkan tədbirləri seçilib.

  • İranda prezident seçkisində iştirak etmək üçün qeydiyyatdan keçənlərin sayı AÇIQLANDI

    İranda növbədənkənar prezident seçkisində iştirak etmək üçün 12 namizəd rəsmən qeydə alınıb.

    İRNA-nın xəbərinə görə, qeydiyyatın üçüncü günündə daha üç nəfər namizədliyini irəli sürüb.

    Agentliyin məlumatına görə, müraciət edənlər arasında 2001-2005-ci illərdə prezident Məhəmməd Hatəmi (1997-2005) dövründə səhiyyə naziri işləmiş deputat Məsud Pezeşkian, deputat Əhməd Rəsulinejad və əvvəllər İranın ali lideri Əli Xamenei administrasiyasında çalışmış Vahid Xaqanian da var.

    Məclisin (parlamentin) keçmiş sədri Əli Laricani, İran Mərkəzi Bankının keçmiş rəhbəri və son 2021-ci ildə keçirilən seçkidə yeganə islahatçı namizəd Abdolnasser Hemmati, İranın ali dini lideri Ayətullah Əli Xameneinin Ali Milli Təhlükəsizlik Şurasındakı nümayəndəsi Səid Cəlili, İran parlamentinin iki hazırkı üzvü, Məhəmməd Səbaqiyan və Abbas Moğtadai, eləcə də dörd sabiq parlamentari Mustafa Kavakbiyan, Godrat Ali Haşimtiyan, Mahmud Əhmədi Bigaş və Məhəmməd Xoşçehre qeydiyyatdan keçiblər.

    Xatırladaq ki, mayın 30-da 14-cü prezident seçkisində namizədlərin qeydiyyatı başlayıb və iyunun 3-dək davam edəcək. İyunun 4-dən etibarən Konstitusiyanın Keşikçiləri Şurası namizədin ölkə prezidenti postunun tələblərinə uyğun olub-olmadığını müəyyən etmək üçün bir həftə ərzində namizədlərə baxacaq. İştirakçıların yekun siyahısı iyunun 11-də açıqlanacaq. Növbədənkənar prezident seçkisi iyunun 28-nə təyin edilib.

    Mənbə: TASS

  • Bakıda məzardan 110 manatlıq çələng oğurladı, cəzasını aldı

    Bakıda qəbir üstündən 110 manatlıq gül çələngi oğurlayan şəxs həbs edilib.

    Qaynarinfo-nun məlumatına görə, hadisə Suraxanı rayonunda yerləşən qəbristanlıqların birində baş verib.

    Emin adlı şəxs dünyasını dəyişən atasının məzarına 110 manatlıq gül çələngi qoyub.

    1986-cı il təvəllüdlü Zabil Hümmətov (ad, soyad şərtidir) məzarlıqda gəzəndə həmin çələngi görüb.

    İşləmədiyi üçün gülləri götürüb satmaq istəyib.

    O saxlanılaraq, İnzibati Xətalar Məcəlləsinin 227-ci maddəsi ilə nəzərdə tutulmuş inzibati xətanı törətməkdə təqsirli bilinərək 25 gün müddətinə inzibati həbs edilib.
     

  • “Crocus”da baş verən terror aktında zərərçəkənlərin sayı AÇIQLANDI

    Moskva yaxınlığındakı “Crocus City Hall”da baş vermiş terror aktı ilə bağlı cinayət işində 1700-dən çox insan zərərçəkmiş kimi tanınıb.

    Bu barədə təqsirləndirilən dörd şəxslə bağlı məhkəmə qərarının mətnində deyilir.

    “1700-dən çox şəxs tanınıb və müvafiq statusda dindirilib, 800-dən çox şəxs şahid qismində dindirilib, 20-dən çox axtarış aparılıb, hadisə yerinə 65 dəfədən çox baxış keçirilib, 650-dən çox müxtəlif ekspertiza, o cümlədən məhkəmə-tibbi, molekulyar-genetik, yanğın-texniki, inşaat mühəndisliyi, barmaq izi ekspertizası təyin edilib”, – deyə məhkəmə sənədində dərc olunub.

    Xatırladaq ki, “Crocus City Hall”da terror aktı martın 22-də baş verib. Kamuflyajlı terrorçular binaya soxulub, atəş açmağa başlayıb və konsert zalını yandırıblar. Qurbanların sayı 551 nəfərə çatıb.

    Mənbə: RİA novosti