“Xanımlar və cənablar 2” devizi altında başlayan “Maşın” realiti-şousu maraqlı anları ilə yadda qalıb.
Median.Az axşam.az-a istinadən xəbər verir ki, 17 iştirakçının mübarizə apardığı şouda belə bir maraqlı görüntünü aparıcı Mətanət Əliverdiyeva sərgiləyib.
Belə ki, əli maşında olan aparıcı rahat şəkildə “şpaqat” açaraq iştirakçıları təəccübləndirib.
Xatırladaq ki, M.Əliverdiyeva bir müddət əvvəl verilişlərdən birində “şpaqat” açdığı üçün tənqidlərə məruz qalmışdı.
“Maşın” şouda növbəti qalmaqallı görüntülər ortaya çıxıb.
Yarışmanın iştirakçılarından olan müğənni Əli Mirəliyev oyunun ilk günü əlini maşının üzərindən çəkib.
O, şounun ilk günü olduğundan diqqətsiz davranıb və verilişin qaydalarını pozub. Belə olan halda Ə.Mirəliyev yarışmanı hamıdan öncə tərk etməli idi.
Xatırladaq ki, dünən “Maşın”da mübarizəni yarımçıq qoyan meyxanaçı Ələkbər Yasamallı da səhvən əlini avtomobilin üstündən götürüb. Verilişin aparıcısı Murad Dadaşov isə bunu ört-basdır etməyə çalışıb.
Lakin görüntülər mediada və sosial şəbəkələrdə yayıldıqdan sonra o, məcburiyyət qarşısında qalaraq həmin kadrların efirə verilməsini istəyib. Nəticədə isə Ələkbər Yasamallı qaydalara uyğun olaraq oyunu yarıda qoyub.
Maraqlı məqam ondan ibarətdir ki, dünən adlarını çəkdiyimiz hər iki iştirakçı arasında mübahisə yaşanıb və eyni aqibətlə qarşılaşıb. Görünür, elə ilk gündən maşın uğrunda mübarizə aparmaq onlara çətin gəlib.
Bu gün “Maşın” realiti şousunun üçüncü gününə start verilib.
Ötən gün Roza Zərgərlinin hədəfi olan aparıcı Firuzə Cəlilova çıxmaq təhlükəsi ilə üz-üzə dayansa da, özündən əminliyi ilə seçilib.
O, Baku TV kamerasına danışaraq yarışmanın ən saf iştirakçısı olduğunu deyib:
“Dostlar, “Maşın” şounun ən saf, ən sakit və dilsiz iştirakçısı özüməm. Mən inanmadım, amma yəqin ki, siz inanarsınız”./oxu.az
May ayının 29-dan ölkənin ən qalmaqallı və səs-küylü proqramı “Maşın” realiti şousu start götürüb.
Median.az xəbər verdiyi kimi, “M Group Production”-ın ərsəyə gətirdiyi şou “Xanımlar və cənablar – 2” devizi ilə ATV-də ekran həyatına başlayıb. İlk efirdə iştirakçılar təqdim olunub və iddialı çıxışları ilə diqqət çəkiblər.
Məlum olub ki, bu dəfəki yarışda Əməkdar artist Abbas Bağırov, müğənnilər Əli Mirəliyev, Ruhəngiz Musəvi, Rahidə Baxışova, Roza Zərgərli, aparıcılar Azər Axşam, Günel Hümbətova, İlhamə Bədəlova, Mətanət Əliverdiyeva, Firuzə Cəlilova, Aytən Səfərova, reperlər Qurd, Uran, aktyorlar Məcid Hüseynov, Cavidan Novruz, aktrisa Pərvin Abıyeva, meyxanaçı Ələkbər Yasamallı, vayner Hüseyn Əzizoğlu mübarizə aparacaq.
İştirakçılardan Günel Hümbətova, Pərvin Abıyeva, Azər Axşam, Əli Mirəliyev ikinci, Roza Zərgərli üçüncü, Abbas Bağırov dördüncü, qalan iştirakçılar isə ilk dəfədir ki, yarışmaya qatılır.
