Azərbaycanda insanın klonlaşdırılması üsulları patent obyektləri kimi qəbul edilməyəcək.
Prezident İlham Əliyev bununla bağlı “Patent haqqında” qanuna dəyişikliyi imzalayıb.
Sənədə əsasən, insanın klonlaşdırılması üsulları və onun klonu, insanın rüşeym xəttinin hüceyrələrinin genetik tamlığının modifikasiyası üsulları, insan embrionlarının sənaye məqsədləri üçün istifadə edilməsi patent obyektləri kimi qəbul edilməyəcək.
Diasporla İş üzrə Dövlət Komitəsinin keçmiş sədri Nazim İbrahimov qardaşı, iş adamı İbrahim İbrahimova məxsus “Avesta Konserni” şirkətinin vergi borcu bir qədər də artıb.
Qaynarinfo-nun məlumatına görə, şirkətin hazırda 773 944,74 manat təşkil edir. Bir müddət əvvəl bu məbləğ 703 985,46 manat idi. Beləliklə, aydın olur ki, “Avesta Konserni”nin vergi borcu 69 959,28 manat artıb.
İbrahim İbrahimov Hacı İbrahim Nehrəmli kimi tanınır. “Xəzər adaları” layihəsinin müəllifi olan Hacı İbrahim 2015-ci ildə Azərbaycan Beynəlxalq Bankı (ABB) ilə bağlı kredit qalmaqalından sonra əvvəlki biznes imkanlarını itirməyə başlayıb. Həmin vaxt yayılan məlumatlarda iddia olunurdu ki, Hacı İbrahim “Xəzər adaları” layihəsi üçün ABB-dən 850 milyon dollar kredit götürüb. Lakin pulla təyinatı üzrə xərclənməyib. Bu üzdən də Hacı İbrahimdən kredit qaytarılması tələb edilib. Yeri gəlmişkən, bu qalmaqaldan sonra “Xəzər adaları” layihəsinin icrası dayanıb.
2026-cı ilin istehsalat təqviminə əsasən, may ayında Azərbaycanda qeyri-iş günlərinin sayı digər aylarla müqayisədə daha çox olacaq.
9 Mayın (Faşizm üzərində Qələbə Günü) şənbə gününə düşməsi səbəbindən, Əmək Məcəlləsinə uyğun olaraq 11 may (bazar ertəsi) də qeyri-iş günü elan ediləcək. Bununla da, 9, 10 və 11 may tarixləri ardıcıl istirahət günləri olacaq.
Eyni zamanda, mart ayında olduğu kimi, mayda da iki bayram – Qurban bayramı (27-28 may tarixləri) və Müstəqillik Günü (28 May) eyni dövrə təsadüf edir. Bu səbəbdən 29 may da qeyri-iş günü sayılacaq. Beləliklə, 27, 28, 29 may tarixləri ilə yanaşı, 30 və 31 may (həftəsonu) da istirahət günləri olacaq.
Nəticədə, may ayında şənbə-bazar günləri də daxil olmaqla ümumilikdə 14 gün qeyri-iş günü olacaq. Növbəti iş günü isə 1 iyun tarixindən başlayacaq.
Müctəba Xamenei İrandadır, lakin ictimaiyyət qarşısına çıxmayıb.
Bu barədə Rusiyanın İrandakı səfiri Aleksey Dedov deyib.
Jurnalist: İranın yeni Ali Lideri Müctəba Xamenei ilə hər hansı bir əlaqəniz olubmu? Əldə etdiyiniz məlumata görə, o, İrandadır?
Dedov: İslam Respublikasının yeni Ali Lideri ilə hələlik heç bir əlaqə olmayıb. Lakin qeyd edirəm ki, Vladimir Vladimiroviç Putin Müctəba Xameneiyə təbrik teleqramı göndərən ilk şəxslərdən biri olub və Tehrana sarsılmaz dəstəyini və iranlı dostları ilə həmrəyliyini bildirib. İran rəhbərliyinin dəfələrlə bildirdiyi kimi, yeni lider İrandadır, lakin məlum səbəblərə görə o, ictimaiyyət qarşısına çıxmaqdan çəkinib”.
