Category: Maraqlı

Səhərlər idmanla məşğul olmaq 2-ci tip diabet və ürək-damar xəstəliklərinin inkişaf riskini azaldır.

Median.Az medicina.az-a istinadən bildirir ki, mütəxəssislər səhər yeməyindən əvvəl ikiqat yağ əritmək üçün məşq etməyi məsləhət görürlər, çünki bu vəziyyətdə bədənin insulinə reaksiyası yaxşılaşır.

Alimlər bunu müəyyən etmək üçün araşdırma aparıb. Altı həftə davam edən tədqiqatda artıq çəkili 30 kişi iştirak edib. Tədqiqatların sonunda mütəxəssislər qan şəkərinə nəzarət edilə biləcəyini müəyyənləşdirə biliblər. Onların fikrincə, bunu etmək üçün yalnız yemək və idman oynamaq vaxtını dəyişdirməlisiniz. Qeyd edilib ki, bir insan bütün gecə yemək yemirsə, səhər bədən ən böyük yağ tədarükünü istifadə edə bilər. Mütəxəssislər həmçinin boş mədə ilə fiziki fəaliyyətin ümumi sağlamlığı əhəmiyyətli dərəcədə yaxşılaşdırdığını qeyd edirlər. Bu rejimlə bədən insulinə daha yaxşı cavab verir, bu da 2-ci tip diabet və ürək xəstəliyi riskini azaldır. Qeyd edək ki, ancaq bu günə qədər bu tədqiqatlar yalnız kişilər üzərində aparılıb. Bu rejimin qadınlar üçün nə qədər təsirli olduğunu elm adamları hələ dəqiqləşdirməyib.

Bundan əlavə, səhər idmanı diqqət dağınıqlığının qarşısını alır. Səhər saatlarında edilən qaçış zamanı bədənin gücü artır. Sinir sistemi yaxşı çalışdığından diqqət əksikliyi kimi problemlər effektli şəkildə düzəlir. Yuxu rejimini normala salır. Çünki sürətlənən maddələr mübadiləsindən sonra vücud normadan çox çalışır bu isə vücudun yorulmasına səbəb olur.

Hazırda yapon xurması deyilən xurma mövsümüdür. Onun cana faydaları sonsuzdur. Ona görə insanlar bol-bol yeməyə çalışır.
Median.Az medicina.az-a istinadən bildirir ki, həkimlər bu xurmanı çox yeməyin ciddi fəsad yaradıb, hətta əməliyyata səbəb olması barədə xəbərdarlıq edib.

Belə ki, bu ilin fevralında Moskvada bir kişi çox xurma yeməsi səbəbindəm bağırsağından təcili əməliyyat olunub. Yaşlı kişi o qədər xurma yeyib ki, mədəsində fitobezoar adlı yad kütlə əmələ gəlib. Xurmada olan liflər həll olmayaraq mədədə qalaraq yığılmış, nazik bağırsaqdan keçə bilməmişdi. Kişidə dəhşətli ağrı, bağırsaq keçməməzliyi, mədədə ağırlıq yaranmışdı.
Eyni hal 2 xəstədə də təkrarlanıb.

Səbəb nədir?

Xurmada çox sayda kobud bitki lifləri və taninlər vardır. Onlar yığıcı, büzücü xassəlidir. Mədənin turş mühitində o polimerizasiya olunur və gel formasında kütlə əmələ gəlir.

Fibezoarlar adətən mədədə mey-tərəvəz liflərindən, sellülozadan, toxum, tum, qabıqlardan yaranır.
Bir fibezoarın yaranması üçün 3 ildən 10 ilə kimi vaxt tələb olunur.

Hələ tam yetişməmiş, ağız büzən sarı xurmada daha çox lif olduğu üçün risk də yüksəkdir. Xüsusilə azyaşlı uşaqların mədə-bağırsağı üçün təhlükəlidir.

Böyük insan gündə 120 qramdan artıq xurma yeməməlidir. Gecə isə xurma yemək olmaz. Uşaqlara isə bir dilim yetişmiş xurma kifayətdir.

Amerikalı qadın Helen Fritiçin 62 yaşı olduğuna heç kim inanmır. Üstəlik o, 5 il əvvəl qan xərçəngi xəstəliyinə yoluxmuşdu.

Median.Az axşam.az-a istinadən bildirir ki, Helen sağlam həyat tərzini seçməklə bütün xəstəliklərindən qurtulub. O, bütün problemlərin insanın beynində yarandığı qənaətindədir.

“Nə qədər pozitiv olmağa köklənsək, bir o qədər xoşbəxt hiss edərik. Hazırda həyatımın ən gözəl illərini yaşayıram” deyən qadın, hər keçən gün daha gənc hiss etdiyini söyləyib.