Reper Uran isə məhz “Maşın” şou üçün iki ildir yaşadığı Fransadan ölkəmizə təşrif buyurub.
Median.az saytına eksklüziv açıqlama verən reper Qurd bütün iştirakçılardan iddialı olduğunu söyləyərək, bəzilərinə hədə-qorxu gəlməyi unutmayıb.
“Mən illərdir ki “Maşın şou”-ya dəvət olmaqımı gözləyirdim. Və o an yetişdi. Bu şouya yalnız galib olub, avtomobili aparmaq üçün gəlmişəm. Məni səbəbsiz və heçnədən bu şoudan uzaqlaşdıran adamı öldürərəm!”,- Qurd qeyd edib.
“Eurovision” təmsilçilərimizdən olan Dilarə Kazımovanın fotoları olay olub.
Hamam xalatında fotolar çəkdirən xanım ifaçımız həmcinsi ilə yataqda müxtəlif pozlar verib.
Dilarə paylaşımına “Ruhunuzu və beyninizi inkişaf etdirəcək kitablar oxuyun. Unutmayın ki, əlimizdə ancaq indi və burda olan anımız var. Hər yaşadığınıza görə minnətdar olun. Çünki bunların hamısı bizi harasa aparır” sözlərini yazıb.
“Maşın” şounun ikinci günündə səsvermənin müzakirəsi zamanı dava düşüb.
Median.Az bildirir ki, davaya səbəb Əli Mirəliyevin “Buradakılar ipiqırıqdılar” ifadəsi olub.
“İpiqırıq” sözünə isə meyxanaçı Ələkbər Yasamallı etiraz edib. O, Əli Mirəliyevin “cəm” danışmamasını deyib.
Mirəliyev isə daha sonra sözünü dəyişərək “Mən musiqiçiləri nəzərdə tuturam. 50 ildir bu sənətdəyəm bunların ipiqırıqdır. 5-10 manatdan ötrü atalarını, analarını satarlar”.
Əlinin fikrinə etiraz edənlərdən biri də Roza Zərgərli olub. O, araya girərək Yasamallını sakitləşdirməyə çağırıb. Əli Mirəliyev isə səsini qaldıraraq “Ala, səndən danışan yoxdur, sən meyxanaçısan, musiqiçi deyilsən. Atın mənim şəklimi, səsverməyə mən çıxacam” sözlərini işlədib.
Müzakirə zamanı Aytən Səfərova maşının ön hissəsində duran birinin fotosunu atacağını söyləyib.
Avtomobilin ön tərəfində isə Hüseyn Əzizoğlu, Fira Cəlilova, Roza Zərgərli və Pərvin Abıyeva olub.(oxu.az)
Xoşqədəm Baxşəliyevanın təqdimatında efirə gedən “Səni axtarıram” verilişində reklam fasiləsi zamanı mübahisə düşüb.
Baku.ws-in məlumatına görə, veriliş reklam fasiləsinə ayrıldıqda Solmaz adlı qadınla Arzu adlı qadının sözü çəp gəlib.
Efirə yaxınlarını axtarmağa gələn qadınların davası səs-küyə səbəb olub. Solmaz adlı xanım Arzunu tənqid edib: “Öle sən öl. Ölüm olsun sənin kimi anaya. Sən necə anasan ki, o boyda qızın ola-ola ərə gedirsən”.
Arzu isə cavabında ona sual ünvanlayıb: “Bəs sən niyə qızını ikinci dəfə ərə vermisən? Mən yaxşı eləmişəm, əcəb eləmişəm”.
Tərəflər arasında söz davası efir başlayandan sonra da davam edib.
Həmin görüntüləri təqdim edirik:
Teleməkanın ən qalmaqallı proqramı “Maşın”ın ilk buraxılışı izləyicilərə sürprizlər yaşadıb.
