Category: Maraqlı

“Alkoqolun təhlükəsiz dozası yoxdur, lakin “nisbətən təhlükəsiz” dozalarını hesablamaq lazımdır”.

Bu barədə rusiyalı psixiatr və narkoloq Ruslan İsayev Gazeta.ru-ya müsahibəsində danışıb.

O bildirib ki, əgər insan alkoqol içməyə qərar verərsə, bunu ən azından minimal zərərlə necə edəcəyini bilməlidir. İsayevin sözlərinə görə, alkoqolun standart dozasına – 10 qram təmiz etanola diqqət yetirmək lazımdır.

“Bu, təxminən 100 ml quru şərab (12%), 250 ml pivə (4-5%), 30 ml tünd alkoqollu içkidir (araq, viski, konyak – 40%). Gün ərzində kişi üçün iki standart dozanı və qadın üçün bir dozanı aşmamaq tövsiyə olunur. Üstəlik, bu, hər gün olmamalıdır. Lakin hətta belə miqdarlar da təhlükəsizliyə zəmanət vermir, bu, sadəcə daha az risk deməkdir. Yavaş-yavaş için, içməmişdən əvvəl və içdiyiniz zamanı qida qəbul edin, şirin və qazlı qarışıqlardan çəkinin, çünki onlar spirtin udulmasını sürətləndirir”, – deyə həkim qeyd edib.

“Əvvəllər tətbiq olunan yanaşmada “nisbətən təhlükəsiz” dozaların hesablanmasına çalışılırdı. Məsələn, gündə 10 qram təmiz spirt (təxminən 100 ml şərab və ya 250 ml pivəyə bərabərdir) məqbul hesab olunurdu. Ancaq bu tövsiyələr bu cür dozaların zərərsiz olmasına deyil, sadəcə fəsad risklərinin bu zaman daha az olmasına əsaslanırdı. Hazırda bu yanaşma köhnəlmiş hesab olunur: çoxsaylı meta-analizlər göstərib ki, hətta alkoqolun minimal dozaları belə patoloji proseslərə gətirib çıxara bilər. Buna görə müasir tibbdə “təhlükəsiz” istifadə haqqında deyil, zərərin azaldılması haqqında danışırlar”, – deyə Ruslan İsayev qeyd edib.

Avropada yay aylarında bəzi məşhur turizm istiqamətləri həddindən artıq turist axını və yüksək qiymətlər səbəbilə artıq cəlbedici deyil. Lakin hələ də sakitlik axtaranlar üçün kütlədən uzaq, az tanınsa da təbii gözəlliyi ilə seçilən kurortlar mövcuddur.

Tanınmış turizm platforması “Europe’s Best Destinations” Avropada həddindən artıq turizmdən hələ təsirlənməyən, ən yaxşı 13 sahilyanı kurortun siyahısını təqdim edib.

Reytinqə Portuqaliyanın cənubundakı turizm bölgəsi olan Alqarvedə yerləşən Kosta-Visentina (Costa Vicentina) regionu başçılıq edir. Məlumatda bildirilir ki, Portuqaliyanın cənub-qərbində yerləşən Kosta-Visentina dramatik qayalıqları, tənha çimərlikləri və toxunulmamış təbiəti ilə tanınır. Təbii parkın bir hissəsi olan bu bölgə sörfçülər, təbiətsevərlər və piyada gəzinti həvəskarları üçün əsl cənnətdir.

Ziyarətçilər burada Rota Vicentina adlanan mənzərəli yürüş marşrutlarını kəşf edə, Praia da Amoreira kimi sakit çimərliklərdə dincələ və yerli restoranlarda təzə dəniz məhsullarından dada bilərlər. Müəlliflərin qeyd etdiyinə görə, Kosta-Visentina macəra və istirahət arasında ideal balans təklif edir.

