Ötən gün “5/5” verilişinin qonağı olan Qədir Qızılsəs toyda başına gələn bir neçə qəribə hadisədən danışıb.
Milli.Az xəbər verir ki, müğənni təxminən 20 il əvvəl idarə etdiyi toyda ona mahnı sifariş edən şəxsin naməlum şəxs tərəfindən bıçaqlandığını deyib.
Qədir Qızılsəsin sözügedən açıqlaması aşağıdakı videoda:
Müğənni Nigar Camal qısa geyiminə görə onu tənqid edənlərə sərt cavab verib.
Median.az axşam.az- istinadən xəbər verir ki, sənətçi bildirib ki, küçədə insanlar daha açıq geyimdə dolaşırlar:
“Maraqlısı odur ki, şəhərdə gənclər istədikləri kimi geyinirlər: midi, qısa, və sairə… Klublardakı geyimlərlə bağlı susuram. Tanımadığım insanlar profillər yaradıb və ürəkləri istəyən fikri yazırlar. İstəyir oğlan, istəyir xanım olsun, insana dəyər verilməlidir. Bir şəkil qoyan kimi hamı “milli mentaliteti” xatırlayır.
Bu, gündəmdə qalamq üçün deyil. Bu, bizim şəxsi səhifəmizdir, nə istəyirik, onu da yükləyirik. Kliplərimizdə, konsertlərimizdə açıq-saçıq geyimlər, rəqslər olur. Gedin adi insanların geyimlərinin dərdini çəkin”.
Qeyd edək ki, Nigar sosial şəbəkədə qısa libasda fotolarını paylaşmışdı. İzləyicilər onun paltarını tənqid etmişdi.
“O QƏDƏR UDUZUB KƏNARDA QALMIŞAM Kİ…”
Muztv.az-a müsahibə verən Əməkdar Artist, sevilən şoumen və bir çox uğurlu layihələrin rəhbəri Murad Dadaşovdur.
– Xoş gördük Murad müəllim. Ümid edirik ki, maraqlı söhbətimiz olacaq.
– Mən də ümidvaram ki, gözəl müsahibə alınacaq. Adətən heç bir müsahibələrə hazırlaşmıram, amma bu dəfə mənə hansı sualların səslənməsi doğrudan da maraqlıdır.
– Bir neçə gün öncə Rusiyanın Birinci televiziya kanalında yayımlanan “Pole Çüdes” verilişində qonaq oldunuz. Proqram “Beynəlxalq Çay Günü”nə həsr olunmuşdu. Azərbaycanı isə Murad Dadaşov təmsil edirdi. Təəssüratlarınızı bilmək istərdik…
– “Mənə o verilişdə iştirak etmək üçün dəvət gələndə, təəccübləndim. Dedim mənim “Pole Çudes”də nə işim var? Nə evdar xanımam, nə dəfələrlə verilişə krasvord yollayan insanam, üstəlik verilişi çoxdandır izləmirdim. Amma 27 il efirdə olan proqramda qonaq olmaq olduqca xoş idi. Bir televiziya adamı kimi, orada iştirak etmək, abu-havası ilə tanış olmaq mənim üçün rəmzi xarakter daşıyırdı. Fikirləşdim ki, “Beynəlxalq Çay Günü” vacib gündür. Mən proqrama qalib gəlmək niyyəti ilə qatılmamışdım. Sadəcə istədim ki, Azərbaycanımızı təmsil edim, nailiyyətlərimiz barədə qısaca da olsa, məlumat səsləndirim. Hədiyyələrimi belə təqdim etmək istəyirdim. Rusiyanın Birinci televiziya kanalında çıxış etmək hər gün nəsib olmur. Orada Azərbaycan, “Qarabağ” futbol klubunun adının çəkilməsi mənim üçün xüsusi önəm kəsb edirdi. Əsl niyyətim elə bu idi.”