Barselonada (İspanya) doğum evində eyni zamanda 7 tibb bacısı uşağa qaldı.

“Lenta.ru” xəbər verir ki, qadınlardan ən yaşlısının 47, ən cavanınınsa 31 yaşı var.

Tibb bacılarının yeddisi də xəstəxananın eyni bölümündə, təzəcə doğulmuş uşaqların müalicəsi şöbəsində işləyirlər.

“Hərdən çətin olur. Biz 24, 25 həftəsində doğulmuş uşaqları müalicə edirik. Və onlar bətnində daşıdığın uşaqdan da kiçikdirlər. Bu zaman onun anasına dəstək vermək lazım gəlir”, – tibb bacılarından biri bunları deyib.

Dünyaya Daun sindromu olaraq gözlərini açan, həkimlərin ”heç nə edə bilməz” dedikləri Madelina model olub.

Median.Az xəbər verir ki, Madelina adlı Daun sindromlu qız doğulanda həkimlər 25 yaşındakı anasına ”uşağınız heç vaxt balaca uşaq zəkasından çıxa bilməyəcək” deyiblər.

Belə ki, həkimlərin həmin sözündən 22 il sonra dünyada ilk Daun sindromlu model olub.

Anasının dediyinə görə Madelina özünü inkişaf etdirməyi heç vaxt dayandırmayıb.

Onun sadəcə danışığında qüsur var, qalan hər şeyi asanlıqla bacarır.

Madelina ”İnstagram” hesabında paylaşdığı şəkilləri ilə bir çox Daun sendromlu insanlara ümid yeri olub.//ölkə.az

Yəqin ki, bu məlumat çoxunuz üçün yeni olacaq. Hər bir insanın üzündə “ölüm üçbucağı” yerləşir. Məhz bu üçbucağa daxil olan hissələr infeksiya və virusların orqanizmə daxil olan qapısıdır.

Median.Az medicina.az-a istinadən bildirir ki, bu təhlükəli üçbucağa burun, burunətrafı hissə və dodaqlar daxildir.
Üzün məhz bu hissəsi ən çox damarların yerləşdiyi nahiyədir, hansı ki, bu damarların hər biri xüsusi klapanla təchiz olunub.

Əgər bu üçbucaq nahiyəni hansısa infeksiya keçə bilirsə, o, baş və beyinə daha tez çatır, bu zaman xəstə ölümə yaxınlaşır.
Dermatoloqlar bildirir ki, bu hissəyə çirkli əllərlə toxunmaq, ovuşdurmaq olmaz.

Məhz bu hissədə burunun ucu qara nöqtələrlə dolur və furunkul yaranır.
Furunkul piy vəzilərinin tutulması səbəbindən iltihablaşması deməkdir. Dəri altında yayılan iltihab və irin yol tapıb çıxa bilmir.

Furunkulyoz dermatologiyada ən təhlükəli problemdir.

Əgər furunkul yaranıbsa, onu deşmək, iynə ilə açmaq, sıxmaq qəti qadağandır.
Burun ucundakı iri qara nöqtələr isə kamedonlar adlanır.

Bu nahiyənin piy vəzilərinin tutulmasının, məsamələrinin çirklənməsinə yol vermək olmaz.

Burunda tüklər təhlükəni azaldır.

Çox adam bu tükləri bir yol tapıb epilyasiya edir. Amma burun içi tüklər hava filtridir. Mütəxəssislər bu tüklərin qoparılmasının, pinsetlə dartılmasının əleyhinədir, bu zaman da infeksiya keçə bilər.

Hətta sabun olmadan belə 4 dəqiqəlik əl yumaq – Qrip-A (influenza) infeksiyası zamanı bir çox dezinfektandan daha effektivdir.

Median.Az Publika.az-a istinadən xəbər verir ki, ovuc içindəki qrip virusunu yox etmək üçün onları sabunlamaq və ya antiseptik vasitədən istifadə etmək yetərli deyil. Araşdırmanın nəticələrinə görə, özünü yoluxucu infeksiyalardan qorumaq üçün əlləri ən az dörd dəqiqə sabunla, ya da antiseptik vasitələrlə təmizləmək lazımdır.

Məlum olub ki, demə, əllərimizi düz yumurmuşuq. Bu, Kioto Tibb Universitetinin alimləri tərəfindən müəyyən edilib. Könüllülər arasında aparılan tədqiqatda iştirakçılara A qripi və digər kəskin respirator infeksiyalara yoluxmuş insanlardan toplanan xüsusi selik verilib. Sonra əlləri antiseptiklə silməyi təklif ediblər. Növbəti mərhələdə ovucların təmizliyi yoxlanılıb. Məlum olub ki, antiseptik zərərli virusların heç birini öldürmür!