Avropada izdihamdan uzaq 13 ən yaxşı sahil kurortu:

1. Kosta-Visentina, Alqarve, Portuqaliya
2. San-Migel adası, Azor adaları, Portuqaliya
3. Sivota, Yunanıstan
4. Marina-di-Kamerota, İtaliya
5. Tsasteni, Yunanıstan
6. Formentera, Balear adaları, İspaniya
7. Korçula, Xorvatiya
8. La Qomera, Kanar adaları, İspaniya
9. Egq adası, Şotlandiya, Böyük Britaniya
10. Xora, Alonis adası, Yunanıstan
11. Çefalu, Siciliya, İtaliya
12. Karpatos adası, Yunanıstan
13. Mall adası, Şotlandiya, Birləşmiş Krallıq
//qaynar.az

12 bürc arasında saxtalıqdan uzaq, olduğu kimi davranan və güvən aşılayan 4 bürc var. Maskasız, səmimi yaşayan bu realist bürclərdən etibarlı dostlar çıxır.

Median.Az xəbər verir ki, onlarla qurulan dostluqlar, həyatınızın ən dəyərli və güvənli bağlarından biri ola bilər.

Bugün dünyada səmimiyyət və dürüstlük hər zamankindən daha qiymətli olub. Bəziləri mühitə uyğun maskalar taxsa da, bəziləri daim təbii və olduğu kimi davranaraq fərqlənir.
Astrologiyada da belə, saxtalıqdan uzaq və güvən verən 4 əsas bürc göstərilir. Budur, o ən realist 4 bürc:

Oğlaq

Torpaq ünsürünün dürüst, məsuliyyətli və möhkəm təmsilçisi Oğlaq bürcləri gerçəkçiliyi ilə tanınır. Hisslərin təsiri ilə deyil, məntiqlə qərar verir. Nə düşünürsə açıq söyləyir, sözü fırlatmır və bu düz danışığı ilə güvən qazanır. Oğlaq dostunuz varsa, ondan hər zaman dürüst fikir və realist baxış əldə edəcəyinizə əmin ola bilərsiniz.

Qız

Torpaq ünsürünün diqqətli, analizçi və mükəmməllikçi simvolu olan Qız bürcləri detallara verdiyi önəm sayəsində hadisələri olduğu kimi görür. Hisslərə aldanmaz, məntiqli nəticələr çıxarır və ətrafına qarşı dürüst olmağa çalışar. Saxta davranışlara dözə bilməz, həmişə səmimi və ürəkdən ünsiyyət qurur. Qız dostunuz sizə daim gerçəkləri söyləyəcək və ağıllı tövsiyələr verəcək.

Oxatan

Od ünsürünün azad ruhlu, açıq sözlü və dürüst nümayəndəsi olan Oxatan bürcləri, içindən keçəni çəkinmədən deyər. Nə fikirləşirsə, onu açıq ifadə edər, saxtalıqdan uzaqdır. Nikbin və şən təbiəti ilə ətrafa müsbət enerji saçır. Oxatan dostunuzla yanınızda olmaq həmişə rahatdır, çünki onun səmimiyyətinə arxalana bilərsiniz.

Dolça

Hava ünsürünün orijinal, idealist və müstəqil təmsilçisi olan Dolça bürcləri, cəmiyyət qaydalarına çox da əhəmiyyət vermir. Öz prinsiplərinə uyğun yaşayıb və saxta davranışlardan uzaq dururlar. Dürüstlük və səmimiyyət onlar üçün əsas dəyərlərdir. Dolça dostunuz sizə fərqli baxış bucağı təqdim edir və sizi olduğunuz kimi qəbul edir. Onun yanında heç vaxt özünüzü dəyişməyə ehtiyac duymazsınız.

Keçmiş sevgilini unutmaq səkkiz il vaxt aparır.

Bu barədə “Social Psychological and Personality Science” nəşrində dərc edilmiş araşdırmada qeyd olunur.

İnsanın keçmiş sevgilisinə olan bağlılıqdan tamamilə vaz keçməsi üçün nə qədər vaxt tələb olunduğunu öyrənmək məqsədilə aparılan araşdırmaya 300-dən çox insan cəlb edilib.