– Bu yaxınlarda 39 yaşınızı qeyd etdiniz. Ümumiyyətlə, doğum günlərinizi təmtəraqlı, yoxsa yaxın dostlarınızın ətrafında qeyd etməyi xoşlayırsınız? Biz, media olaraq sizin ad gününüzü dəbdəbəli şəkildə keçirdiyinizi görməmişik…
– Düşünürəm ki, ad günü qarşıdakı bir il ərzində qeyd oluna biləcək hadisədir. Məhz doğum tarixində qeyd etmək mütləq deyil. Üstəlik, hesab edirəm ki, ad günü, Yeni il, Novruz bayramı – bunlar özəl ailə günləridir. Mənim ailəm şou biznesdən çox uzaqdır. Həyat yoldaşım pedoqoqdur, müəllimdir. Övladlarım belə efirdən çəkinirlər, xoşlamırlar. İnanın mənə 5-6 veriliş var ki, onları təkidlə iştirak etməyə məcbur edirəm. Çünki ətrafa maraqlıdır axı… Ona görə də ailə tədbirlərimiz çox qapalı və azsaylı insanların əhatəsində keçir. Amma sonrakı günlər qeyd edirəm. Açığı deyim, mən öz ad günümü sevirəm. Mənim üçün önəmli bir gündür. O günün xüsusi bir magiyası olduğunu bilirəm. Hər ötən yaş insana hesabat xarakterli olmalıdır. O, yeniyetmə Muradın arzuları ilə indiki günümü müqayisə edirəm. Həmişə deyirəm ki, indiki Murad o körpə Muradın arzularına çatdımı? Şükürlər olsun ki, əksər hallarda buna nail olmuşam. Bütün arzularım pillə-pillə reallaşır.
“İÇKİ, SİQARET REKLAMLARINDA ÇƏKİLMƏDİM, HƏR İŞDƏ KOMMERSİYA AXTARMADIM”
– Sizi 20-22 il olar tanıyırıq. Kifayət qədər də tamaşaçı ordunuz var. Sirr deyilsə, bu sevginin sirri nədədir? Bəs tamaşaçı itirməkdən necə, heç qorxmursunuz?
– Əlbəttə, qorxuram. Həyatda 1-cilik kimi qeyri-sabit heç nə yoxdur. Kim deyir ki, mən 1-ci, 2-ci, 3-cüyəm, bax, o kənardan çox gülünc səslənir. Mənə də kimsə deyəndə ki, sən 1 nömrəli şoumensən, xoşum gəlmir. Belə sevgiyə görə təşəkkürümü bildirirəm, amma bir məsələ də var. İnsan ucaldıqca, müəyyən üstünlük qazanır, işi rahatlanır. Digər tərəfdən, bu, məsuliyyət tələb edir. Hər zaman öz işimdə məsuliyyətli olmuşam. Hesab edirəm ki, sözüm kimsə üçün, hətta bir körpə üçün də önəmli ola bilər. Uşaqlıqdan tanınmışam. “Bakılı Oğlanlar”dan başladım, daha sonra televiziya layihələrim oldu. Çalışmışam ki, imicimi qoruyam. İçki, siqaret reklamlarında çəkilməmişəm, bu, mənfi şeydir. Özümü xırdalamadım, hər layihədə iştirak etmədim. Hər işə kommersiya gözü ilə baxmadım. Bunu ailəmə də bağlayıram. Ailədə demokratik, sərbəst şəraitdə böyümüşəm. Atam-anam heç vaxt yaradıcılığıma məhdudiyyət qoymayıb, əksinə, marağımı dəstəkləyiblər. KVN olmasaydı, mən bu gün belə Murad ola bilməzdim. KVN mənə bir az arxayınçılıq verdi, dostlar, əhatə, şərait verdi. Anar Məmmədxanovun komandaya olan xüsusi münasibətini də qeyd edə bilərəm. Mənim formalaşmağımda onların hər birinin xüsusi rolu var. Ulu Öndər Heydər Əliyevin bizim komandamıza olan xüsusi münasibəti, bizim ona olan sevgimiz, bu həyatda bəlkə də ən əvəzolunmaz hisslərdir. Eyni rəğbəti Prezident İlham Əliyevdən də gördük. Belə səlahiyyətli insanların maraq dairəsində olmaq insana ikiqat məsuliyyət verir. Biz tamaşaçı ilə oyun oynaya bilməzdik. Biz efirə çıxanda, KVN tamaşaya hazırlaşanda başqa bir həyəcan keçiririk. Bilirsiniz ki, bizim fəaliyyətimiz xaricdə idi. Bu da bizi ləkələmək üçün kimlər üçünsə fürsət ola bilərdi. Ona görə də diqqətli olmuşuq. Xoşbəxtəm ki, Azərbaycan və rus mədəniyyətini bilirəm və öz tamaşaçımı yaxşı tanıyıram. “Maşın”da, eləcə də “Yeni Ulduz”da söylədiyim şərhlərimdə tamaşaçılar deyirdi ki, Murad sanki ürəyimizi oxudun. Onlara başa sala bilmirəm ki, mən sizi tanıyıram axı… Hər zaman tamaşaçı tərəfdəyəm, ola bilsin ki, bunlar hamısı faktdır.