Türkiyənin Hakkari vilayətində qeyri-qanuni mərc və dələduzluq cinayətlərinə qarşı keçirilən əməliyyatlarda 52 şübhəli saxlanılıb.
Bu barədə Türkiyənin Daxili İşlər Nazirliyi məlumat yayıb.
Bildirilib ki, Hakkari Polis İdarəsi və Yüksekova Baş Prokurorluğunun koordinasiyası ilə kiberpatrul və texniki analiz işləri nəticəsində cinayətkar qruplaşmanın təxminən 20 milyard TL (449,6 milyon dollar) pul dövriyyəsinin olduğu müəyyən edilib. “Bunun Türkiyədə indiyə qədər kibercinayətlər və oxşar xarakterli istintaqlarda əməliyyat həcmi baxımından müəyyən edilmiş ən yüksək məbləğ olduğu aydınlaşdırılıb”, – məlumatda qeyd olunub
“İnformasiya sistemlərindən istifadə edərək vətəndaşlarımıza qarşı dələduzluq edənlərin, vətəndə olduğu kimi virtual izləməsi də aparılır”, – əlavə olunub.
Hakkari merkezli 18 ilde Yasa Dışı Bahis ve Nitelikli Dolandırıcılık suçlarına yönelik düzenlenen operasyonlarda 52 şüpheli yakalandı.
Hakkari Emniyet Müdürlüğü ve Yüksekova Cumhuriyet Başsavcılığı koordinesinde, siber devriye ve teknik analiz çalışmaları sonucu, suç örgütünün;… pic.twitter.com/N7XH5fe6aR
— T.C. İçişleri Bakanlığı (@TC_icisleri) March 31, 2026
Bakıda vətəndaşın boynuna kəmər bağlayıb əzab verməkdə təqsirləndirilən Aydın Qurbanov və Turan Rufullayevin cinayət işinin məhkəməsi yekunlaşıb.
Bakı Ağır Cinayətlər Məhkəməsinin hakimi Fəxri Məmmədovun sədrliyi ilə keçirilən prosesdə təqsirləndirilən şəxslərə hökm oxunub.
Hökmə əsasən, Aydın Qurbanov 5 il, Turan Rufullayev isə 4 il müddətinə azadlıqdan məhrum edilib.
Xatırladaq ki, ötən prosesdə dövlət ittihamçısı Tural Yaqubov ittiham nitqi ilə çıxış edərək məhkəməyə təqsirləndirilənlərdən Aydın Qurbanovun 9 il, Turan Rufullayev isə 7 il 6 ay müddətinə azadlıqdan məhrum edilməsini məhkəməyə təklif etmişdi.
Qeyd edək ki, aparılmış istintaq zamanı müəyyən edilib ki, Aydın Qurbanov tanışı Turan Rufullayev və şəxsiyyəti istintaqla araşdırılan “Elnur” adlı şəxslə birlikdə azab vermə cinayətinin törədilməsi barədə razılaşaraq cinayət əlaqəsinə giriblər.
Onlar razılaşmaya əsasən, 2024-cü ilin may ayının əvvəllərində “Tik-tok”da Elşən İbrahimovla “Elnur” adlı şəxs arasında mübahisə yaranıb.
Bu mübahisənin həll olunması üçün Aydın Qurbanov, tanışları “Elnur” adlı şəxs və Turan Rufullayevlə birlikdə avtomobillə Elşən Ibrahimovun yaşadığı Xətai rayonu, Zığ qəsəbəsində yerləşən evin qarşısına gəlib.
Onlar Elşən İbrahimovu mübahisənin həll olunması üçün yaxınlıqda yerləşən çay evlərinin birinə getmək məqsədilə avtomobilə dəvət edib.
