Median.Az

Month: September 2025

  • Avropada ən ucuz pivə haradadır? – Ekspertlər lider şəhərləri açıqladı

    Soyuq pivə qədəhi demək olar ki, istənilən istirahətə xoş bir əlavədir. Britaniyalı pivə həvəskarlarının apardığı yeni araşdırma Avropada bu içkinin ən ucuz qiymətə satıldığı şəhərləri müəyyən edib.

    Bu barədə “Express” yazıb.

    Britaniya öz pabları ilə məşhur olsa da, ucuz pivə axtaranlar üçün əlverişli seçim deyil. Burada ən ucuz butulka təxminən 1,63 funt sterlinqə (85 manat) başa gəlir.

    Qitədə isə mənzərə fərqlidir. “Magnet Kitchens” şirkətinin “Numbeo” platformasının 2024-cü ilə aid məlumatlarına əsaslanan tədqiqatı göstərib ki, ən ucuz pivə İtaliya, Almaniya və İspaniyada satılır.

    İlk onluğa bir sıra Almaniya şəhərləri daxil olub – burada pivə butulkası cəmi 37–38 manata başa gəlir. İspaniyanın “pivə şəhəri” kimi tanınan Sarqosada da qiymət təxminən 37 manat təşkil edir.

    Lakin tam lider İtaliyanın cənubundakı sahil şəhəri Taranto olub – burada pivənin bir butulkası cəmi 34 manata satılır.
    //qaynar.az

  • Astarada 10 aylıq körpə hərarətdən öldü

    Astarada 10 aylıq körpə hərarətdən ölüb.

    “Unikal” xəbər verir ki, Astara rayon Siyəkü kənd sakini 2024-cü il təvəllüdlü (10 aylıq körpə) Elcan Taleh oğlu Həsənzadənin bu gün günortadan sonra bədən hərarəti qalxıb. Yaxınları uşağın qidadan zəhərləndiyini düşünüb ona ərzaq sodası veriblər. Bundan sonra körpənin halı pisləşib. Yaxınları körpəni təcili olaraq Lənkəran rayon mərkəzi xəstəxanasının təcili yardım şöbəsinə çatdırıblar. Həkimlərin göstərdiyi bütün tibbi müdaxilələrə baxmayaraq, körpənin həyatını xilas etmək mümkün olmayıb.

    Meyit aidiyyəti üzrə təhvil verilib.

    Faktla bağlı araşdırma aparılır.

  • Boksçu Co Baqner vəfat etdi

    Britaniya, Avropa və Millətlər Birliyi çempionu, keçmiş boksçu Co Buqner 75 yaşında Avstraliyada vəfat edib.

    Macarıstanda doğulan, sonradan Britaniyaya köçən Buqner 1970-ci illərdə dünyanın ən güclü ağır çəkili boksçularından biri idi. O, rinqdə Məhəmməd Əli, Co Freyzer, Frenk Bruno və digər ulduzlarla qarşılaşıb, dözümlülüyü ilə tanınıb.

    Karyerasında 83 döyüş keçirən Buqner həmçinin aktyor kimi filmlərdə rol alıb və televiziya şoularında çıxış edib.

  • Bu vətəndaşlar 50% artıq subsidiya alacaqlar

    Azərbaycanda Böyük Qayıdış çərçivəsində məskunlaşan vətəndaşlar kənd təsərrüfatı istehsalı üçün 50 % artıq subsidiya əldə edəcəklər.

    Bu barədə Aqrar Subsidiya Şurası qərar qəbul edib.

    Qərara əsasən “Azərbaycanın işğaldan azad edilmiş ərazilərində kənd təsərrüfatı təyinatlı torpaqların kənd və qəsəbə sakinlərinə güzəştli şərtlərlə icarəyə verilməsi Qaydaları”na uyğun olaraq işğaldan azad edilmiş kənd və qəsəbələrdə məskunlaşan, həmin yaşayış məntəqələrində yaşayan sakinlərə verilmiş torpaqlarda aparılan əkinlər üzrə əkin əmsalı və əkin subsidiyası bu birillik bitkilər və yonca əkinləri üzrə 50 % artırılmaqla tətbiq ediləcək.

  • Azərbaycanda qız məzun Hərbi İnstituta qəbul oldu – FOTO

    Azərbaycanda qız məzun Heydər Əliyev adına Hərbi İnstituta qəbul olub.

    Nəhmətzadə Zərifə Eldəniz qızı ümumilikdə 450 bal toplayıb. O, 2008-ci ildə Astara rayonunun Alaşa kəndində anadan olub.

    2014-ci ildə Elman Ağayev adına Səncərədi kənd orta məktəbinin 1-ci sinfinə daxil olub, sonra təhsilini Astara şəhər Mirzə Ələkbər Sabir adına 1 nömrəli tam orta məktəbdə davam etdirərək həmin məktəbi 2025-ci ildə fəxri fərmanla bitirib.

    III ixtisas qrupu üzrə blok imtahanında 247, buraxılış imtahanında isə 203 bal toplayaraq Heydər Əliyev adına Hərbi İnstitutun kursantı adına layiq görülüb.