– Murad Dadaşov deyərkən, “Maşın şou”dan danışmamaq mümkünsüzdür. Şoudan hər dəfə bir iştirakçı tərk edəndə böyük təəssüf hissi ilə “Maşın əldən getdi” deyirsiniz. Bəs özünüz necə, bu uduzmaq hissini yaşamısınızmı?
– O qədər… O qədər uduzmuşam ki… O qədər kənarda qalmışam ki… Yenə də deyirəm, bu həyatda 1-cilikdən qeyri-sabit heç nə yoxdur. Hərdən 1-ciliyə çatmaq üçün, elə 2-ci, 3-cü olmaq yaxşıdır. Hər zaman həyəcan, gərginlik içində olmaq lazımdır. Əslində, bu sadə bir şey deyil. İlk dəfədir ki, bu barədə açıqlama verirəm, elə sizinlə bölüşəcəyəm. Bir yaradıcı insan kimi mənə hər zaman xanımların diqqəti ruh verib. Gözəl insanları görəndə sevinirəm, ilhamlanıram. O qədər olub ki, kimisə istəmişəm, amma onlar məni istəməyib. Burda söhbət sevgidən getmir. Elə şəxsi həyatımı da bu hisslər üzərində qurmuşam. Mən nədənsə düşünmüşəm ki, sevdiyim insan məhz mənim nailiyyətlərimə görə sevəcək.Mənim həyat yoldaşım mənim KVN fəaliyyətimi o qədər də bəyənmirdi. Universitetə gələndə, hər yerdə məni Murad Dadaşov deyə qarşılayırdılar. O, həmin qadındır ki, onu ilk dəfə görəndən sonra hesab etdim, mənim həyatım məhz bu xanımla bağlı olacaq. Uğur qazanmış insanların mütləq şəkildə məyus olduğu anlar olub. Ən uğur qazanmış insanlar belə, keçmişlərində ən geridə qalmış hadisəni yaşayıblar. Böyük zərbə alıblar deyə, bu uğura qalxıblar. Ona görə də, bu uğurun dadını o başqa cür bilir.
– Şübhəsiz ki, Murad Dadaşov bir çox sənətçilərə yol açıb. Onların öz ad və soyadları ilə tanınmasında, hətta efirə buraxılmasında sizin dəstəyiniz var. Sizin bu addımınız təkrarlanıb. Günel Ələkbərova (Pişik Günel), Tarix Əliyev (Tolik) kimi, Talıb Tale isə “youtube”dan tanınırdı.
– Mənim 3 övladım belə həmişə tərəfdarı olub ki, onları öz adları ilə çağırım. Atam belə kiminsə adının dəyişdirilməsinin əleyhinədir. Düzdür, yaradıcı insanın təxəllüsü olmalıdır, bu, başqa məsələdir. Tarix Əliyevə (Tolik) deməyin həmişə əleyhinə olmuşam. “Maşın” şounun da məqsədi onları özləri kimi təqdim etmək, maarifləndirməkdir. Şouya tanımadığım bir insanı dəvət etsəm də, hər biri şəxsi hörmətim sayəsində oyuna gəlib.
“KİM DEYİR Kİ, BİRİNCİYƏM, BU, KƏNARDAN GÜLÜNC SƏSLƏNİR”
– Deyəsən, həmişə ayrıseçkiliyə qarşı olmusunuz, kiminsə əzilməsinə icazə verməmisiniz…
– Bütün veriliş boyu hər kəsə başa salmaq istəyirəm ki, şouda təsadüfi insan yoxdur. İnanın mənə, iştirakçılarla bir gün keçirsəniz tanıdıqlarınızı müsbət mənada yenidən kəşf edəcəksiniz. Onların təmizkar olduğunu, daim mütaliə etdiyini və bu kimi bacarığını görəcəksiniz. Əksəriyyəti uşaqlıqda acı həyat keçirib. Mən biri-birimizə nifrət bəsləməyə qarşıyam. Kimlərinsə arasında böyük qalmaqal yaşansa belə, final günü demişəm ki, uşaqlar özünüzdə güc tapın, barışın. Biz çox deyilik ki, düşmən də olaq.
