Qaradağ rayonu, Lökbatan qəsəbəsində qaz xəttinin yerinin dəyişdirilməsi, Nərimanov və Sabunçu rayonlarında yeni çəkilmiş qaz xəttinin mövcud şəbəkəyə qoşulması məqsədilə 24.10.2024-cü il saat 10:00-dan etibarən qaz təchizatı dayandırılacaq.
Median.Az xəbər verir ki, bu barədə “Azəriqaz” İB məlumat yayıb.
Məlumata görə, təmir-quraşdırma işləri görülən müddətdə Qaradağ, Nərimanov və Sabunçu rayonlarının bir hissəsinin qaz təchizatında müvəqqəti fasilə yaranacaq.
Şəkidə yol-nəqliyyat hadisəsi baş verib, xəsarət alanlar var.
Apa-nın Şimal-qərb bürosunun məlumatına görə, hadisə axşam saat 20 radələrində Yevlax-Zaqatala-Gürcüstan sərhəd magistiral yolunun Şəki rayonu ərazisindən keçən hissəsində baş verib.
Qəza zamanı iki nəfər Balakən rayon sakinləri 1981-ci il təvəllüdlü Əziz Aydın oğlu Kaltayev və 1962-ci il təvəllüdlü Fərman Ömər oğlu Kaltayev müxtəlif dərəcəli bədən xəsarətləri alıblar.
Yaralılar Şəki Rayon Mərkəzi Xəstəxanasına yerləşdiriliblər.
Faktla bağlı araşdırma aparılır.
Число погибших в результате теракта на производственном объекте TUSAŞ в Анкаре увеличилось до пяти, ранения получили 22 человека.
Как передает Report со ссылкой на Haber Global, об этом заявил глава МВД Турции Али Ерликая.
Türkiyədə TUSAŞ-ın istehsal obyektində baş verən terrorda ölənlərin sayı 5 nəfərə çatıb.
Report xəbər verir ki, bu barədə Türkiyənin daxili işlər naziri Əli Yerlikaya bildirib.
Onun sözlərinə görə, yaralananların ümumi sayı 22 nəfər təşkil edir. Onlardan üçü artıq xəstəxanadan buraxılıb.
Diplomları tanınmayan və ən çox imtina alan ali təhsil müəssisələrinin siyahısı açıqlanıb.
Median.Az xəbər verir ki, bu barədə Təhsildə Keyfiyyət Təminatı Agentliyi (TKTA) məlumat yayıb.
Diplomları Azərbaycanda tanınmayan və yaxud da tanınmasında ciddi problemler yaşanan universitetlərin siyahısını təqdim edirik:.
1. Amerika Birləşmiş Ştatları Beynəlxalq Atlantik Universiteti (Yoxdur)
2. Avstriya Respublikası Beynəlxalq Xristian Universiteti (Hazırda fəaliyyət göstərmir)
3. Birləşmiş Ərəb Əmirlikləri
Middlesex Universiteti
(Middlesex University Dubai)
4. Çex Respublikası
Beynəlxalq Praqa Universiteti
(International Prague University)
5. Fransa Respublikası
EICAR – Paris Beynəlxalq Film və Televiziya Məktəbi
(EICAR – The International Film & Television School
6. Fransa Respublikası
Vatel Otel və Turizm Biznes Məktəbi
(Vatel Hotel & Tourism Business School)
7. Ukrayna
Şərqi Avropa İqtisadiyyat və İdarəetmə Universiteti
(East European University of Economics and Management)
Gürcüstan filialının akkreditasiyası yoxdur
8. Ukrayna
Laqodexi Elm-Təhsil İnstitutu
(Learning-Scientific Institute of Lagodekhi)
9. Ukrayna
Beynəlxalq Ekologiya və Tibb Akademiyası
(The International Academy of Ecology and Medicine)
10. Ukrayna
Avqustin Voloşin adına Karpat Universiteti
(Augustine Voloshyn Carpathian University)
Gürcüstan filialının akkreditasiyası yoxdur
11. Ukrayna Avropa Universiteti