  • Gözəl bir təbəssüm üçün lazım olan vitaminlər hansılardır?

    D vitamini sağlam dişləri qorumaq üçün lazımdır.

    Bunu rusiyalı stomatoloq, periodontal cərrah Olesya İzgareva deyib.

    Onun sözlərinə görə, fosfor və kalsiumun yaxşı sorulması və dişlərin, çənənin və sümüklərin möhkəmlənməsi üçün orqanizmin D vitamininə ehtiyacı var.

    “Onun gündəlik tələbatının təxminən yarısını günəş işığından, eləcə də qızılbalıq, sardina, pendir və süddən almaq olar, lakin sonuncu böyüklər tərəfindən zəif mənimsənilir”, – deyə həkim bildirib.

    İzgareva qeyd edib ki, C vitamini çatışmazlığı qan damarlarının divarlarını zəiflədir, bu da diş ətinin qanaması və boş dişlərin şansını artırır. Bunun qarşısını almaq üçün diş həkimi pəhrizə təzə meyvə və giləmeyvə – qara qarağat, qırmızı bibər, limon, çaytikanı, göyərti, itburnu dəmləməsini əlavə etməyi məsləhət görüb. O, əlavə edib ki, B12 vitamini çatışmazlığı ağızda xoralara, dildə yanmalara, selikli qişanın iltihabına, həssaslığın azalmasına və halsızlığa səbəb ola bilər. Amma mal əti, balıq, yumurta və digər məhsullar yemək bu riski sıfıra endirir.

    Həkim onu da bildirib ki, A vitamini çatışmazlığı birləşdirici toxumanın strukturunu pozur, bu da diş ətinin iltihabına səbəb olur və dişlərin səthi kobud olur. O, bu vitaminlə zəngin olan bibər və yerkökü yeməyi məsləhət görüb.

  • İsmayıllıda ayılar kənddə göründü – VİDEO

    İsmayıllı rayonunun Zərgəran kəndində ayılar görünüb.

    Bu barədə sosial şəbəkədə paylaşım edilib.

    Görüntüdə ana ayı və balası avtomobilin qarşısı ilə küçə boyu qaçırlar.

  • Amerikada təyyarələr havada toqquşdu – Ölən və yaralılar var

    Koloradoda iki kiçik təyyarənin havada toqquşması nəticəsində bir nəfər ölüb, üç nəfər yaralanıb.

    Bu barədə “NBC News” yazıb.

    Morqan qraflığının şerif ofisinin verdiyi məlumata görə, iki kiçik təyyarə eyni vaxtda Fort Morqan hava limanına enməyə cəhd edərkən havada toqquşub.

    Səlahiyyətlilər hər təyyarədə iki nəfərin olduğunu və qəza nəticəsində bir nəfərin öldüyünü, üç nəfərin yaralandığını qeyd edib.

    Milli Nəqliyyat Təhlükəsizliyi Şurası qəza ilə bağlı araşdırmalara başlayıb.
    //unikal.az

  • Президент Казахстана Токаев назвал критической ситуацию с обмелением Каспия

    Экологическая ситуация на Каспийском море стремительно ухудшается, вплотную приближаясь к катастрофе.

    Об этом на саммите Шанхайской организации сотрудничества (ШОС) сообщил президент Казахстана Касым-Жомарт Токаев, слова которого передала пресс-служба главы государства в Telegram-канале.

    Токаев предложил создать в Астане Центр анализа водных проблем под эгидой ШОС. По его словам, экологические трудности Каспийского моря должны стать ключевым вопросом для долгосрочных обсуждений в рамках организации.

    Он также сообщил, что в Алматы недавно начал работу Центр ООН по устойчивому развитию для стран Центральной Азии и Афганистана, в открытии которого участвовал генеральный секретарь ООН. Кроме того, Токаев объявил о планах провести в апреле 2026 года в Астане Региональный экологический саммит совместно с ООН.

  • Tokayev: “Xəzər dənizi ilə bağlı vəziyyət ekoloji fəlakətə yaxınlaşır”

    “Xəzər dənizinin suyunun azalması ilə bağlı vəziyyət ekoloji fəlakətə yaxınlaşır”.

    Median.Az-ın RBK-ya istinadən verdiyi xəbərə görə, bunu Qazaxıstan Prezidenti Kasım-Jomart Tokayev Şanxay Əməkdaşlıq Təşkilatının (ŞƏT) sammitində deyib.

    “Diqqətinizi çox incə, lakin ciddi bir məsələyə yönəltmək istərdim. Bu, Xəzər dənizi ətrafındakı acınacaqlı vəziyyətdir. Vəziyyət ekoloji fəlakətə yaxınlaşır”, – deyə o vurğulayıb.

    Bununla əlaqədar Tokayev Astanada ŞƏT-in himayəsi altında Su Problemlərinin Təhlili Mərkəzinin yaradılmasını təklif edib.

    O hesab edir ki, problem təşkilat daxilində uzunmüddətli məsləhətləşmələr üçün prioritet ola bilər.