Median.Az

Month: November 2024

  • Vəzifəli şəxslərə rüşvət verməklə cinayət məsuliyyətindən azad etdirəcəyini vəd verib – MƏHKƏMƏ

    Vəzifəli şəxslərə rüşvət verməklə müxtəlif əməllərə görə cinayət məsuliyyətinə cəlb olunmuş şəxsləri məsuliyyətdən azad etdirəcəyinə vəd verərək dələduzluqda təqsirləndirilən Yamən Məmmədovun cinayət işi üzrə məhkəmə prosesi başa çatıb.

    Bakı Ağır Cinayətlər Məhkəməsində hakim Cavid Hüseynovun sədrliyi ilə keçirilən prosesdə hökm oxunub.

    Hökmə əsasən, o, bir il müxtəlif vəzifələri yerinə yetirmə hüququndan məhrum edilməklə 2 il 1 ay 16 gün azadlığın məhdudlaşdırılması cəzasına məhkum edilib.

    Yamən Məmmədova təyin edilmiş cəza əvvəllər də onunla bağlı olan məhkəmə hökmü ilə birləşdirilib. Belə ki, o, qəti olaraq üç il altı ay müddətinə azadlığın məhdudlaşdırılması cəzasına məhkum edilib.

    Təqsirləndirilən şəxs elektron nəzarət vasitəsi gəzdirəcək.

    İttihama görə, Yamən Məmmədov müxtəlif cinayətlərdə təqsirləndirilən Emil Abbasov və Mətləb Hüseynovun yaxınlarına onları hüquq mühafizə orqanlarında işləyən yüksək vəzifəli tanışları vasitəsi ilə cinayət məsuliyyətindən azad edilməsində köməklik göstərəcəyini vəd verərək dələduzluq edib.

    Yamən Məmmədov Cinayət Məcəlləsinin 178.2.4 (qabaqcadan əlbir olan bir qrup şəxs tərəfindən öz qulluq mövqeyindən istifadə etməklə təkrar və xeyli miqdarda ziyan vurmaqla dələduzluq), 32.4, 312.2-ci (rüşvət verməyə təkrarən təhrik etmə) maddələri ilə təqsirli bilinib.
    //report

  • Filarmoniya direktorunun köməkçisi barəsindəki cinayət işinə xitam verilib

    Bir müddət əvvəl xüsusi əməliyyat nəticəsində həbs edilən Azərbaycan Dövlət Akademik Filarmoniyasının əməkdaşı Rəşad Məmmədov barəsindəki cinayət işinə xitam verilib.

    Buna səbəb cinayət işi üzrə dəymiş ziyanın tam olaraq ödənilərək dövlət büdcəsinə qaytarılmasıdır.

    Rəşad Məmmədov barəsində bir müddət əvvəl də həbs qətimkan tədbiri ləğv edilərək ev dustaqlığı qətimkan tədbiri ilə əvəzlənmişdi.

    Qeyd edək ki, Filarmoniyanın direktoru Murad Adıgözəlzadənin köməkçisi olan Rəşad Məmmədova qarşı Cinayət Məcəlləsinin 179.3.2 (külli miqdarda mənimsəmə), 311 (rüşvət alma) və 313-cü (vəzifə saxtakarlığı) maddələrilə ittiham irəli sürülmüşdü.
    İttihama görə, cinayət işi üzrə 70 min manata yaxın ziyan olub.
    /report

  • Oktyabrda 763 nəfərin Azərbaycana girişi məhdudlaşdırılıb

    Ötən ay ərzində İnzibati Xətalar və Miqrasiya məcəllələrinin müvafiq maddələrinin tələblərini pozduqlarına görə 763 nəfərə ölkə ərazisinə girişin məhdudlaşdırılması qərarı verilib.

    Bu barədə Dövlət Miqrasiya Xidmətindən (DMX) məlumat verilib.

    Belə ki, İnzibati Xətalar Məcəlləsinin müvafiq maddələrinin tələblərini pozmasına görə ölkə hüdudlarından kənara inzibati qaydada çıxarılmaqla inzibati cərimə tətbiq olunma ilə bağlı 309, Miqrasiya Məcəlləsinin müvafiq maddələrinin tələblərini pozmasına görə əcnəbilər və vətəndaşlığı olmayan şəxslərin ölkəyə girişinə məhdudiyyət qoyulma ilə bağlı 763 qərar qəbul edilib.

    Bunlardan 689-u Miqrasiya Məcəlləsinin 16.1.8-ci maddəsinin tələblərini pozmasına görə (Azərbaycan Respublikasının hüdudlarından kənara inzibati qaydada çıxarma tətbiq edilmədən inzibati cərimə növündə inzibati tənbeh tətbiq edilmiş şəxs cəriməni (hesablanmış dəbbə pulu daxil olmaqla) ödəmədikdə), 74-ü Miqrasiya Məcəlləsinin digər maddələrinin tələblərinin pozulmasına görə olub.