(European University)
12. Ukrayna
“KROK” İqtisadiyyat və Hüquq Universiteti
(KROK University of Economics and Law)
13. Ukrayna
Regionlararası Heyətin İdarəolunması Akademiyası
(Private Joint-Stock Company “Higher Education “Institution Interregional Academy of Personnel Management”)
14. İspaniya Krallığı
EADA Biznes Məktəbi
(EADA International Management Development Center)
15. İspaniya Krallığı
Barselona Qlobal Biznes Məktəbi
(Global Business School Barcelona)
16. İspaniya Krallığı
Avropa Universiteti Biznes Məktəbi
(EU Business School)
17. İspaniya Krallığı
Marbella Beynəlxalq Universiteti
(Marbella International University Centre)
18. İspaniya Krallığı
Harbour Space Universiteti
(Harbour Space University)
19. İtaliya Respublikası Roma Biznes Məktəbi
(Rome Business School)
20. İtaliya Respublikası Maranqoni İnstitutu
(Istituto Marangoni)
21. Rusiya Federasiyası
Beynəlxalq Humanitar- Texniki Akademiya
(Международная гуманитарно-техническая академия)
26.04.2015-ci ilə qədər akkreditasiyası var
22. Rusiya Federasiyası
Nijeqorod Menecment və Biznes İnstitutu
(Нижегородский институт менеджмента и бизнеса)
26.04.2015-ci ilə qədər akkreditasiyası var
23. Rusiya Federasiyası
Şərqi Avropa Psixoanaliz İnstitutu
(Восточно-Европейский институт психоанализа)
22.06.2017-ci ilə qədər akkreditasiyası var
24. Rusiya Federasiyası
Sosial-Humanitar Təhsil və Xidmət İnstitutu
(Институт социально- гуманитарного образования и сервиса)
Ali təhsil müəssisəsi 19.12.2017-ci il
tarixində fəaliyyətini dayandırıb.
25. Rusiya Federasiyası
Dünya İqtisadiyyatı İnstitutu
(Институт мировой экономики)
2014-cü ilə qədər olub və 2024-cü ildən təkrar akkreditasiyası var
2014-2023-cü illər ərzində akkreditasiyası olmamışdır.
26. Rusiya Federasiyası
Moskva Humanitar-İqtisad İnstitutu
(Московский гуманитарно-экономический институт)
Ukrayna filialının akkreditasiyası yoxdur.
27. Türkiyə Anadolu universitetinin Bakı filialı
(Distant təhsil forması olduğu üçün)
28. Gürcüstan Avropa Tədris Universiteti
29. Ukrayna Şərqi Avropa İqtisadiyyat və İdarəetmə Universiteti
30. Gürcüstan Gürcüstan Yeni Universiteti
31. Ukrayna Avqustin Voloşin adına Karpat Universiteti
31. Rusiya Federasiyası Sankt-Peterburq Xarici İqtisadi Əlaqələr, İqtisadiyyat və Hüquq İnstitutu
32. Rusiya Federasiyası Cənubi Rusiya Humanitar İnstitutu
33. Rusiya Federasiyası Dərbənd Humanitar İnstitutu
34. Rusiya Federasiyası Müasir Humanitar Akademiya
35. Rusiya Federasiyası Sankt-Peterburq Dövlət Mülki Aviasiya Universiteti
36. Rusiya Federasiyası Dünya İqtisadiyyatı İnstitutu
37. Rusiya Federasiyası Dağıstan Təhsil və Mədəniyyət Akademiyası
38. Rusiya Federasiyası İvanovo Dövlət Universiteti
39. Gürcüstan Avropa Universiteti
40. Gürcüstan Millenium Tədris Universiteti
41. Gürcüstan Gürcüstan Beynəlxalq Tədris Universiteti
42. Ukrayna Avropa Universiteti
43. Gürcüstan Tbilisi Açıq Tədris Universiteti