Tədqiqatın nəticələrinə görə, iştirakçıların keçmiş sevgililərinə bağlılığı orta hesabla 4.18 ildən sonra iki dəfə azalır. Başqa sözlə, keçmiş sevgilini tamamilə unutmaq təxminən səkkiz il çəkə bilər.

Əksər hallarda bu səkkizillik müddət əsasən iki amillə bağlı olur: bağlılıq tərzi və keçmiş sevgili ilə davamlı ünsiyyət.

Böyük Britaniyanın Aston Universitetinin Optometriya Məktəbinin alimlərinin apardığı yeni araşdırma gənclərin böyük əksəriyyətində quru göz sindromu (göz quruluğu) əlamətlərinin olduğunu ortaya çıxarıb.

Median.Az-ın Gazeta.ru-ya istinadən xəbərinə görə, bununla bağlı işin nəticələri nüfuzlu “The Ocular Surface” (TOS) jurnalında dərc olunub.

Qeyd edilib ki, nəticələr mütəxəssislərin ciddi narahatlığına səbəb olub.

Məlumata görə, araşdırmada 18-25 yaşlarında 50 könüllü iştirak edib. İştirakçılar öz göz sağlamlıqları haqqında məlumatları bölüşüb və gözyaşı mayesinin nümunələrini laboratoriya analizləri üçün təqdim ediblər. Şokedici nəticələr göstərib ki, araşdırmada iştirak edənlərin 56%-ində tam quru göz sindromu aşkarlanıb, gənclərin 90%-ində isə bu xəstəliyin ən azı bir əlaməti ortaya çıxıb.

Üstəlik, tədqiqat iştirakçılarının yarısında meibomiya vəzilərinin ən azı dörddəbirinin itirilməsi halı müəyyən edilib. Bu xüsusi struktur gözyaşı plyonkasının qoruyucu təbəqəsinin əmələ gəlməsini təmin edir. Bu baryer olmadan gözlər xarici qıcıqlandırıcılara və infeksiyalara qarşı həssas olur.

Quru göz sindromu, gözyaşı kifayət qədər ifraz olunmadıqda və ya gözyaşının tərkibi pozulduqda əmələ gəlir. Bu da qaşınma, yanma, gözlərdə qızartı, fotofobiya (işıqdan qorxma) və bulanıq görmə kimi xoşagəlməz simptomlar seriyasının yaranmasına gətirib çıxarır. Kontakt linzalardan istifadə edənlər və elektron cihazların ekranları qarşısında çox vaxt keçirənlər xüsusilə risk altındadırlar. Tədqiqatçıların müəyyən etdiyi kimi, iştirakçılar orta hesabla gündə səkkiz saat qadcetlərdən istifadə ediblər ki, bu da görmə aparatına böyük yükdür.

Könüllülərin bir il sonra təkrar müayinəsi onların bir çoxunun vəziyyətinin pisləşdiyini göstərib. Alimlər xəstəliyin erkən diaqnozunun və profilaktikasının vacibliyini vurğulayırlar. Kompüter arxasında iş zamanı müntəzəm olaraq fasilələr edilməsi, göz qırpmaq üçün məşqlər edilməsi, su balansının saxlanılması, yuxu rejiminə riayət edilməsi və omeqa-3 yağ turşuları ilə zəngin olan diyetə əməl edilməsi quru göz sindromunun inkişaf riskini əhəmiyyətli dərəcədə azalda bilər.

Gələcəkdə tədqiqatçılar xəstəliyin başlanğıcını və göz sağlamlığının qorunmasında qidalanmanın rolunu göstərən biomarkerləri öyrənməyi planlaşdırırlar.
//oxu.az

Bu həftə pul və maddi rifah məsələlərində bəzi əlamətlər üçün xüsusilə uğurlu olacaq. 