– Şouda iştirakçılar arasında yaranan qalmaqal illərin küsülülüyünə də yol açır. Bəs şoudan sonra sizdən incik düşən olubmu?
– Ola bilsin ki, olub, amma bunu mənə heç vaxt bildirməyiblər. Daxilən bu narazılığı yaşayan insanlar ola bilər. Bu, bir yarışmadır. Oyunun ikincisi, üçüncüsü, beşincisi yoxdur. Siz ancaq qalibin adını yadda saxlayırsınız. Nəticə yadda qalır. Tarix nəticə sevir və tarixdə qalib unudulmur. İştirakçılar bilsin ki, onları şouya xüsusi, qayğı, diqqət nəticəsində dəvət etmişəm. “Maşın”a hər kəs düşə bilməz, şou hamı üçün deyil. Hər kəsin ulduz bildiyi “Maşın”nın iştirakçısı olmaya da bilər, ona görə ki, o şou üçün maraqsız ola bilər. Partlayış gözlədiyimiz heç nə ilə yadda qalmadı və ya əksinə…Məsələn, Üzeyir Mehdizadə. O, Azərbaycandan kənarda da çox məşhurdur. Onun xaricdə stadionları dolduran konsertləri olub. “Maşın”da onu tanıdım və əmin oldum ki, o dəyər daşıyıcısı olan insandır. Onun xüsusi mədəniyyəti var. Mahnıları sevilməyə bilər, amma bu onun xarakterinə uyğun olmaya bilər. Üzeyirin əlini çəkib getməsi məni təəssüfləndirdi.
– “Maşın”ın tarixində ən çox kimin tərk etməyinə heyfslənmisiniz və yaxud qalib olması sizi sevindirib?
– Hər dəfə şou başlayanda bir yerə toplaşıb müzakirələr aparırıq ki, kim qalib gələ bilər. Hərə öz versiyasını deyir. Nəticədə mənim cavabım yalnış olub. Mənim qalib bildiyim insan ya 1-ci ya da 2-ci olaraq şounu tərk edib. Maraqlı bilirsinizmi nədir?! Şounun sonunda qalib əlini götürdüyü anda başa düşürsən ki, maşın elə onun qisməti imiş. Yaxşı ki, elə o uddu deyə sevinirsən. “Maşın”nın belə bir möcüzəsi var.
Qarşıda tamaşaçıları gözləyən yeni layihələrdən danışaq…
– Televiziya çox dəyişib, ilkin əhəmiyyətini itirib. Müxtəlif yeni yayım platformaları televiziyanı geridə qoyub. Verilişlərin davamiyyəti belə qısalıb. Sən qısa müddətdə tamaşaçının diqqətini cəlb etməlisən. Yeni layihərdən danışarkən mən bu kimi amilləri üstün tuturam. Bundan əlavə, Azərbaycan tamaşaçısı istəsə xarici kanallara da baxa bilər. Seçim azadlığı var, düşünün ki, rəqabət üçün nə qədər geniş meydan var. Ona görə də, hər bir layihəyə xüsusi məsuliyyət tələb edirəm. Bunu fəxrlə qeyd edə bilərəm ki, bu gün Azərbaycanda yeganə xarici lisenziyalı veriliş varsa, o da “Davam ya tamam”dır. Oyunun qaydası belədir ki, ən azı 1 manat udacaqsan. Bu şounu çox sevirəm. İlki uğurlu alındı, ikincini də təqdim etməyə hazırlaşırıq. “Maşın”ın növbəti sürəti gözlənilir. MGP tarixində ilk dəfə olaraq ilk televiziya serialına imza atmaq niyyətindəyik. Hər kəs bilir ki, ötən il “Bayram axşamı” filmini təqdim etmişdik. “Ağlama” şousu hazırlanacaq, komediya şousudur. İndi hazırlıq dövrüdür. Format belədir ki, gülməyi, güldürməyi bacaran, xüsusi intellekt sahibi olan maraqlı insanlar bir araya gələcəklər. Onlar şouda iştirak edərək bir fayda qazanmalıdırlar. Qazandıqları da təbii ki, pul olacaq. Kim gəlib bizi güldürə bilsə, mütləq pulunu da qazana biləcək. Əminəm ki, tamaşaçıların sevgisini qazana biləcək.