“Xanımlar və cənablar – 2” devizi ilə yayımlanan yarışmada ən çox aparıcıların olması diqqət çəkib.
Belə ki, 18 iştirakçının Azər Axşam, Günel Hümbətova, İlhamə Bədəlova, Mətanət Əliverdiyeva, Firuzə Cəlilova, Aytən Səfərova olmaqla, altı nəfəri aparıcıdır.
Aparıcılardan sonra üstünlük təşkil edən müğənnilərdir. Budəfəki “Maşın”da beş müğənni iştirak edir: Əli Mirəliyev, Ruhəngiz Musəvi, Rahidə Baxışova, Roza Zərgərli, Abbas Bağırov.
Üçüncü pillədə üç nəfər olmaqla, aktyorlar qərarlaşıb. Pərvin Abıyeva, Cavidan Novruz və Məcid Hüseynov “Maşın” uğrunda mübarizə aparanlar sırasındadır.
Söz ustadları – reperlər Qurd və Uran say hesabına görə “Maşın”da dördüncü yerdədir.
Meyxanaçıları Ələkbər Yasamallı, vaynerləri isə Hüseyn Əzizoğlu təmsil edir.
Sosial mediada başlayan müzakirələri və yarışmada təcrübəsi olan iştirakçıları nəzərə alsaq, bu dəfə aparıcıların daha önplana çıxacağı gözlənilir.
Hərarətli çıxışları ilə Aytən Səfərova, Günel Hümbətova və Mətanət Əliverdiyevanın diqqət mərkəzində olacağı şübhəsizdir.
Əli Mirəliyevi də bu sıraya aid etmək olar. Müğənni oyunçuların ən sevmədiyi rəqibdir. Bunun da bariz nümunəsi “Maşın”ın ilk günündə simvolik olaraq keçirilən səsvermə zamanı məlum olub.
İkinci dəfə “Maşın” uğrunda savaşa başlayan Pərvin Abıyeva sosial şəbəkələrdə və mediadakı gücü ilə haqqında daha çox xəbər yazılan iştirakçılardan biri olacaq.
Gözəlliyi ilə tamaşaçıları ekran başına cəlb edən Abıyevanın kiminlə yaxın və kiminlə düşmən olacağını isə zaman göstərəcək. Sosial mediada tamaşaçıların kəskin nifrətinə səbəb olan iştirakçı isə Hüseyn Əzizoğludur.
Haqqında ən çox status yazılan şəxs də məhz Əzizoğludur. Onlar vaynerin “Maşın”da iştirakını birmənalı qarşılamır. Sözsüz ki, əhali arasında ona qarşı olan bu nifrət səsvermə zamanı da özünü göstərəcək. Təxminlərimiz “Getsin”ə səslərin daha çox gələcəyini deyir.
Realiti şounun digər maraqlı iştirakçıları “Maşın”da “Qara dama” təxəllüsü qazanmış, üçüncü dəfədir şouda iştirak edən Roza Zərgərli və “Maşın” ətrafında dördüncü dəfədir dövrə vurmağa hazırlaşan Əməkdar artist Abbas Bağırovdur. Bağırovun təcrübəsindən yararlanaraq, sakit, ancaq strateji oyun sərgiləyəcəyi gözləniləndir.
Xalq artisti Ramiz Novruzun oğlu, aktyor Cavidan Novruzun da önplana çıxacağı danılmazdır.
İlhamə Bədəlova və Fira Cəlilova isə tamaşaçıların həvəslə gözlədiyi iştirakçılar olmasalar da, diqqət çəkmək istəyi onlarda da özünü büruzə verəcək.
Ruhəngiz Musəvi, Rahidə Baxışova, Azər Axşamın və Qurdun daha sakit olacağı güman olunur.
“Maşın”ın ən gözlənilməz iştirakçısı isə Urandır. Şoudan ötrü Parisdən Bakıya gələn reperin dəstəkçiləri də yetərincədir. İkinci “Qaraqan” hadisəsinin yaşanacağı isə istisna deyil.
