Month: November 2024

Azərbaycan ərazisində noyabrın 17-nə gözlənilən hava şəraiti haqqında proqnoz açıqlanıb.

Median.Az xəbər verir ki, bu barədə Milli Hidrometeorologiya Xidməti məlumat yayıb.

Bildirilib ki, Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi, lakin gecə və səhər bəzi yerlərdə arabir yağış yağacağı gözlənilir. Səhər yarımadanın ayrı-ayrı yerlərində qısamüddətli leysan xarakterli olacağı ehtimalı var. Arabir güclənən şimal-qərb küləyi gündüz mülayimləşəcək.

Havanın temperaturu gecə 8-10° isti, gündüz 10-12° isti olacaq. Atmosfer təzyiqi 761 mm civə sütunundan 767 mm civə sütununa yüksələcək. Nisbi rütubət 70-80% olacaq.

Azərbaycanın rayonlarında bəzi yerlərdə arabir yağıntılı olacağı, şimşək çaxacağı, dağlıq ərazilərdə qar yağacağı gözlənilir. Ayrı-ayrı yerlərdə leysan xarakterli intensiv olacağı, dolu düşəcəyi ehtimalı var. Gündüzdən əksər rayonlarda yağıntılar tədricən kəsiləcək. Arabir duman olacaq. Qərb küləyi gecə və səhər arabir güclənəcək.

Havanın temperaturu gecə 2-7° isti, gündüz 10-15° isti, dağlarda gecə 3-8° şaxta, gündüz 0-3° şaxta olacaq.

Avstraliyadan aparılan bir araşdırma cütlüklər üçün ideal yaş fərqini tapdığını iddia edir. Lakin ictimai reaksiya göstərir ki, hər kəs onların tapıntıları ilə razılaşmır.

Qaynarinfo “Mirror”a istinadən xəbər verir ki, tədqiqatçılar yaş fərqinin münasibətlərin məmnunluğuna təsir etdiyini deyirlər, çoxları isə əsas amilin partnyorların yetkinlik səviyyəsi olduğuna inanır.

Nəticələrə görə, evlilikdə ən yüksək məmnuniyyəti yaş fərqinin 1-3 yaş arasında olduğu, kişinin isə qadından bir qədər böyük olduğu cütlüklər göstərir. 4-6 yaş fərqi də məqbuldur, lakin bu cür münasibətlərdə məmnunluq zamanla azalır. 7 il və ya daha çox fərqi olan cütlüklərdə məmnuniyyətin azalması meyli daha çox nəzərə çarpır.

Bununla belə, tədqiqatçılar qeyd edirlər ki, 1 ilə 3 yaş arası ideal yaş fərqi ümumi olsa da, 10 yaşa qədər olan münasibətlər də bir çox digər amillərdən asılı olaraq uğurlu ola bilər.

İnsanlar nə düşünür?

Sosial şəbəkə istifadəçilərinin fikirləri ikiyə bölünüb. Bir “Reddit” istifadəçisi vurğulayıb ki, münasibətlərdə ən vacib şey tərəfdaşların yaşı deyil, yetkinliyidir:

“Bu, yetkinlik səviyyənizdən və bir-birinizlə necə davranmağınızdan asılıdır. Nə qədər ki, gənc partnyor özünü narahat hiss etmir, yaşın əhəmiyyəti yoxdur”.

Başqa bir şərhçi qeyd edib ki, şəxsi uyğunluq, qarşılıqlı cazibə və ortaq dəyərlər tərəfdaşlar arasındakı illərin sayından daha vacibdir.

Üçüncü istifadəçi öz təcrübəsini bölüşüb:

“Mənim 39 yaşım var, keçmiş tərəfdaşımın isə 49 yaşı var idi. Bu, yaş fərqindən daha çox yetkinliklə bağlı idi. Biz fərqli insanlar olduq və başa düşdüm ki, ayrı yollara getməyimiz daha yaxşıdır”.

“Taksi fəaliyyətində qiymət azalması müvəqqəti xarakter daşıyır. Bu müddət təxminən 15-20 gün davam edə bilər. Bunun səbəbi COP29 tədbiridir”.

Bunu Qaynarinfo-ya açıqlamasında nəqliyyat eksperti Aslan Əsədov son günlər taksi fəaliyyətində qiymətlərin enməsi ilə bağlı məsələyə aydınlıq gətirərkən deyib.

Onun sözlərinə görə, qiymətlərin bu şəkildə aşağı səviyyədə qalması mümkün deyil:

“Şəhərdə insanlar azdır. Demək olar ki, şəhər boşalıb. Taksi sürücülərinin sayında da azalma var. Tıxac yaranan kimi qiymətlər yenidən əvvəlki həddə yüksələcək. Hətta ola bilər ki, əvvəlki həddi də keçsin”.

Nəqliyyat eksperti Elməddin Muradlı isə taksi sürücülərinin qiymətlərin ucuzlaşmasından narazılıq etdiyini vurğulayıb:

“Bir çox istiqamətlərdə hərəkətin məhdudlaşdırılması ilə əlaqədar intensivlik aşağı düşüb. Amma qiyməti sürücülər deyil, şirkətlər endirib. Şirkətlərin də yanaşması bu şəkildədir ki, tələb artanda qiymət artır, tələb azalanda qiymət azalır”.