“MAŞIN”DA İŞTİRAKÇI OLSAM İLK MƏNİ UZAQLAŞDIRARLAR”
– “Maşın 14”də 30 minlik, 15-ci sürətdə isə 60 minlik avtomobil uduşa qoyuldu. Bəs 16-cı sürətdə nə kimi sürprizlər gözlənilir?
– “Bu “Maşın”da hədiyyə təyyarə olacaq. Onda özüm şouda iştirak edəcəyəm (gülür). Əgər mən şouda iştirakçı olsam, hamı elə ilk olaraq məni şoudan uzaqlaşdırar. Bu, 100% belə olar. Onu da bilirəm ki, sona qalsam maşını elə özüm apararam. Belə şoulara gəlməyənləri də başa düşürəm və hər kəsi də dəvət etmirəm. İstərdim həm onu tanısınlar, həm də şou marağı olsun. Kimsə deyir ki, pul ödəyib gəldilər, sponsoru var, mən belə şeyləri önəmli saymıram. Səsvermə şəffafdır. O qədər olur, iştirakçılar deyir ki, mənə filankəslər səs verir, amma nəticə belə olmur.Xüsusi hallarda mobil operatorlarla münasibət bağlayıb hər şeyi araşdıra bilirik. Dəfələrlə şahidi olmuşuq ki, heç doğmaları da səs verməyib. “Maşın” olaraq bir tarix keçmişik, əgər yalan olsaydı, kimsə iştirakçı olmazdı, sevilməzdi. İstək var ki, bu şou elə çoxu üçün də əlçatmazdır.
– Atalar qızlarını daha çox sevirlər. Siz isə üç oğul atasısınız. Nə zamansa, qız atası olmaq arzusunda olmusunuzmu?
– Uşaq vaxtından həmişə istəmişəm ki, qızım olsun. Məktəb vaxtı belə dostlar öz aramızda müzakirə edəndə hamı deyirdi oğlum olsun, mən qız deyirdim. Qız övladı arzusu ilə yaşamışam. İllər keçdikcə, anlamışam ki, Allah bilən məsləhətdir. Hər üç oğlum çox önəmlidir. Mən həyəcan içində yaşayan, narahat insanam. Fikirləşirəm, qız övladım olsaydı, onun həyat və yaşayış tərzinə müdaxiləm çox olacaqdı. Yazığı bədbəxt edəcəkdim (gülür). Evə tez-tez zəng edəcəkdim ki, niyə evdə deyilsən? Bəlkə dediklərim kənardan kiməsə gülməli səslənir. Nə bilim… Evdə bişməyib, qonşudan gəlməyib. Mənim heç doğma bacım da yoxdur. Belə şeylərə hazır deyiləm. Bir şeyi deyə bilərəm ki, atam məndən qat-qat mülayim insandır. Heç vaxt ondan qadağa görməmişəm. Elə ailədə böyümüşəm ki, “olmaz” tipli cavabları özüm vermişəm. Atam kimi ola bilmirəm, olmazlarım çox olur. Ya dövr dəyişib, ya da uşaqlar böyüyüb. Hərdən deyirlər, Murad sən yaxşı adamsan, amma bunu övladlarımız böyüyəndə biləcəyik. İnsanın şəxsiyyətinin göstəricisi, onun balalarıdır.
“ÖZÜMÜ MÜKƏMMƏL TELEVİZİYA APARICISI KİMİ GÖRMÜRƏM…”
– Bəs övladlarınızın gələcəyi barədə düşünmüsünüzmü? Davamçınızın olmasını istərdinizmi?
– Bu sahə insandan istedaddan başqa, “naxış” da tələb edir. Uğur, “naxış”la bağlıdır. Üçü də istedadlıdır. Nə qədər ciddi də olsa, böyük oğlum çox yüksək yumor hissinə malikdir. Gözəl parodiyalar edir. Onlara tənqidi yanaşıram. Mənə elə gəlir ki, mənə xarici görkəm barədə ən çox bənzəyən ortancıl oğlumdur. Üstəlik onun gözəl zövqü də var. Eynən özüməm. Hər hansı bir seriala da baxanda orada süjet xəttini analiz edir. Əli informasiyanı çox sevəndir. Bu məni çox sevindirir.