Xatırladaq ki, bu gün “Maşın” realiti şousunun ikinci günüdür. Bu axşam ATV-də 22:15-də gərgin mübarizənin ilk günü yaşanacaq./oxu.az
Xəbər verdiyimiz kimi, qalmaqallı və səs-küylü “Maşın” realiti şousu dünən gecədən etibarən start götürüb.
Bir neçə aydır hazırlıqlarına başlanılan şounun kadrarxasında gərgin və nəticəsi gözəl olan anlar yaşanıb.
“M Group Production”ın böyük məsuliyyətlə yanaşdığı şounun ilk günü sakit ötüşsə də, sosial mediada müzakirə olunmaq üçün iştirakçıların adlarının məlum olması bəs edib.
Şounun kadrarxası görüntülərini və hazırlıq prosesini təqdim edirik:
/oxu.az
Tanınmış teleaparıcı Lətafət Ələkbərova “Ölkə.Az”ın suallarını cavablandırıb.
– Lətafət xanım, teleaparıcılıq karyeranızın başlanğıcı yetərincə uğurlu alınmışdı. “Azəri-star” kimi səs-küylü yarışmanın aparıcılarından biri idiniz. Ancaq sonradan sanki eniş dövrü hiss edilməyə başladı…
– Sizinlə razılaşıram. O cür bahalı layihədən sonra eyni gücə malik layihə olmadı. Bəlkə də buna görə eniş hiss edildi. Həm də qızım dünyaya gəldi, ailəyə də vaxt ayırdım. Elə ana deyiləm ki, uşağımı atıb, işimlə məşğul olum. Övladımın hazırda on yaşı var.
– Deyək ki, övladınızın beş yaşına qədər onunla məşğul oldunuz, körpə olduğunu nəzərə aldınız. Axı son beş ildə də elə bir layihəniz yoxdur…
– Ondan sonra “Xəzər” televiziyasında, “Space” telekanalında layihələrim oldu.
– Əslində, kənardan belə görünür ki, sizin ilk illərdə qazandığınız uğur təsadüf idi.
– Bəli, elə fikirləşirlər. İllərlə qazandığım təcrübənin sayəsində indi dövlət tədbirlərində, məclislərdə, konsertlərdə səhnə alıram.
-Sizcə, peşəkar aparıcı üçün televiziya layihəsi daha önəmli deyilmi?
– İllər öncə qazandığım adın çörəyini hələ də yeyirəm.
– Və həm də o adı xərcləyirsiniz…
– Yenidən layihələrim olacaq. Türkiyədə beş dəfə möhtəşəm tədbirlərin, həmçinin Alanyada Beynəlxalq “Kristal kare” film festivalının aparıcısı olmuşam. Türkiyə mediasında dəfələrlə haqqımda yazılıb. Türksoy-un təşkil etdiyi “İlin altın adamları” mükafatlandırma mərasiminin də aparıcılığı iki dəfə mənə həvalə edilib. Eyni zamanda həmin mərasimdə mükafatlandırılmışam. Bilirsiniz, burada həm mənim, həm də medianın səhvi var. Jurnalist zəng vuranda deyir ki, işdən yox, şəxsi həyatdan danışın, gördüyünüz işlərdən yazırıq, amma oxunmur. Sanki tamaşaçılar da, oxucular da dəyişib.
– Amma “Azəri star”dakı aparıcılıq şəxsi həyat deyildi…
– O zaman tamaşaçı başqaydı.
– Bəlkə özünüz şəxsi həyatınızla bağlı daha çox danışmısınız və tamaşaçı buna vərdiş edib.
– Mən danışmadığım üçün maraqlıdır.
– Dəfələrlə danışmısınız…
– Elə aparıcılar, şou nümayəndələri var ki, sırf şəxsi həyatla gündəmə gəlirlər. Mən işimlə gündəmə gəlmişəm.
– Mən bilirəm ki, qızınızın atası müğənnidir, sizdən on yaş kiçikdir. Bunları siz dediyiniz üçün mən bilirəm də. Yeri gəlmişkən, qızınızın atasıyla ünsiyyəti varmı?