“Daha sonra əllərin antiseptiklə silinməsi prosesi uzadılıb, hətta 2 dəqiqəlik silinmə də virusları təmizləmək üçün kifayət etməyib”, – deyə təcrübə müəlliflərindən biri Rehea Hirose açıqlamasında qeyd edib.

Tədqiqatın nəticələri göstərib ki, yoluxucu xəstəliklərdən qorunmaq üçün əlləri sabunla yumalı və ya antiseptiklə ən azı dörd dəqiqə silməlisiniz! Əks təqdirdə, bütün prosedur faydasız olacaq.

Digər mütəxəssislərin fikrincə, hər şey eksperimentin xüsusiyyətlərindən asılıdır. Yaponiyada aparılan başqa bir araşdırmada, iştirakçıların barmaq uclarına müxtəlif mikroorqanizmlərin inkişaf etməsi üçün münbit şərait yaradan yaş selik tətbiq ediblər. Adi həyatda, əllərimizdə selik quruyur, bakteriyaların bir hissəsi ölür və bu vəziyyətdə antiseptiklər daha yaxşı işləyir. Ancaq asqırsanız və ya səhvən başqasının dəsmalını alsanız, tədqiqatçılar dərhal əllərinizi yumağı və qurumasını gözləməməyi məsləhət görür.

Əlləri necə yumaq olar:

1. Əllərinizi axan su ilə isladın, sabun tətbiq edin və yaxşıca köpükləndirin.

2. Ovuc və əlin üstünü yaxşıca silin.

3. Hər barmağınızı ovuşdurun. Baş barmağın arasındakı boşluğa xüsusi diqqət yetirin.

4. Əllərinizi axan su altında yuyun.

5. Təmiz bir dəsmal və ya hava ilə qurudun.

Kiberhücuma nə zaman məruz qalacağımızı öncədən bilmək mümkün deyil, lakin ekspertlərin sözlərinə əsasən, bir neçə sadə yolla bu təhlükəni azaltmaq olar.

Beləliklə, aşağıdakı əsas qaydalara riayət etməklə, özünüzü kiberhücumlardan sığortalamış olarsınız:

Parolu tez-tez dəyişin
Ekspertlər qeyd edirlər ki, hakerlər əvvəlki sızmalar hesabına onlayn məlumat bazalarında bir çox istifadəçi adı və şifrələri haqqında məlumat toplayır.

Hətta istifadəçi adı (“log in”) və parolun yalnız bircə uyğunluğu olduğu halda belə, hakerlər sizin eyni zamanda bir neçə saytınızı sındırmağa çalışacaqlar. Belə ki, onlar düşünürlər ki, əgər bir uyğunluq varsa, demək, istifadəçi hər platforma üçün ayrıca “log in” və parol düşünməyəcək, bir neçə saytda eynisini tətbiq edəcək.

Əgər siz müxtəlif platformalarda fərqli “log in” və parollardan istifadə edirsinizsə, bu riski xeyli azaldacaq.

Müxtəlif saytlar üçün eyni yoxlama suallarından istifadə etməyin

Əvvəlki bənddəki prinsipdən çıxış edərək, müxtəlif platformalar üçün eyni yoxlama suallarından istifadə etmək lazım deyil, çünki hakerlər mütləq bu məlumatlardan istifadə edəcəklər.

Eyni yoxlama suallarından istifadə etdiyiniz təqdirdə, hakerlər sizin bütün hesablarınızı çox asanlıqla sındıra biləcəklər.

Hakerlərdən özünüzü qorumaq üçün yoxlama suallarında saxta məlumat istifadə edin

Standart yoxlama suallarında, adətən, ananızın qızlıq soyadı, uşaqlıqda yaşadığınız küçənin adı və s. bu kimi şəxsi məlumatlar soruşulur.

Lakin ekspertlər bu tip suallara düzgün cavab verməməyi məsləhət görürlər.

Bunun əvəzinə, onlar saxta və ya məzəli məlumatlardan istifadə etməyi məsləhət görürlər, belə ki, bu halda hakerlər düzgün cavab tapa bilməyəcəklər.

Parol dispetçerindən istifadə etməyə başlayın

Ekspertlər çox vaxt müxtəlif parolları idarə etmək üçün fərqli “Keypass” tipli həllərdən istifadə etməyi məsləhət görürlər.

Parollar dispeçeri uzun və mürəkkəb parol yarada və onları avtomatik olaraq müxtəlif saytlarda saxlaya bilir.

Bu, hesablarınızın dağıdılmasını, demək olar, qeyri-mümkün edir.