  • Yevlaxda avtomobillər toqquşub, ölən və xəsarət alan var

    Yevlax-Bərdə yolunda ölümlə nəticələnən yol-nəqliyyat hadisəsi olub.

    “VAZ” və “Toyota” markalı avtomobilləri toqquşub.

    Qəza nəticəsində “VAZ”ın sürücüsü, 1978-ci il təvəllüdlü Zamin Rzayev ölüb. 1980-ci il təvəllüdlü Ş.Namazova isə xəsarət alaraq xəstəxanaya yerləşdirilib.

    Faktla bağlı araşdırma aparılır.

  • Naxçıvanda 1 500-dən çox elektrik sayğacı yenisi ilə əvəzlənib

    Bu ilin yanvar-oktyabr aylarında Naxçıvan Muxtar Respublikası üzrə 1 574 ədəd elektrik sayğacı yenisi ilə əvəzlənib.

    Bu barədə muxtar respublikanın Dövlət Energetika Xidmətindən məlumat verilib.

    Bildirilib ki, bu müddət ərzində əlavə olaraq 1 022 yeni sayğac quraşdırılıb ki, bunlardan 373-ü smart-kart tipli əhali sayğacı, 48-i isə smart-kart tipli kommersiya sayğacı olub. Hazırda bu tip sayğacların ümumi sayı 32 502 ədədə çatıb.

    Naxçıvan Muxtar Respublikasının Babək, Şərur və Culfa şəhərlərində əhali abonentlərinin ev və mənzillərində ön ödənişli smart-kart tipli sayğacların quraşdırılması işləri sürətləndirilib.

  • Fransa – İsrail matçında tamaşaçı sayı baxımından antirekord qeydə alınıb

    Millətlər Liqasının V turunda keçirilən Fransa – İsrail matçında tamaşaçı sayı baxımından antirekord qeydə alınıb.

    “Report” xarici KİV-ə istinadən xəbər verir ki, “Stad De Frans”da baş tutan qarşılaşmanı 20 min azarkeş izləyib.

    Bu say antirekord kimi tarixə düşüb. Buna qədər ən pis nəticə 2003-cü ildə baş tutan Fransa – Yeni Zelandiya oyununda qeydə alınmışdı. Həmin vaxt görüşü təxminən 37 min nəfər izləmişdi.

    Qeyd edək ki, Fransa – İsrail matçı 0:0 hesabı ilə yekunlaşıb.

  • Rusiya Xəzər Donanması yeni gəmilər və silahlarla təchiz olunacaq

    Xəzər Donanması yeni gəmilər və silah sistemləri ilə təchiz edilməyə davam edəcək, həmçinin Rusiyanın dəniz sərhədlərinin təhlükəsizliyini təmin etmək üçün aviasiya və sahil komponentlərini inkişaf etdirəcək.

    Median.Az ” TASS-a istinadən xəbər verir ki, bu barədə Rusiya Hərbi Dəniz Donanmasının komandanı, admiral Aleksandr Moiseyev donanmanın yaradılmasının 302-ci ildönümü münasibətilə dənizçiləri təbrik edərkən bildirib.

    Moiseyevin sözlərinə görə, yaxın perspektivdə donanma ən müasir gəmilər və silahlarla təchiz edilməyə davam edəcək ki, bu da cənub dəniz sərhədlərinin təhlükəsizliyini təmin etmək və Xəzər dənizində ölkənin iqtisadi fəaliyyətini dəstəkləmək vəzifələrini səmərəli yerinə yetirməyə imkan verəcək. O, donanmanın bu sərhədlərin müdafiəsində mühüm rol oynadığını və dənizçilərin qarşıya qoyulan vəzifələrin öhdəsindən uğurla gəldiyini qeyd edib.

    Admiral xatırladıb ki, son “Okean – 2024” strateji komanda-qərargah təlimləri çərçivəsində donanma qüvvələri yüksək peşəkarlıq nümayiş etdiriblər. Belə ki, Xəzər dənizində keçirilmiş təlimlərdə onlarla döyüş vahidi iştirak edib və şərti düşmən hədəflərinə qarşı kompleks zərbələr endiriblər.

    Qeyd edək ki, bir sıra ekspertlər Rusiyanın hərəkətlərindən narahatlıqlarını ifadə edirlər və bunun 2018-ci il Xəzər dənizinin hüquqi statusu haqqında Konvensiyanın pozulması ola biləcəyini göstərirlər. İran istisna olmaqla bütün sahilyanı ölkələr tərəfindən ratifikasiya edilmiş bu sənəd dənizdən yalnız sülh məqsədləri üçün istifadə prinsipini təsbit edir, lakin akvatoriyada demilitarizasiya haqqında müddəalar ehtiva etmir.

  • Еврокомиссия выделила €300 млн на финансирование общих оборонных закупок ЕС

    Еврокомиссия объявила о первой в истории финансовой поддержке в 300 млн евро из союзного бюджета общих оборонных закупок государств-членов Евросоюза.

    Как передает Median.Az со ссылкой на зарубежные СМИ, это следует из коммюнике ЕК.