Median.Az-ın məlumatına görə, maliyyə uğuru gəlirli təkliflər, gözlənilməz gəlir, artan gəlir və ya uğurlu sövdələşmələr vasitəsilə özünü göstərə bilər.

Buğa
Bu həftə öz qabiliyyətlərinizdə və seçdiyiniz yolda əminlik hiss edəcəksiniz. Səyləriniz və ya uğurlu investisiyanız hesabına gəlirdə artım ola bilər. Vəziyyətlər elə inkişaf edəcək ki, maliyyə işləriniz güclənməyə başlayacaq. Praktik yanaşmanız və səbriniz əla nəticələr verəcəkdir.

Xərçəng
Maliyyə şansı sizə kənar dəstək və ya gözlənilməz bonus vasitəsilə gələ bilər. Kollektiv layihələr və ya köhnə tanışların köməyi xüsusilə uğurlu olacaq. Emosional intuisiyanız sizə maksimum fayda əldə etmək üçün səylərinizi hara cəmləyəcəyinizi söyləyəcək.

Tərəzi
Sizin üçün həftə sərfəli müqavilələr, uğurlu sövdələşmələr və ya layiqli əməkhaqqı gətirən işlərin həcminin artması vəd edir. Balans tapmaq və düzgün razılaşmalar etmək bacarığınız həlledici rol oynayacaq. Yeni imkanlara açıq olun – onlar gözlənilməz mənbələrdən gələ bilər.

Oğlaq
İntizamınız və strateji düşüncəniz bu həftə yaxşı nəticə verəcək. Karyeranızda əhəmiyyətli irəliləyiş və ya maliyyə vəziyyətinizi gücləndirəcək layihənin başa çatması mümkündür. İndi möhkəmlik və başladığınız işi başa çatdırmaq qabiliyyətini nümayiş etdirmək vaxtıdır. /lent.az

Bu həftə pul və maddi rifah məsələlərində bəzi əlamətlər üçün xüsusilə uğurlu olacaq. 

Median.Az-ın məlumatına görə, maliyyə uğuru gəlirli təkliflər, gözlənilməz gəlir, artan gəlir və ya uğurlu sövdələşmələr vasitəsilə özünü göstərə bilər.

Buğa
Bu həftə öz qabiliyyətlərinizdə və seçdiyiniz yolda əminlik hiss edəcəksiniz. Səyləriniz və ya uğurlu investisiyanız hesabına gəlirdə artım ola bilər. Vəziyyətlər elə inkişaf edəcək ki, maliyyə işləriniz güclənməyə başlayacaq. Praktik yanaşmanız və səbriniz əla nəticələr verəcəkdir.

Xərçəng
Maliyyə şansı sizə kənar dəstək və ya gözlənilməz bonus vasitəsilə gələ bilər. Kollektiv layihələr və ya köhnə tanışların köməyi xüsusilə uğurlu olacaq. Emosional intuisiyanız sizə maksimum fayda əldə etmək üçün səylərinizi hara cəmləyəcəyinizi söyləyəcək.

Tərəzi
Sizin üçün həftə sərfəli müqavilələr, uğurlu sövdələşmələr və ya layiqli əməkhaqqı gətirən işlərin həcminin artması vəd edir. Balans tapmaq və düzgün razılaşmalar etmək bacarığınız həlledici rol oynayacaq. Yeni imkanlara açıq olun – onlar gözlənilməz mənbələrdən gələ bilər.

Oğlaq
İntizamınız və strateji düşüncəniz bu həftə yaxşı nəticə verəcək. Karyeranızda əhəmiyyətli irəliləyiş və ya maliyyə vəziyyətinizi gücləndirəcək layihənin başa çatması mümkündür. İndi möhkəmlik və başladığınız işi başa çatdırmaq qabiliyyətini nümayiş etdirmək vaxtıdır. /lent.az

Göz altında qaralar yuxusuzluqdan genetik faktorlara qədər bir çox səbəbə görə yarana bilər.

