İngiltərənin “Çelsi” klubu futbolçusu Mark Qiunu Premyer Liqanın digər təmsilçisi “Sanderlend”ə icarəyə verib.
Bu barədə Sanderlend təmsilçisinin mətbuat xidməti məlumat yayıb.
19 yaşlı ispaniyalı futbolçu ilə 2025/2026 mövsümünün sonuna qədər icarə müqaviləsi imzalanıb.
Qeyd edək ki, M.Qiu 2024-cü ildə “Barselona”dan (İspaniya) “Çelsi”yə transfer olunub. O, London təmsilçisinin heyətində cəmi 3 matça çıxıb.
Yohannes Bö Norveçin “Vinqer” futbol klubu ilə müqavilə imzalayıb.
Median.Az Norveç Futbol Assosiasiyasının rəsmi saytına istinadən xəbər verir ki, Bö beşqat olimpiya, 23 qat dünya çempionu və biatlon üzrə dünya kubokunun beşqat qalibidir. O, aprel ayında karyerasını başa vurub.
Keçmiş biatlonçu Norveç çempionatının altıncı divizionunda çıxış edən “Vinqer” klubu ilə müqavilə imzaladığını açıqlayıb.
O, yarımmüdafiəçi qismində çıxış edəcək.
“Getdik! Yeni klub, sabah ilk oyun”, – deyə Yohannes sosial şəbəkədə transfer məbləğinin 80 avro olduğunu da qeyd edib.
Güllə atıcılığı üzrə Azərbaycan yığmasının üzvü Mirismayıl Həbibov dünyasını dəyişib.
“Qəbələ” İdman Klubunda yeni təyinat gerçəkləşib.
Klubdan verilən məlumata görə, Elnur Məmmədli komandanın mətbuat xidmətinin rəhbəri təyin edilib.
O, 2023-2025-ci illərdə AFFA-nın mətbuat xidmətinin rəhbəri vəzifəsini tutub.
Məmmədli idman jurnalistikasında karyerasına ötən əsrin sonlarında başlayıb. O, bu illər ərzində müxtəlif televiziya kanallarında idman şərhçisi kimi çalışıb, həmçinin qəzet və saytlarda fəaliyyət göstərib.
Ukraynanın “Zorya” klubunun yarımmüdafiəçisi Volodimir Belotserkovets 26 yaşında vəfat edib.
İngiltərənin “Arsenal” klubunun zədə səbəbindən əməliyyat olunan müdafiəçiləri Qabriel Maqalyans və Yurrien Timber məşqləri bərpa ediblər.
UEFA Çempionlar Liqasının III təsnifat mərhələsinin ilk oyununda üz-üzə gələcək “Şkendiya” (Şimali Makedoniya) və “Qarabağ” komandalarının start heyətləri açıqlanıb.
“Qəbələ” iki futbolçusu ilə müqavilə müddətini uzadıb.
Bu barədə bölgə təmsilçisinin mətbuat xidməti məlumat yayıb.
Qədir Ramazanov və Elnur Mustafayevlə 3 illik müqavilə imzalanıb.
Vyetnamlı keçmiş FIFA referisi Çan Din Tin 43 yaşında vəfat edib.
Bu barədə Vyetnam Futbol Federasiyasının mətbuat xidməti məlumat yayıb.
Beynəlxalq dərəcəli hakim dözümlülük testi zamanı huşunu itirib. Ona ilk yardım göstərilib, daha sonra xəstəxanaya çatdırılsa da, həyatını xilas etmək mümkün olmayıb.
Qeyd edək ki, referi 2019-cu ildə FIFA-nın bayrağı altında bir sıra matçlarda idarəçilik edib.
Türliyənin “Qalatasaray” klubu Fransa təmsilçisi PSJ-də çıxış edən qapıçı Matvey Safonovun transferi üçün danışıqlara başlayıb.
“Report” yerli mətbuata istinadən xəbər verir ki, mümkün sövdələşmənin təfərrüatları hələlik açıqlanmayıb.
Paris klubu daha əvvəl rusiyalı qolkiperi almağı “sarı-qırmızılar”a təklif edib.
Qeyd edək ki, Matvey Safonov 2024-cü ilin iyulunda PSJ-yə keçib. O, komandanın heyətində Çempionlar Liqası, Liqa 1, Fransa Kuboku və Superkubokunda qızıl mükafat əldə edib.