Elşən həmin avtomobilə əyləşib. Həmin gecə saat 02:30 radələrində Elşənin yanında arxa oturacaqda əyləşmiş Aydın Qurbanov əynində olan şalvarının kəmərini çıxararaq onun boyununa keçirərək sıxaraq bağlayıb.
Aydın yol boyu kəmərdən tutaraq mütamadi dartmaqla Elşəni boğaraq güclü fiziki ağrı və psixi iztirablar verməklə, qəddar, ləyaqəti alçaldan və qeyri-insani rəftar və davranışa məruz qoyub.
İttiham aktında göstərilib ki, Aydın Elşən İbrahimovun ünvanına “qardaşlarımı və qardaşlarımın doğmalarını söyəni it kimi tutmuşam…Mənim adım Aydındır, gəncəliyəm, bax it kimi gəzdirirəm, it kimi…. hamı görsün, hamı da bu gün görəcək” sözlərini səsləndirib. Bu zaman “Elnur” adlı şəxs bunu öz mobil telefonu vasitəsi ilə “Tik-tok”da canlıda göstərərək paylaşıb.
Bundan başqa, Aydın Qurbanov və Turan Rufullayev Satış məqsədi ilə qanunsuz olaraq külli miqdarda psixotrop maddə əldə etmə, saxlama, daşıma va satmaqda da ittiham olunurlar.
Daxil olmuş məlumat əsasında Daxili İşlər Nazirliyinin Baş Mütəşəkkil Cinayətkarlıqla Mübarizə İdarəsinin əməkdaşları tərəfindən həyata keçirilmiş əməliyyat-axtarış tədbiri nəticəsində Aydın Qurbanov və Turan Rufullayev 24 iyun günorta radələrində saxlanılaraq Baş Mütəşəkkil Cinayətkarlıqla Mübarizə İdarəsinin inzibati binasına gətiriliblər.
Onlara qarşı cinayət məcəlləsinin 133.2.3-cü (bir qrup şəxs, qabaqcadan əlbir olan bir qrup şəxs, mütəşəkkil dəstə və ya cinayətkar birlik (təşkilat) tərəfindən əzab vermə), 234.4.3-cü (satış məqsədilə külli miqdarda narkotik hazırlama, daşıma, saxlama) və 234.4-1-ci (narkotik vasitələrin və psixotrop maddələrin qanunsuz dövriyyəsi xüsusilə külli miqdarda törədildikdə) maddələri ilə ittiham irəli sürülüb.
//unikal.az
Martın 31-də Belçika baş nazirinin müavini, xarici işlər, Avropa işləri və inkişaf sahəsində əməkdaşlıq naziri Maksim Prevo Azərbaycanın xarici işlər naziri Ceyhun Bayramova zəng vurub.
Bu barədə Azərbaycan Xarici İşlər Nazirliyindən məlumat verilib.
Telefon danışığı zamanı, Yaxın Şərqdə cari təhlükəsizlik vəziyyəti, Azərbaycan və Belçika arasında ikitərəfli münasibətlər, habelə Avropa İttifaqı çərçivəsində əməkdaşlıq perspektivləri müzakirə olunub.
Nazirlər Yaxın Şərqdə mövcud hərbi eskalasiyadan dərin narahatlıqlarını ifadə edib, münaqişənin diplomatik yolla həllinin vacibliyini vurğulayıblar. Belçikalı nazir bununla yanaşı, İran ərazisindən Naxçıvan istiqamətinə dron hücumu ilə əlaqədar ölkəmizlə həmrəyliyini ifadə edib. Eyni zamanda, Belçika vətəndaşlarının İrandan təxliyəsinin təmin olunmasına yaradılmış şəraitə görə ölkəmizə təşəkkür bildirilib.
Nazirlər o cümlədən, Azərbaycan və Ermənistan arasında normallaşma prosesi ətrafında fikir mübadiləsi aparıblar. Nazir Ceyhun Bayramov qarşı tərəfi bölgədə davamlı sülh və sabitliyin təmin edilməsi istiqamətində görülən tədbirlər barədə məlumatlandırıb.