– Ağlınızda elə bir layihə varmı ki, onu hələ gerçəkləşdirməmisiniz?
– Bilirsiniz, elə layihələr var dillər əzbəridir, amma mahiyyətini başa düşmürəm. “Survivor” kimi dünyada sözünü demiş layihə var ki, onun bu gün Azərbaycanda keçirilməsi böyük problemlər yaradır. Mailiyyə cəhətdən Azərbaycan üçün bahalı bir layihədir. Hesab edirəm ki, bunu reallaşdıracaq kommersiya şirkəti böyük məğlubiyyətə uğrayacaq. Bundan əlavə, qalmaqal adını çıxartmış “Maşın” kimi layihənin aparıcısı olaraq, onu demək istəyirəm ki, dəyərlərimizi itirməyən layihələr işləmək lazımdır. Azərbaycan Dövlət Himni müğənnilərin ifasında ilk dəfə bizim şouda səsləndi.
– “Maşın şou”da bir gün olmamağınız tamaşaçıların ajiotajına səbəb oldu. Sizdən başqa, şounu kim apara bilər?
– Sizə açıq deyim, mən özümü mükəmməl televiziya aparıcısı hesab etmirəm. Bu təvazökarlıq deyil, həqiqətdir. Mən kadrarxası işləri də bacarıram. Etiraf edirəm ki, yaxşı prodüserəm. “Maşın” başlayır, iştirakçılar bəzənib, öz əyləncələrində, amma mən böyük gərginlik yaşayıram. Peşəmi sevirəm, bunu bacarmasaydım, yəqin pis vəziyyətdə qalacaqdım (gülür). Bu şounun aparıcısı olmaq çox çətin bir məsələdir, ona görə ki, müəllif əsəridir. Bu, mənim özümlə bağlıdır. Gələn insanlar mənim dəvətim əsasında yer alırlar. “Maşın” mənimlə tanındı. İstərəm başqa aparıcı da aparsın, mən də istirahət edim.
“ŞOU-BİZNESDƏ OLAN DOSTLUQLAR SADƏCƏ İŞ BİRLİYİDİR”
– Şou-biznesdə dostluqların səmimi olmasına inanırsınızmı? İllər ərzində nə qədər dəyişən simalar görmüsünüz?
– Şou-biznesdə olan dostluqlar tandemdir və sadəcə, iş birliyidir. Mənim dostum o qədər çox deyil. Dostluq insanlardan xüsusi məsuliyyət tələb edir. Yaxşı dostluğu bacarmaq özü bir işdir. Hər adam bunu bacarmır. Deyə bilərəm ki, yaxşı tanışlarım var. İşə gəlib çıxanda anlaşılmazlıq yaranır. Belə bir ifadə var, deyirlər, mədəniyyət insanlarından yaradıcılıq görmək istəyirsinizsə, onları bir binaya salmayın. Orada mütləq fitnə-fəsad yaranacaq.
– Nəyə kompleksiniz var?
– Efir adamı görkəmli olmalıdır. Nümunəvi görkəm daşıyıcısı olmalıdır. Mən çox, olduqca təmbəl insanam. İdmanı sevmirəm, hansı ki, sevməliyəm. Üstəlik, mən diqqəti sevən insanamsa, təmbəl olmamalıyam.
– Azərbaycanda layihələriniz kifayət qədər sevilir. Bəs beynəlxalq layihələr barədə düşünürsünüzmü?
– Biz mediadaxili iqtisadi münasibətlərimizi tənzimləməyənə qədər bu işdə iştirak etmək, əlbəttə, çox çətin olacaq. Xarici şoularda iştirak edirəm, amma o yola çıxmaq üçün biz buradakı yolu kifayət qədər keçməliyik. Dostlarımızı da, azsaylı düşmənimizi də düşünməliyik. Məsuliyyəti dərk etməliyik.
– “SorğuMUZ”un sonuna gəldik, təəssüratlarınızı bilmək istərdik…
– Maraqlıdır. Ümumiyyətlə, müsahibəyə hazırlıqlı gələn insanları sevirəm. Minnətdarlığımı bildirirəm ki, hazırlaşıb gəlmisiniz. Hətta keçmişimlə bağlı məqamlara da toxundunuz. “Google” tipli suallardan uzaq oldunuz. Düşünürəm ki, mən də sizə maraqlı müsahib oldum.