Median.Az xəbər verir ki, üzdəki yorğunluq və stressin ən bariz əlaməti halına gələn göz altındakı qaralar həm estetik narahatlıq yaradır, həm də bəzi əsas sağlamlıq problemlərinin əlaməti ola bilər.

Səbəbləri

Genetik faktorlar: Göz altındakı qaraların səbəblərindən biri genetik faktordur.
Yuxusuzluq və yorğunluq: Kifayət qədər yuxu almamaq qan dövranına mənfi təsir edərək göz ətrafında qara dairələrin əmələ gəlməsinə səbəb olur.
Allergiyalar: Allergik reaksiyalar göz ətrafındakı damarların genişlənməsinə və rənginin dəyişməsinə səbəb olur.

Yaşlanma: Dəri nazikləşdikcə damarlar daha çox görünür və qançırlar daha qabarıq görünür.
Dəmir çatışmazlığı və qan azlığı: Kifayət qədər oksigen daşıya bilməyən toxumalar göz altında qara görünüşlərə səbəb ola bilər.

Göz altındakı qaralara qarşı nə etmək olar?

Yetərli yuxu: Hər gün 7-8 saat keyfiyyətli yuxu qaraları azaltmaqda təsirli olur.

Soyuq kompres: Göz ətrafına tətbiq olunan soyuq kompreslər damarları daralda və görünüşünü yüngülləşdirə bilər.

Qidalanma dəstəyi: Dəmir, B12 və C vitamini ilə zəngin bir pəhriz tətbiq edilməlidir.
Göz kremləri: Tərkibində retinol, C vitamini və kofein olan məhsullar müntəzəm istifadə edildikdə müsbət nəticə verə bilər.

Tibbi üsullar: Dermatoloqlar tərəfindən tətbiq olunan işıq dolgusu, lazer və PRP kimi üsullar qalıcı qara dairələr üçün qiymətləndirilə bilər.
Həkimə nə vaxt müraciət etməli?

Göz altındakı qara dairələr birdən ortaya çıxarsa, şişkinlik və ya ağrı varsa, digər sağlamlıq problemləri ilə birlikdə görünürsə, bir mütəxəssisə müraciət etmək vacibdir. Çünki bu, allergiya, hormonal pozğunluqların və ya qan dövranı sisteminin xəstəliklərinin əlaməti ola bilər. ( Medicina.az)

Alimlər müəyyən ediblər ki, müasir neyron şəbəkələri videoda – hətta qısa üç saniyəlik səhnələrdə belə sosial qarşılıqlı əlaqəni başa düşməkdə insanlardan geri qalır.

Bu barədə Cons Hopkins Universitetindən məlumat verilib.

Təcrübədə iştirakçılara insanların qarşılıqlı əlaqədə olması, bir-birinin yanında hərəkətlər etməsi və ya müstəqil hərəkət etməsini əks etdirən qısa videolar nümayiş etdirilib. Könüllülər baş verənləri müxtəlif sosial xüsusiyyətlərə görə qiymətləndiriblər. Eyni tapşırıqlar daha sonra 350-dən çox dil, video və qrafik süni intellekt modellərinə təqdim edilib.

Məlum olub ki, insanlar demək olar həmişə baş verənləri eyni cür interpretasiya ediblər, süni intellekt isə yox. Video modellər insanların hərəkətlərini dəqiq təsvir edə bilməyib. Hətta bir sıra kadrları təhlil edən ən yaxşı görüntü modelləri belə insanların bir-biri ilə əlaqədə olub-olmadığını müəyyən etməkdə çətinlik çəkiblər. Dil modelləri insan davranışını proqnozlaşdırmaqda daha yaxşı nəticə göstəriblər, video modellər isə beynin hadisəyə reaksiyasını. Lakin heç bir model insan səviyyəsində dərk etmə qabiliyyətinə yaxınlaşa bilməyib.