Tərəflər Azərbaycanla Belçika arasında qarşılıqlı maraq doğuran məsələlər üzrə əməkdaşlığın daha da inkişaf etdirilməsi üçün konstruktiv dialoqun və siyasi məsləhətləşmələr kimi mövcud mexanizmlərin, qarşılıqlı səfərlərin və yüksəksəviyyəli təmasların əhəmiyyətini vurğulayıblar.
Bakının bir sıra yollarında nəqliyyatın sıxlığı müşahidə olunur.
Bu barədə Daxili İşlər Nazirliyinin (DİN) Nəqliyyatı İntellektual İdarəetmə Mərkəzi (NİİM) məlumat yayıb.
Hazırda:
1. Bakı-Sumqayıt şosesi, “Xırdalan” dairəsi istiqamətində;
2. Tbilisi prospekti, İzmir küçəsi ilə kəsişmədən “20 Yanvar” metro stansiyası istiqamətində;
3. Tbilisi prospekti, “20 Yanvar” metro stansiyasından mərkəz istiqamətində;
4. Xətai prospekti, Heydər Əliyev prospekti istiqamətində;
5. Yusif Səfərov küçəsi, Heydər Əliyev prospekti istiqamətində;
6. Niyazi küçəsi, “Azneft” dairəsi istiqamətində;
7. Dənizkənarı küçəsi, Bayraq Meydanının qarşısından “Azneft” dairəsi istiqamətində;
8. Alı Mustafayev küçəsi, Ziya Bünyadov prospekti istiqamətində;
9. Ziya Bünyadov prospekti, Müzəffər Nərimanov küçəsi ilə kəsişmədən “20 Yanvar” metro stansiyası istiqamətində;
10. Ziya Bünyadov prospekti, Əbdülvahab Salamzadə küçəsi ilə kəsişmədən Əhməd Rəcəbli küçəsi istiqamətində;
11. Üzeyir Hacıbəyli küçəsi, Azadlıq prospekti ilə kəsişməyə qədər;
12. 8 Noyabr prospekti, Süleyman Əhmədov küçəsi ilə kəsişmədən Zığ şosesi istiqamətində;
13. Afiyəddin Cəlilov küçəsi, Yusif Səfərov küçəsi istiqamətində;
14. Bakıxanov küçəsi, İnşaatçılar prospekti ilə kəsişmədən “Dədə Qorqud” parkı istiqamətində;
15. Yusif Səfərov küçəsi, mərkəz istiqamətində;
16. Koroğlu Rəhimov küçəsi, akad. Həsən Əliyev küçəsi ilə kəsişmədən Heydər Əliyev prospekti istiqamətində sıxlıq müşahidə olunur.
İran İslam Respublikasının şimal-qərb hissəsində yerləşən Təbriz şəhərində Amerika Birləşmiş Ştatları və İsraillə gizli əlaqələrdə şübhəli bilinən 10 şəxs həbs edilib.
Müvafiq məlumatı İranın “Fars” xəbər agentliyi yayımlayıb.
Qeyd edək ki, bundan öncə İranın Kəşfiyyat Nazirliyi ölkənin dörd müxtəlif əyalətində ABŞ və İsrail xeyrinə casusluq fəaliyyətində ittiham olunan 54 nəfərin ələ keçirildiyini bəyan etmişdi.
Ağdərə rayonu ərazisindəki təlim mərkəzində 31 mart-3 aprel tarixlərində istismar müddəti başa çatan və istifadəyə yararsız döyüş sursatları təhlükəsizlik qaydalarına riayət olunmaqla məhv ediləcək.
Bu barədə Müdafiə Nazirliyi məlumat yayıb.
“Partlayış səsləri ilə əlaqədar əhalini təşvişə düşməməyə çağırır və narahatlığa heç bir əsasın olmadığını diqqətə çatdırırıq”, – məlumatda qeyd olunub.