Elməddin Muradlı həmçinin taksi qiymətlərinin tənzimlənməsinə ciddi ehtiyac olduğunu bildirib:

“AYNA tərəfindən aşağı hədd müəyyənləşdirilib, amma yuxarı həddi də müəyyənləşdirmək lazımdır. Çünki sosial şəbəkələrdə bu istiqamətdə müzakirələr və mübahisələr gedir. Sürücülər iddia edir ki, qiymət çox aşağıdır, əvvəlki formada işləmirlər, deyirlər ki, yeni şərtlərə uyğunlaşaraq, daha keyfiyyətli avtomobil alıblar. Qiymət artımı xidmətin qarşılığında baş verməyib. Sərnişinlər də sosial şəbəkələrdə yazırlar ki, taksi filan istiqamətə baha apardı və s. Bu baxımdan, tərəflərin ortaq məxrəcini tapmaq lazımdır”.

Bəzən mağazalarda müştərilərin ehtiyatsızlığı nəticəsində mallar zərər görərək istifadəyə yararsız hala düşə bilir. Bu kimi vəziyyətlər müştərilər ilə mağaza rəhbərliyi arasında anlaşılmazlıqlara yol açır. Həmin zaman bəzi müştərilər zərərin ehtiyatsızlıqdan qaynaqlandığını əsas gətirərək dəymiş ziyanı ödəməkdən imtina edirlər. Mağaza sahibi isə zərərin ödənilməsini tələb etdikdə tərəflər arasında mübahisələr baş verə bilir.

Müştəri tərəfindən mağazadakı məhsula ziyan dəyərsə, zərəri kim qarşılamalıdır?

Median.Az xəbər verir ki, mövzu ilə bağlı milli.az-a vəkil Emil Aslanov açıqlama verərək bildirib ki, istehlakçı hər hansı bir məhsula bilmədən ziyan vurarsa, hər zaman bu zərəri ödəməli deyil.

“Lakin bəzi sahibkarlar, alıcıların öz hüquqlarını bilməməsindən istifadə edərək dəymiş zərəri müştərilərdən tələb edirlər. Mağazada hansısa əşya sındırılıbsa, bu zərəri müştəridən tələb etmək olmaz. Bəlkə o müştərinin üzərində o qədər məbləğ yoxdur. Hüquqları pozulmuş şəxs məhkəməyə müraciət etməklə öz pozulmuş hüquqlarını və dəymiş ziyanı tələb edə bilər”.

Vəkil onu da əlavə edib ki, mağazalarda sındırılma ehtimalı yüksək olan məhsulun yanında xəbərdarlıq nişanı qoyulmalıdır ki, alıcılar bunu görüb daha ehtiyatlı davransınlar. Bəzi mağazalarda təmizlik zamanı xəbərdarlıq nişanı qoyulmur, bu kimi hallarda müştəri sürüşüb nə isə sındırarsa, dəymiş zərəri qarşılamalı deyil.

“Mağazaya uyğun olaraq rəfların düzülüş qaydaları müəyyən edilməlidir. Rəfların və üzərindəki həmin malların rəfdan kənara çıxması halında, həmin mağaza sahibinin günahı ucbatından hesab olunur və istehlakçıların hər hansı ziyanı ödəmək məsuliyyəti yaranmır. Heç bir mağaza sahibi alıcıyı girov kimi saxlaya bilməz. Bu, azadlığın pozulması faktıdır və sahibkar törətdiyi əmələ görə ciddi məsuliyyət daşıyır”.

ABŞ-da baş vermiş yol qəzasında Azərbaycan vətəndaşı Xəyalə Əliyeva həlak olub.

Bu barədə mərhumun yaxınları məlumat veriblər.

Bildirilib ki, X.Əliyeva bir neçə ildir, ABŞ-də yaşayırmış.

Fövqəladə Hallar Nazirliyinin “112” qaynar telefon xəttinə Bakı şəhərinin Xəzər rayonu, Albalılıq qəsəbəsi ərazisində 1 nəfərin su quyusuna düşərək təhlükəli vəziyyətdə qalması barədə məlumat daxil olub.

FHN-dən bildirilib ki, məlumatla əlaqədar nazirliyin Xüsusi Riskli Xilasetmə Xidmətinin xilasediciləri dərhal çağırış üzrə cəlb olunub.

Hadisə yerində əməliyyat şəraiti qiymətləndirilərkən müəyyən olunub ki, 2008-ci il təvəllüdlü İsmayılov Vaqif Emin oğlu fərdi yaşayış evinin həyətyanı sahəsində dərinliyi təqribən 30 metr olan su quyusuna düşən iti xilas etmək istəyərkən özü də quyuya düşərək təhlükəli vəziyyətdə qalıb.

Xilasedicilər alpinist ləvazimatlarının köməyi ilə V.İsmayılovu və iti quyudan çıxararaq xilas ediblər.