– Ünsiyyət yoxdur və o barədə danışmaq istəmirəm. Çünki bu barədə çox danışılıb. Hər halda, özü qızıyla görüşmək istəmir.
– Bəs bir neçə il öncə?
– Bəli, ilk illərdə görüşürdülər. Ümumiyyətlə, sənət adamlarının əksəriyyətini şəxsi həyatı gətirmir.
– Bəzi sənətçilər, aparıcılar illər sonra həyat yoldaşlarıyla barışıblar. Sizdə bu mümkündür?
– Heç vaxt ola bilməz. Ayrılandan sonra iki-üç il qarşı tərəfdən belə cəhdlər olub və mən də şans vermişəm. Çünki ortada illərimiz, əməyimiz var. Ancaq alınmayanda alınmır da. Ailələr var ki, kənardan xoşbəxt cütlük kimi görünürlər. Sonradan məlum olur ki, bir-birinin üzünü görmək istəmirlər. Sadəcə, məcburiyyətdən rola giriblər. Sevgisiz ailədə uşağın tərbiyəsi mümkünsüzdür. Fikrimcə, nəyəsə, kiməsə görə ailəli olmaq düşüncəsi ortadan qalxmalıdır. Guya bizim mentalitetimiz belədir. İnsana necə xoşdursa, elə də yaşamalıdır.
– Sabah sizə altmış yaşlı insanla xoş olsa, ailə quracaqsınızmı?
– Niyə altmış yaşlı? (gülür) Yaşı yaşıma, başı başıma uyğun insanla həyat quraram.
– Əgər on yaş kiçik insanla ailə qurmusunuzsa, niyə də iyirmi yaş böyük insanla yox?
– Əlbəttə, ola bilər. Əsas düşüncə tərzi, həyata baxışdır.
– Yenidən on, yaxud on beş yaş kiçik insanla ailə qurarsınızmı?
– Bəli, ailə quraram. Heç kim heç nədən sığortalanmayıb. Sevginin nə zaman gələcəyini heç kəs bilmir.
– Yəqin ki, evlilik təklif edənlər var.
– Daha çox gənclərdən evlilik təklifləri alıram. Övladım var deyə, onu da düşünürəm. Bir evdə yaşayacaqsa, həmin şəxs mənim övladıma ata da olmalıdır. İnsan var ki, əlli yaşında atalıq hissini dərk etmir. Ancaq eləsi də var ki, iyirmi beş yaşında bunları dərk edir. Bütün bu səbəbləri nəzərə alaraq, hazırda təkəm.
– Yəni on ildir ki…
– Bəli, bir ildən çoxdur ki, təkəm.
– Siz həm də aktrisalıqla məşğulsunuz…
– İnsana sevgi lazımdır və sevgisiz həyatın mənası yoxdur. Sevgi insanı həm motivasiya edir, həm də nələrdənsə uzaqlaşdırır. Elə insan istərdim ki, həm də dəstəyim olsun.
– Maddi dəstək?
– Durub desəm ki, milyonlar axtarıram, gülünc çıxar. Ancaq qırx yaşına çatmış və həyatda heç nəyi olmayan insan nəyimə lazımdır? Əgər insan qırx yaşına qədər yatıbsa və heç nə edə bilməyibsə, bundan sonra da edə bilməyəcək. Mən pul deyil, insan axtarıram.
– Həyatda sizə böyük pullar xərcləyən insan olub?
– Olmayıb, hər şeyi özüm etmişəm.
– Bir il öncə həyatınızda olan insanın sizə maddi dəstəyi var idi?
– Elə ciddi münasibət yaşamamışam, sadəcə, o insanı tanımaq istədim. Ümumiyyətlə, elə tələbkar insan deyiləm. İnsan özü düşünməlidir ki, sevdiyi qadına nəsə etməlidir.
– Yenidən hansısa sənətçini sevə bilərsiniz?