Bir neçə gün öncə reper Səid Əliyev şəxsi Instagram hesabında müğənni Natavan Həbibi ilə qucaqlaşdığı fotosunu paylaşdıqdan sonra cütlüyün yenidən barışdığı xəbərləri gündəmi zəbt etdi.
Bu gün Dado yenidən Natavanla bağlı səs küyə səbəb olacaq paylaşım edib.
Reper, Həbibinin fotosunun yer aldığı fincan şəklini yayımlayaraq “Hər zaman və hər bir an” şərhini yazıb. İzləyiciləri Səidə hər şeyin yaxşı olacağı ilə bağlı təsəlliverici şərhlər yazıblar.
Lakin reperin bundan əvvəl paylaşdığı Natavanla olan fotosunu Instagram hesabından silməsi də diqqətdən qaçmayıb.
Natavan ötən ilin dekabrında Dado ilə yollarını ayrıldıqlarını açıqlamışdı. Yeni il ərəfəsində isə cütlük yenidən barışdıqları xəbərini təsdiqləsələr də Həbibi fevralda ATV kanalında yayımlanan “Zaurla Günaydın” verilişində artıq ayrı evlərdə yaşadıqlarını etiraf etmişdi./baku.ws
Xalq artisti Aygün Kazımova ilə tədbirlərin birində ayaqüstü görüşdük.
Həmişəki kimi, tədbirdə seçilməyi və diqqət çəkməyi bacarır.
Əhvalı yüksəkdir. Gülür, ətrafa enerji saçır. Xoş əhvalından istifadə edib bir-iki sual ünvanlayırıq.
Median.Az oxu.az-a yeni işlərindən danışan Kazımovanın müsahibəsini təqdim edir:
– İnsanlar konsertdən sonra yenidən durğunluq olacağını düşünürdülər, lakin Aygün Kazımova aktiv həyatına davam edir…
– Əslində, mənim aktiv həyatım keçən ilin yanvarından başlayıb, hələ də davam edir.
– Yeni işlər var, amma deyəsən, gizlədirsiniz…
– Bəli, var. Üç gün öncə bir klipi bitirdik. Hətta çəkiliş zamanı yıxılmışam. Burnumdan zədə almışdım. Rejissora demişəm ki, necə edirsən, et, onu gizlət. Bundan başqa, ardı-arası kəsilmədən tamaşaçılarımız yeni layihələr görəcək.
– Yeni fotosessiyanız fərqli idi, yenə də insanları təəccübləndirdiniz…
– Bu, kişi imicini əks etdirən geyimlər idi. Mənə tamaşaçıların rəyi çox maraqlıdır. Dostlarım fotolarımı çox bəyəndiklərini söylədilər. Növbəti fotosessiyamız tam başqa olacaq. Klipdə görünüşüm tam başqa, o birində isə başqa cür olacaq. Gözəl xəbərlər var.
– Bu yaxınlarda “Cücələrim” layihəsi də oldu. Tamaşaçılar sizdən bunu gözləmirdi…
– Sıradan, hər kəsin görə biləcəyi bir şey mənlik deyil. Deyəndə ki bunu kim edə bilər? “Ay da, uy da, oy mama” kimi işlər mənlikdir.
– “Eurovision” təmsilçimizlə bağlı məlumatınız var? Mahnımızı bəyənmisiniz?
– Hələ mahnısını dinləməmişəm. Ancaq Ayseli tanıyıram. Vaxtımız var, müğənnini çox peşəkar şəkildə yarışmaya hazırlamaq olar. İnanıram ki, gözəl performans olacaq. Çünki Aysel istedadlı qızdır, mənim qızımla rəfiqədir. Ona uğurlar arzu edirəm. Hansısa dəstəyim lazım olsa, bilsin ki, hər zaman hazıram.
– Nə vaxtsa sizi o səhnədə görəcəyik?
– Bilirsiniz axı, “Eurovision”a qatılmaq biz sənətçilərin arzusu ilə olmur. Ona görə də, yəqin ki, mənə təklif olunsa, məmnuniyyətlə qəbul edərəm. Lakin iş orasıdır ki, elə bir təklif yoxdur (gülür).
– Hazırda səhnədə olan, öz sözünü demiş sənətçilərdən kimi “Eurovision”da görürsünüz?
– Çox adamı o səhnədə görürəm, ancaq adlarını çəkməyəcəm. Düşünürəm ki, peşəkarlar həmin müğənniləri hazırladıqdan sonra heç bir problem olmaz. Sadəcə, yaxşı hazırlaşmaq mütləqdir.
