“İran bir gecə ərzində tamamilə məhv edilə bilər”.
Median.Az lenta.ru-ya istinadən xəbər verir ki, bunu ABŞ Prezidenti Donald Tramp Ağ Evdə keçirilən mətbuat konfransı zamanı bəyan edib.
“Bütün ölkə bir gecədə məhv edilə bilər və bu tarix sabah da ola bilər”, – deyə amerikalı lider hədələyib.
Alimlər İndoneziyada dəniz dibindən çıxarılan tapıntılar vasitəsilə “dik yeriyən insan” (Homo erectus) haqqında yeni məlumatlar əldə ediblər. Bu tapıntılar onların əvvəllər mövcud olmuş, lakin indi su altında qalmış bir landşaftda yaşadıqlarını göstərir.
Qaynarinfo xəbər verir ki, bu barədə “Daily Galaxy” yazıb.
Tədqiqatlara görə, tapıntılar vaxtilə Sundaland adlanan geniş quru sahəsinə aiddir. Bu ərazi keçmişdə Cənub-Şərqi Asiyanın bir çox adalarını birləşdirirdi, lakin dəniz səviyyəsi yüksəldikcə su altında qalıb və bütöv ekosistemlər yox olub.
Alimlər bildirirlər ki, bu ərazidə tapılan qalıqlar Orta Pleistosen dövrünə aiddir. Bu dövr insanabənzər canlı qruplarının daha çox yayılması və hərəkətliliyi ilə xarakterizə olunur.
Homo erectus haqqında yeni məlumatlar
Tədqiqatçılar qeyd edirlər ki, Homo erectus daha əvvəlki homininlərlə müqayisədə müasir insana daha çox bənzəyirdi. Onların daha uzun ayaqları və qısa qolları vardı ki, bu da onlara daha effektiv yerimək və qaçmaq imkanı verirdi.
Eyni zamanda bu növün daha güclü əzələlərə sahib olduğu ehtimal olunur ki, bu da ovçuluqda üstünlük qazandırırdı.
Tapıntılar göstərir ki, Homo erectus kəllə həcmi avstralopiteklərlə müqayisədə 50 faizdən çox böyük olub.
Araşdırmalarda həmçinin qeyd olunur ki, o dövrdə Şərqi Yava bölgəsində nisbətən quraq iqlim hökm sürürdü. Böyük çaylar həm içməli su mənbəyi, həm də qida təminatı üçün əsas rol oynayırdı. Tapılan sümüklərdə kəsik izləri və qırılmış hissələr həmin insanların ovçuluq etdiyini və sümük iliyindən istifadə etdiyini göstərir.
Alimlər eyni zamanda Almaniyanın Şöningen bölgəsində tapılan taxta nizələri də araşdırıblar. Əvvəlcə onların 300–400 min il yaşı olduğu düşünülürdü, lakin yeni analizlər onların təxminən 200 min il yaşı olduğunu göstərib. Bu isə Neandertalların artıq inkişaf etmiş ov alətlərindən istifadə etdiyini sübut edir.
Ermənistan İqtisadiyyat Nazirliyinin mühafizə əməkdaşı bilmədən atəş açıb.
Median.Az bu barədə “Sputnik Ermənistan” saytına istinadən xəbər verir.
Məlumata görə, xəsarət alan şəxs xəstəxanaya yerləşdirilib, onun vəziyyəti qənaətbəxş qiymətləndirilir.
İnsidentin baş vermə şəraiti dəqiqləşdirilir. Xüsusilə, atəşin şəxsin özünə, yoxsa başqa bir şəxsə açıldığı bildirilmir.
Xəsarət alan şəxs 21 yaşındadır, o, sol baldır nahiyəsindən yaralanıb.
ABŞ-nin NATO müttəfiqlərinə İrana qarşı mümkün hərbi əməliyyatda iştirakla bağlı təklifi Vaşinqtonun alyans daxilində həmrəylik və siyasi dəstək səviyyəsini yoxlamaq cəhdi kimi qiymətləndirilir.
ABŞ Prezidenti Donald Tramp “ABC telekanalına müsahibəsində bu addımın Şimali Atlantika Alyansı üçün bir növ sınaq olduğunu bildirib.