Sosial şəbəkələrdə şəxsi məlumatlar saxlamayın

Hakerlərin sosial media hesablarınızdan öyrənə biləcəyi məlumatlarla ehtiyatlı olun, bu məlumatı parol bərpa etmək üçün istifadə edirsinizsə, ələlxüsus diqqətli olun.
Heyvanların ləqəbləri, uşaqların doğum günləri, sevdiyiniz idman növlərinin adı, bal ayını keçirdiyiniz yer – bütün bu tip məlumatlarla ehtiyat olmaq lazımdır.

Harada olursunuzsa olun, çoxfaktorlu yoxlamadan istifadə edin

Hakerlərdən özünü qorumağın ən etibarlı yollardan biri identikliyin çoxfaktorlu yoxlanışından, yaxud telefona və ya tətbiqə göndərilən SMS kodu ilə yoxlamadan istifadə etməkdir.

Qədim dövrlərdən yaponlar qeyri-ənənəvi müalicə metodlarından istifadə edirlər.
Median.Az xəbər verir ki, bu müalicə üsulu barmaqlardakı müəyyən yerləri stimullaşdıraraq emosional tarazlığı bərpa etməyə kömək edir. Yaponlar, hər barmağın bədənin iki orqanı ilə əlaqəli olduğuna əmindirlər.

Yapon üsuluna görə, müəyyən bir orqanı yaxşılaşdırmaq üçün müvafiq barmağından tutub 3-5 dəqiqə masaj hərəkətləri ilə möhkəm bir şəkildə sıxmaq lazımdır. Bu vəziyyətdə dərindən nəfəs almaq çox vacibdir. Sonra bütün barmaqlarını bu üsulla 3 dəqiqə masaj edin.

Kiçik barmağın ürək, nazik bağırsaq və bədənin sümük sistemi ilə əlaqəsi var. Duyğular- özünə inamsızlıq narahatçılıqdır.

Adsız barmağı qalın bağırsaq, ağciyər və dərinin vəziyyətinə təsir göstərir. Duyğular qorxu, kədərdir.

Orta barmaq qan damarlarının, qaraciyərin və öd kisəsinin işi ilə əlaqələndirilir. Duyğular – qəzəb, əsəbilik.

Şəhadət barmağının sidik kisəsi, böyrəklər və əzələlərlə əlaqəsi var. Duyğuları- qorxudur.

Baş barmağın dalaq və mədə ilə əlaqəsi var. Məsul olduğu duyğular narahatlıq və depressiyadır.

Sağlamlıq üçün şəxsi gigiyenaya riayət etmək önəmlidir. Bu məqsədlə müxtəlif vasitələrdən istifadə olunur. Bəzən isə normadan artıq təmizlik xəstəlik dərəcəsinə qədər gətirib çıxardır. Bu həm psixoloji həm də müxtəlif xəstəlik ola bilər. Məsələn, qulaq-burun təmizliyində istifadə olunan qulaq çöpləri xəstəlik yarada bilir. Mütəxəssislərin fikrincə qulaq təmizliyi prosesində edilən səhvlər ciddi fəsadlar doğura bilər. Buna görə də, belə hallarda diqqətli olmaq lazımdır.

Median.Az xarici KİV-ə istinadən xəbər verir ki, qulaq-burun və boğaz mütəxəssisi Murat Bınar qulaq çöplərinin təhlükəli olduğunu açıqlayıb.

Onun sözlərinə görə, qulaq çöpündən istifadə qulaq kanalında çirkin toplanması və zamanla böyüməsinə yol açır: “Məişətdə qulaq çirki hesab olunan maye əslində hər kəsdə olan təbii sekresiyadır. Yəni, qulaq içində ömrünü tamamlamış dəri artıqları, yağ və tər vəzilərinin ifrazatıdır. Qulaq çöpündən istifadə qulaq kanalında çirkin toplanması və zamanla böyüməsinə yol açır. Həmçinin diqqətsizlik zamanı qulaq yolu və qulaq pərdəsinə zərər verə bilər. Buna görə də qulaq təmizliyində qulaq çöpləri və qulağa daxil olacaq hər hansı vasitə tövsiyyə edilmir”.

M.Pınar eyni zamanda duşdan sonra qulaq çöpü yerinə təmiz dəsmal və ya salfetdən istifadə etməyi tövsiyyə edib.
Bundan başqa, qulağa su girməsi, qulaq ifrazatının şişməsi hallarında isə həmin şəxslər dərhal həkimə müraciət etməlidirlər. Əks təqdirdə qulaq çirki tıxanıqlığı, eşitmə azlığı, qulaqda su qalma hissi, ağrı və uğultu yarada bilər.