– Bəli, mümkündür. Biz sevib ailə qurmuşduq.
– Mən elə bilirdim ki, vətəndaş nikahında yaşamısınız…
– Xeyr, toyumuz olmuşdu. Əslində, ayrılmağımızda öz səhvlərimiz oldu. Bəlkə də istəsəydik, ailəmizi saxlaya bilərdik.
– İndi içinizdə peşmanlıq varmı?
– Bəli, hirsli başla qərar verdim və tələsdim. Kim deyirsə ki, ayrılandan sonra peşman olmamışam, yalandır.
– Deməli, bu gün də həmin insana qarşı sevginiz var…
– Sevmirəm və o insan ailəlidir. Amma ürəyim sevgiyə açıqdır və istənilən an sevə bilərəm. Kişinin xarakteri çox önəmlidir. Kişi baxımlı və təmiz olmalıdır. Hətta çirkin insanı da sevə bilərəm. Əslində, surətpərəstəm, amma dünyanın ən yaraşıqlı kişisi bir anda gözümdən düşə bilər.
– Yaşınıza rəğmən, yetərincə dinamiksiniz…
– Bəli, müəyyən yaşım, övladım var. Ancaq özümü gənc qız kimi hiss edirəm. Əyləncəni, özümə vaxt ayırmağı, şopinqləri sevirəm.
– İstirahət, əyləncə sizinçün nədir?
– Məsələn, uşaqla birlikdə atraksiondan əlli dəfə sürüşə bilərəm. Yağışın altında qaçmağı, oynamağı sevirəm. Bəzən qarşına otuz yaşlı cavan oğlan çıxır və deyir ki, səni tanımaq, evlənmək istəyirsən. Görürsən ki, cavan oğlandır, oturub saatlarla qəlyan çəkir, hərəkətsizdir. Mən idmanla məşğul olmağı, rəqs etməyi sevirəm.
– Zərərli vərdişləriniz var?
– Siqaret çəkmədiyimi desəm, yalan olar. Bir-iki dəfə çəkmişəm. Demişəm, bunun nəyi üçün ölürlər? İçki isə arabir istifadə edə bilərəm. Hazırda fitneslə məşğulam. Zumba rəqsi, yoqa və üzgüçülüklə də ara-sıra məşğul oluram. Aparıcı olmasaydım, yenə də belə olardım.
– Son zamanlar zahirinizdə xeyli dəyişikliklər var…
– Bunu mənə hamı deyir. Burnum plastik əməliyyat olunub.
– İkinci dəfə ailə qurub övlad sahibi olmaq istərdiniz?
– Bəli, qızımın tək böyüməsini istəmirəm. Səs-küylü ailəni xoşlayıram.
– Bildiyim qədər əslən Naxçıvandansınız və oranın insanları yetərincə mühafizəkardırlar. Geyim tərzinizə, davranışlarınıza müdaxilələr olurmu?
– Bəli, ana tərəfim Füzulidən, atam Naxçıvandandır. Açıq-saçıq geyimə meylli insan deyiləm. Qohumlarım məni olduğum kimi qəbul edirlər və heç biri məndən utanmır. Nəyimdən utanacaqlar ki?
– Sirri deyil ki, maddi durumu yüksək olan insanlar gündəmdə olan xanımlara qısa müddətli münasibət üçün böyük pullar təklif edirlər. Sizə belə təkliflər olurmu?
– Bəli, olur. Ancaq mən elə şeyləri dilə gətirməyə utanıram. Qadın elə varlıqdır ki, o, özünə qiymət qoymamalıdır. Məbləği deməyim ayıb olar. Bir mənzilin pulu müqabilində bir günlük münasibət təklif edildi, imtina etdim.
– Nəticə?
– Nəticə o oldu ki, güclü insan idi və televiziyalara yolumu bağladı. İki il bütün telekanallarda “qara siyahı”ya düşdüm. Ancaq kim olduğunu qətiyyən deyə bilmərəm.