Maraqlıdır, müttəfiq ölkələrin bu təşəbbüsə reaksiyası necə olacaq? Hansı ölkələr bu təklifə qoşulmağa daha meyilli görünür?
Mövzu ilə bağlı siyasi şərhçi Ülviyyə Zülfiqar Sfera.az-a açıqlama verib. Onun sözlərinə görə, Trampın NATO müttəfiqlərinə təklifi təkcə təhlükəsizlik məsələsi deyil, həm də NATO daxilində siyasi iradənin testi ola bilər:
“Bu cür təşəbbüslərə reaksiyalar vahid və birmənalı olmayacaq. Avropa ölkələrinin böyük hissəsi, xüsusilə Fransa və Almaniya kimi dövlətlər ehtiyatlı mövqe sərgiləyə bilər. Onlar ənənəvi olaraq Yaxın Şərqdə hərbi eskalasiyadan çəkinirlər. Bu baxımdan, belə bir təklif NATO daxilində fikir ayrılıqlarını daha da dərinləşdirə bilər”.
Siyasi şərhçi qeyd edib ki, bəzi ölkələr buna müsbət reaksiya verə bilər:
“Digər tərəfdən, Böyük Britaniya, eləcə də Şərqi Avropanın bəzi ölkələri ABŞ ilə strateji tərəfdaşlığı nəzərə alaraq daha müsbət reaksiya verə bilərlər. Bu ölkələr təhlükəsizlik baxımından Rəsmi Vaşinqtonun mövqeyinə daha yaxın olur və transatlantik münasibətləri prioritet hesab edirlər. Lakin onların belə bir əməliyyata real hərbi töhfəsi məhdud və daha çox simvolik ola bilər”.
“İran hökuməti Hörmüz boğazından təhlükəsiz keçid üçün dost ölkələr də daxil olmaqla bütün gəmiləri rüsum ödəməyə məcbur edəcək”.
Bu barədə İranın “Nour News” agentliyi məlumat yayıb.
“Dost ölkələrə Hörmüz boğazı vasitəsilə təhlükəsiz keçid icazələrinin verilməsi yalnız təhlükəsizlik rüsumlarının ödənilməsi müqabilində həyata keçiriləcək və heç bir ölkə bu tələbdən azad edilməyəcək”, – məlumatda bildirilib.
Qeyd olunub ki, bu strategiya ABŞ və İsrail hücumlarından dəymiş ziyanı ödəmək üçün seçilib.
Aprelin əvvəlində “Al Jazeera” telekanalı məlumat vermişdi ki, İran bütün dövlətləri “dost”, “neytral” və “düşmən” olmaqla üç qrupa bölərək boğazda gəmiçiliyin tənzimlənməsi sistemini hazırlayıb.
İddia edilirdi ki, birinci qrupdan olan dövlətlər boğazdan sərbəst keçə biləcək, “neytral” ölkələr rüsum ödəyəcək, “düşmən” ölkələr üçün isə keçid əvvəlki kimi qadağan olunacaq.
İkinci Türkiyə gəmisi Hörmüz boğazından keçib.
Bu barədə İran mətbuatı yazıb.
Məlumata görə, təhlükəsiz keçid üçün İran İslam Respublikasının müvafiq orqanları ilə aparılan koordinasiyaya uyğun olaraq, ikinci Türkiyə gəmisi Hörmüz boğazından keçərək son təyinat yerinə doğru yola düşüb.
//unikal.az
Monitorinq təşkilatı “NetBlocks”un təhlilinə görə, İranda bir aydan çox əvvəl başlayan internet kəsintiləri, ölkə miqyasında ən uzun müddət davam edən kəsinti olub.
Ölkədə internet kəsintisi artıq 37 gündən çox davam edib. “NetBlocks” vurğulayıb ki, bu kəsinti müddəti və miqyası baxımından dünya üzrə bütün oxşar hadisələri üstələyir.
Analitiklər həmçinin qeyd ediblər ki, Şimali Koreyanın internet problemləri daha geniş yayılmış və uzunmüddətli olsa da, onları İranın elektrik kəsintiləri ilə müqayisə etmək olmaz, çünki Şimali Koreya heç vaxt internetə qoşulmayıb.