“Avtonom avtomobil idarə edən süni intellekt piyadaların və digər sürücülərin niyyətlərini və hərəkətlərini başa düşməlidir. Məsələn, piyada küçəni keçmək istəyir, yoxsa sadəcə səkidə kimsə ilə danışır? Hazırda süni intellekt bunun öhdəsindən gələ bilmir”, – deyə koqnitiv elmlər üzrə dosent və tədqiqatın aparıcı müəllifi Leyla İsik bildirib.

Alimlər hesab edirlər ki, problemin kökü neyron şəbəkələrinin strukturundadır: onlar beynin statik təsvirləri tanımaq üçün məsul olan sahəsinin strukturundan ilham alırlar, halbuki dinamik sosial səhnələrin qavranılmasına beynin digər hissəsi cavabdehdir.

“Süni intellekt şəkillərdə üzləri və obyektləri görməyi öyrənib ki, bu da böyük bir addımdır. Lakin real həyat şəkillər toplusu deyil. O, zaman müstəvisində baş verir, kontekst və dinamikanın başa düşülməsini tələb edir”, – deyə tədqiqatın həmmüəllifi Keti Qarsiya qeyd edib.

Müalicəvi aclığın getdikcə populyarlaşmasına baxmayaraq, elmi araşdırmalar onun sağlamlıq üçün faydalarını təsdiqləmir, eyni zamanda, bununla bağlı ciddi risklərin olduğu bildirilir.

Bu barədə gazeta.ru saytına müsahibəsində rusiyalı endokrinoloq, diyetoloq, tibb elmləri namizədi Oksana Mixalyova danışıb.

Mütəxəssisin fikrincə, aclıq qısamüddətli (üç gündən az müddətə kalorilərin tam məhdudlaşdırılması) və ya uzunmüddətli (dörd gündən çox) ola bilər. Bəzi tədqiqatlar aclığın bədən kütləsinin 2-10% azalması, qlükoza və insulin səviyyələrinin yaxşılaşması kimi müsbət təsirlərini qeyd etsə də, bu dəyişikliklər qısamüddətli olub və sağlamlığa əhəmiyyətli fayda verməyib.

“Problem ondadır ki, aclıq zamanı təkcə yağ deyil, həm də əzələ kütləsi itirilir, sonuncu isə ümumi çəki itkisinin təxminən üçdə ikisini təşkil edir. Sarkopeniya (əzələ kütləsinin itirilməsi) osteoporoz, sarkopenik piylənmə, insulin müqaviməti və digər təhlükəli vəziyyətlərin inkişafına səbəb ola bilər. 50 yaşdan sonra itirilmiş əzələ kütləsini bərpa etmək, demək olar ki, mümkün deyil”, – deyə Mixalyova xəbərdarlıq edib.

Bundan əlavə, aclıq zamanı metabolik asidoz və ya ketozun inkişafı ola bilər ki, bu zaman orqanizm enerjini zəhərli keton cisimlərindən almağa çalışır. Bu, mədə-bağırsaq pozğunluğuna, ishal, qarın, baş ağrılarına səbəb ola, beyinə mənfi təsir göstərə, idrak funksiyalarının pisləşməsinə, apatiya və depressiyaya səbəb ola bilər. Həmçinin, infeksion xəstəliklərə yoluxma riski də artır.

Xroniki xəstəliyi olan şəxslərə, uşaqlara və qocalara ac qalmaq olmaz. Susuzlaşma və zülal çatışmazlığı səbəbindən aclığın ikinci həftəsinin sonunda dərin venaların tromboemboliyası kimi ciddi fəsadlara da rast gəlinir.

“Detoks üçün ac qalan insanlar əslində yalnız sağlamlıqlarına zərər verirlər. Faydalı maddələrin ehtiyatları tez tükənir, oksidativ stres artır, müxtəlif xəstəliklərin yaranma riski artır. Bədənin bütün gücü həyat fəaliyyətinin qorunub saxlanmasına sərf edildiyi üçün detoksifikasiya prosesi pozulur”, – deyə o vurğulayıb.