    “Впервые мы используем бюджет ЕС для поддержки государств-членов в совместных закупках оборонной продукции. Эта операция стала успехом: мы инвестируем 300 млн евро в пять проектов, направленных на устранение критических и срочных пробелов в оборонном потенциале”, – заявила исполнительный заместитель председателя ЕК Маргрете Вестагер.

    По ее словам, это позволит обеспечить лучшее соотношение цены и качества для национальных оборонных бюджетов, улучшить оперативную совместимость европейских вооруженных сил, укрепить промышленность и сделать Европу более подготовленной к противостоянию угрозам в сфере обороны.

    Вестагер добавила, что выбранные проекты также увеличат поддержку Украины Европейским союзом с помощью дополнительного оборонного оснащения.

    Каждый из пяти проектов, в которых участвуют 20 стран ЕС, получит от Брюсселя по 60 млн евро, что составляет общую сумму союзного финансирования в 300 млн евро, следует из документа. В целом общие закупки на сумму более 11 млрд евро для вооруженных сил государств-членов укрепят их обороноспособность.

    Отмечается также, что общие закупки критически важной оборонной продукции охватывают три области: системы противовоздушной и противоракетной обороны, современную бронетехнику, боеприпасы.

  • AK Aİ-nin ümumi müdafiə satınalmaları üçün 300 milyon avro ayırıb

    Avropa Komissiyası (AK) Avropa İttifaqı (Aİ) üzv dövlətlərinin ümumi müdafiə satınalmaları üçün icma büdcəsindən tarixdə ilk dəfə 300 milyon avro maliyyə dəstəyi ayırdığını elan edib.

    Bu, AK-nın kommünikesində qeyd olunub.

    “İlk dəfədir ki, üzv dövlətlərin birgə müdafiə məhsulları satınalmaları dəstəkləmək üçün Aİ büdcəsindən istifadə edirik. Bu əməliyyat uğurlu oldu: müdafiə potensialındakı kritik və təcili boşluqların aradan qaldırılmasına yönəlmiş beş layihəyə 300 milyon avro sərmayə qoyuruq”, – AK-nın icraçı sədr müavini Marqrete Vestager bildirib.

    Onun sözlərinə görə, bu, milli müdafiə büdcələri üçün daha yaxşı qiymət-keyfiyyət nisbətini təmin edəcək, Avropa silahlı qüvvələrinin əməliyyat uyğunluğunu yaxşılaşdıracaq, sənayeni gücləndirəcək və Avropanı müdafiə sahəsindəki təhdidlərə qarşı daha hazırlıqlı edəcək.

    Vestager əlavə edib ki, seçilmiş layihələr həmçinin əlavə müdafiə təchizatı ilə Avropa İttifaqının Ukraynaya dəstəyini artıracaq.

    Sənəddən məlum olur ki, Aİ-nin 20 ölkəsinin iştirak etdiyi beş layihənin hər biri Brüsseldən 60 milyon avro alacaq ki, bu da ümumi ittifaq maliyyələşməsinin 300 milyon avro təşkil edir. Ümumilikdə, üzv dövlətlərin silahlı qüvvələri üçün 11 milyard avrodan çox məbləğdə ümumi satınalmalar onların müdafiə qabiliyyətini gücləndirəcək.

    Qeyd olunub ki, kritik müdafiə məhsullarının ümumi satınalmaları üç sahəni əhatə edir: hava hücumundan və raketdən müdafiə sistemləri, müasir zirehli texnika, döyüş sursatı.

  • Keşlə qəbiristanlığındakı bəzi məzarlar başqa əraziyə KÖÇÜRÜLDÜ

    Keşlə qəbiristanlığından 5 məzar başqa əraziyə köçürülüb.

    Bakı Şəhər Əhaliyə Vətəndaşlıq Xidmət Trestindən APA-ya bildirilib ki, yağış suları kollektorunda baş vermiş qəza nəticəsində torpaq qatında çökmə baş verib və buna görə də, uzun illər öncə dəfn olunmuş şəxslərin məzarlarına ziyan dəyib.

    Trest tərəfindən təhlükəli zonada yerləşən daha 5 məzarın da digər əraziyə köçürülməsi təmin olunub. Keşlə qəbiristanlığında illər öncə tullantı sularının axıdılması üçün nəzərdə tutulan kollektorun üzərində salınan qəbirlərdən biri torpaq aşınması nəticəsində dağılıb, iki qəbir isə dağılma təhlükəsindədir.

    İri Şəhərlərin Birləşmiş Su Təchizatı Xidmətindən APA-ya verilən xəbərə görə, mövcud məsələ ilə bağlı dəfələrlə müvafiq orqanlara müraciətlər olunub, əraziyə baxış keçirilib.

    Qeyd edilib ki, kollektorda heç bir qəza hadisəsi baş verməyib, xəttə rejim dəyişikliyi olmayıb. Problemin kökü ondan ibarətdir ki, kollektorun üzərində qəbiristanlıq salınıb və bir neçə qəbir birbaşa magistral xəttin üzərinə düşüb.