İran hakimiyyəti ABŞ-İsrail hərbi kampaniyasının başlamasından sonra vətəndaşların internetə çıxışını dayandırıb. Rəsmi olaraq, bu, informasiya hücumlarının və xarici qüvvələrin ölkədəki sabitliyi pozmaq cəhdlərinin qarşısını almaq üçün edilib.
“Ceffri Epşteyn hələ də sağdır”.
Amerikalı sahibkar İlon Maskın atası Errol Mask bu fikri “RİA Novosti”yə verdiyi müsahibədə bildirib.
“O, mütləq sağdır… Buna şübhə yoxdur”, – deyə o, bildirib.
Maskın sözlərinə görə, Epşteynin kamerasında baş verənlərlə bağlı rəsmi açıqlama inandırıcı deyil, çünki bir sıra hallar suallar doğurur. O qeyd edib ki, hadisə zamanı həbsxananın təhlükəsizlik kameraları söndürülüb və mühafizəçilər yatıblar.
ABŞ Ədliyyə Nazirliyinin məlumatına görə, kamera görüntülərində 62 saniyəlik bir hissə (saat 23:58:58-dən 00:00-a qədər) yoxdur. Bu, videokamera sistemindəki texniki problemlərlə əlaqədardır.
Qeyd edək ki, amerikalı iş adamı Ceffri Epşteyn pedofillik, cinsi istismar və insan alverində ittiham olunaraq həbs edilib. O, 2019-cu ildə saxlanıldığı kamerada ölü tapılıb.
Pasxa bayramı şənlikləri zamanı Yerusəlimdəki Müqəddəs Diriliş Katedralında “Artsax” bayrağı qaldırılıb.
Bu barədə Livanın erməni icması məlumat yayıb.
Bu məbəd, inanca görə, İsa Məsihin çarmıxa çəkilməsi, dəfn edilməsi və dirilməsinin baş verdiyi Xristianlığın ən müqəddəs yerlərindən biridir.
Qüdsdə erməni keşişlərin separatçılığı təbliğ edən təxribatları ilk deyil.
//unikal.az
Aralıq dənizinin mərkəzi hissəsində miqrantları daşıyan qayığın aşması nəticəsində azı iki nəfər həlak olub, 70-dən çox şəxs itkin düşüb.
Bu barədə “Mediterranea Saving Humans” və “Sea-Watch” qeyri-hökumət təşkilatları məlumat yayıb.
“Mediterranea Saving Humans” təşkilatı bildirib ki, şənbə günü günortadan sonra Liviyadan yola düşən, göyərtəsində qadın və uşaqlar da daxil olmaqla 105 nəfər olan qayıq batıb. Nəticədə 70-dən çox şəxs itkin düşüb. Axtarışlar zamanı iki nəfərin meyiti sudan çıxarılıb, 32 nəfər isə xilas edilib. Hadisə Liviyanın nəzarətində olan axtarış-xilasetmə zonasında baş verib.
“Sea-Watch” təşkilatının məlumatına görə, sağ qalanlar iki ticarət gəmisi tərəfindən xilas edilərək bazar günü səhər saatlarında İtaliyanın Lampeduza adasına çatdırılıb.
Təşkilatın “X” platformasında paylaşdığı videoda, ehtimal ki, “Sea Bird 2” müşahidə təyyarəsi tərəfindən lentə alınmış kadrlarda insanların aşmış qayığın gövdəsindən yapışaraq açıq dənizdə sürükləndiyi, daha sonra isə ticarət gəmisinin onlara yaxınlaşdığı əks olunub.
Qeyd edək ki, Lampeduza adası Şimali Afrikadan Aralıq dənizi vasitəsilə Avropaya keçməyə çalışan miqrantlar üçün əsas giriş nöqtələrindən biridir və bu təhlükəli marşrut zamanı çoxsaylı insan həyatını itirir.
Beynəlxalq Miqrasiya Təşkilatının məlumatına görə, cari ilin əvvəlindən etibarən Aralıq dənizində 683 miqrant həlak olub və ya itkin düşüb.
İtaliyanın Daxili İşlər Nazirliyinin açıqlamasına əsasən, aprelin 3-dək ölkə sahillərinə 6175 miqrant çatıb.