44. Rusiya Federasiyası Moskva Sahibkarlıq və Hüquq İnstitutu
45. Rusiya Federasiyası Rusiya Dövlət Turizm və Xidmət Universiteti
46. Rusiya Federasiyası Cənub Federal Universiteti
47. Ukrayna T.Şevçenko adına Luqansk Milli Universiteti
48. Rusiya Federasiyası Sankt Peterburq Dövlət Mülki Aviasiya Universiteti
49. Rusiya Federasiyası Maliyyə və Hüquq İnstitutu
50. Ukrayna Milli Aerokosmik Universiteti “Xarkov Aviasiya İnstitutu”
51. Rusiya Federasiyası Dərbənd İncəsənət və Mədəniyyət İnstitutu
52. Ukrayna Poltava İqtisadiyyat və Ticarət Universiteti
53 Gürcüstan Gürcüstan Kənd Təsərrüfatı Universiteti
54. Rusiya Federasiyası “Sinergiya” Moskva Maliyyə-Sənaye Universiteti
55 Gürcüstan Tbilisi Humanitar Tədris Universiteti
56. Rusiya Federasiyası Moskva Politexnik Universiteti
57. Ukrayna Regionlararası Heyətin İdarəolunması Akademiyası
58. Ukrayna Xarkov Dövlət Qida Texnologiyası və Ticarət Universiteti
59. Gürcüstan Suxişvili Tədris Universiteti
Qeyd olunub ki, TKTA-ya edilən müraciətlərin təhlili onu göstərir ki, vətəndaşlarımızın bir hissəsi xarici ölkələrdə təhsil alarkən aidiyyəti qurum tərəfindən yerli akkreditasiyadan keçməyən və müvafiq dövlət lisenziyası olmayan təhsil müəssisələrində təhsil alır. Qaydaların qeyd olunan müddəasındakı normativ tələbləri qarşılamayan və müxtəlif xarici ölkələrdə fəaliyyət göstərən ali təhsil müəssisələrinin verdiyi ali təhsil sənədlərinə TKTA tərəfindən imtina verilir.
Mənfi qərarla yekunlaşan müraciətlərin səbəbləri isə aşağıdakılardır:
Akkreditasiyasız ali təhsil müəssisəsi;
Təhsil aldığı ölkənin ərazisində təhsilin normativ müddətindən az olması;
Dövlət nümunəli olmayan diplom;
Təhsil forması;
Tədris yükünün normativdən az olması;
Bildirilib ki, xarici ölkələrdə təhsil almaq istəyən vətəndaşlar seçdikləri ali təhsil müəssisəsinin yerli akkreditasiyasının və lisenziyasının olmasını //enic-naric.net/ keçidindən istifadə etməklə yoxlamalı, eləcə də TKTA-ya edilən müraciətlər əsasında tərtib edilən ən çox imtina almış universitetlərə xüsusi diqqət yetirməlidirlər.
Bu dəqiqələrdə Kazanda Rusiya Prezidenti Vladimir Putinin adından XVI BRICS Sammitinin keçirilməsi münasibətilə rəsmi ziyafət verilir.
Median.Az xəbər verir ki, Azərbaycan Prezidenti İlham Əliyev tədbirdə iştirak edir.
Dövlət başçısı “Kazan Expo” Beynəlxalq Sərgi Mərkəzinə gəlib.
Rusiya Prezidenti Vladimir Putin Azərbaycan Prezidenti İlham Əliyevi salamlayıb.
Azərbaycanın daha bir yunan-Roma güləşçisi Xasay Həsənli Albaniyanın paytaxtı Tiranada keçirilən U-23 dünya çempionatının bürünc medalını qazanıb.
Median.Az xəbər verir ki, 77 kq çəki dərəcəsində mübarizə aparan təmsilçimiz üçüncü yer uğrunda görüşdə gürcüstanlı Temuri Orjonikidze ilə üz-üzə gəlib.
7:1 hesabı ilə qələbə qazanan Həsənli fəxri kürsünün üçüncü pilləsinə qalxıb
Qeyd edək ki, güləşçilərimizdən daha əvvəl Nihad Quluzadə (60 kq) bürünc, Rəşad Məmmədov (55 kq) isə gümüş medala sahib çıxıb.
“TUSAŞ-a qarşı terror hücumu millətin hüzurunu və “Tam Müstəqil Türkiyə” anlayışının simvolu olan müdafiə təşəbbüslərini hədəf alan alçaq bir hücumdur”.
APA-nın Türkiyə müxbirinin verdiyi xəbərə görə, bu barədə Türkiyə Prezidenti Rəcəb Tayyib Ərdoğanın “X” sosial şəbəkəsindəki paylaşımında deyilir.
Qeyd olunub ki, terror aktının baş verdiyi ilk andan təhlükəsizlik qüvvələri operativ şəkildə müdaxilə edərək terrorçuları zərərsizləşdirib.
“Millətimiz bilməlidir ki, Türkiyəyə uzanan çirkli əllər mütləq qırılacaq. Təhlükəsizliyimizi hədəfləyən heç bir quruluş, heç bir terror təşkilatı, heç bir şər mənbəyi öz məqsədlərinə çata bilməyəcək. Hər cür terror təhdidlərinə və onların dəstəkçilərinə qarşı mübarizəmiz qətiyyətlə və çoxölçülü şəkildə davam edəcək. Xain terror aktında şəhid olan qardaş-bacılarımıza Allahdan rəhmət, yaralılarımıza şəfa diləyirəm”, – deyə paylaşımda vurğulanıb.
Türkiyə Prezidenti Rəcəb Tayyib Ərdoğan TUSAŞ-da baş verən terror hücumu ilə bağlı Rusiya səfərini yarıda qoyaraq ölkəyə qayıdacaq.
Apa-nın Türkiyə müxbirinin verdiyi xəbərə görə, bu barədə “Yeni Şafak” qəzeti məlumat yayıb.
Qeyd olunub ki, Prezident Ərdoğanın sabah yerli vaxtla saat 11:20-də Tatarıstanın paytaxtı Kazandan yola düşəcəyi gözlənilir.
Elm və Təhsil Nazirliyi tərəfindən elan olunan “Özəl məktəbəqədər təhsil müəssisələri üçün qrant müsabiqəsi”nin birinci mərhələsi yekunlaşıb.
Müsabiqə çərçivəsində növbəti mərhələyə buraxılan bağçaların siyahısı və həmin bağçalarda boş yerlərin sayı müəyyənləşdirilib.
Seçilmiş özəl bağçalara uşaqların qeydiyyatı www.bq.edu.az portalında 24 oktyabr saat 11:00-dan etibarən aktiv olacaq və proses 1 noyabr saat 17:00-dək davam edəcək.
Özəl məktəbəqədər təhsil müəssisəsinə yerləşdirilmiş uşaqların valideynləri və ya digər qanuni nümayəndələri tələb edilən sənədləri bağçaya təqdim etməli və özəl məktəbəqədər təhsil müəssisəsi ilə onlar arasında valideynin ödəyəcəyi aylıq təhsilhaqqı məbləği də qeyd olunmaqla məktəbəqədər təhsil xidmətinin göstərilməsi barədə müqavilə bağlanılmalıdır.
Qeyd edək ki, qrant müsabiqəsinin əsas məqsədi 2024-2025-ci tədris ilində dövlət məktəbəqədər təhsil müəssisələrinə qəbul oluna bilməyən uşaqların seçilmiş özəl məktəbəqədər təhsil müəssisələrində boş qalan yerlərə cəlb edilməsi və onların təhsil haqlarının bir hissəsinin qrant vasitəsilə maliyyələşdirilməsindən ibarətdir. Bu qrant müsabiqəsi çərçivəsində seçilmiş özəl məktəbəqədər təhsil müəssisələrində məktəbəqədər təhsilə cəlb olunmuş hər bir uşağın aylıq təhsilhaqqının 250 manat məbləğində olan hissəsinin qrant hesabına qarşılanması, qalan məbləğin isə valideyn tərəfindən ödənilməsi nəzərdə tutulub.
Özəl bağçaların siyahısı və həmin bağçalarda boş yerlərin sayı ilə bu link vasitəsilə tanış olmaq mümkündür.