Əməkdar artist Tünzalə Əliyeva övladına qayınanasının baxdığını deyib.
Median.az axşam.az-a istinadən xəbər verir ki, aktrisa “10-dan sonra” verilişində uzun müddətdir qayınanasının onlarla yaşadığını söyləyib:
“Qayınanam olmasaydı, heç bir işimin arxasınca gedə bilməzdim. Hətta verilişə də gələ bilməzdim. Evdə körpə var. İl yarımdan çoxdur ki, qayınanam evini, həyat yoldaşını atıb bizdə qalır. Uşağıma o baxır”.
Əməliyyatla mədəsini kiçildən “Toppuş bacı” ləqəbli aktrisa 14 kiloqram arıqladığını söyləyib:
“Mədəmi kəsib atdılar. Mədəmi o qədər balacalaşdırıblar ki, indi onu üç yarpaqdolması ilə genişləndirmək istəyirik. 20 günə 14 kiloqram çəki atdım”.
Xalq artisti, mərhum musiqiçi Rəşid Behbudovun qızı Rəşidə Rəşid Xalq artisti Faiq Ağayevə etiraz edib.
Median.az Modern.az-a istinadən xəbər verir ki, Rəşidə Rəşid açıqlamasında bildirib ki, Faiq Ağayev Türkiyənin məşhur müğənnilərindən biri Müşərrəf Akayla birlikdə “Sənə də qalmaz” mahnısını səsləndirsə də, Rəşid Behbudovun adını çəkməyib:
“Bilirsiniz ki, “Sənə də qalmaz” mahnısıTofiq Quliyev tərəfindən 1960-cı illərdə yazılıb və sözləri Rəsul Rzaya məxsusdur. Bu mahnını bəstəkar atam üçün yazıb və mahnı ilk dəfə Rəşid Behbudov tərəfindən ifa edilib.
Faiq Ağayev türk müğənnisi Müşərrəf Akayla birlikdə “Sənə də qalmaz” mahnısını bir verilişdə səsləndirib. Təəssüf edirəm ki, o, mahnı haqqında məlumat verərkən atamın adını çəkməyib. Düzdür, sonralar bu mahnını bir neçə şəxs də səsləndirib. Lakin mahnının damğasını vuran Rəşid Behbudovdur”.
Qeyd edək ki, xalq artisti Faiq Ağayev “Facebook” hesabında Türkiyə müğənnisi Müşərrəf Akayla birlikdə səsləndirdiyi “Sənə də qalmaz” ifasının videosunu paylaşıb. Müğənni paylaşımında Müşərrəf Akayın TRT – də yayımlanacaq “Aziz dostlar” adlı verilişin ilk qonağı olduğunu bildirib
Müğənni Miri Yusif yeni doğulan övladının fotosunu paylaşıb.
Median.Az-ın Axşam.az-a istinadən məlumatına görə, şəkildə sənətçinin həyat yoldaşı Nərgiz də yer alıb.
M.Yusif 224 minlik İnstaqramında yayımladığı fotoya “Mir Cahidimiz…” şərhini yazıb.
Qeyd edək ki, Miri Yusif və Nərgiz cütlütyünün üç övladı var.
Gecələrin birində iki küsülü məşhur yenidən bir araya gəlib. Söhbət xalq artisti Aygün Kazımova və əməkdar artist Tünzalə Ağayevadan gedir.
Baku.ws xəbər verir ki, Kazımova Ağayevanı görməzdən gəlib. Hətta xalq artisti bir baxışını belə əməkdar artistə qıymayıb. Tərəflər bir sırada əyləşsələr də onları bir-birindən həmkarları ayırıb.
Hər iki ulduz sənət yoldaşları ilə deyib gülsələr də, bir-biri ilə nə kəlmə kəsdilər, nədə ki göz-gözə gəldilər. Məclisdə məşhurların aralasında yaşanan gərginlik pik həddə çatıb.
Gecədə lentə alınan görüntüləri sizə təqdim edirik:
Müğənni Afaq Aslan bu dəfə də izləyicilərinin diqqətini çəkməyi bacarıb.
Baku.ws-in məlumatına görə, xanım ifaçı ARB TV-də yayımlanan “Açıq pəncərə” verilişinə dəvət alıb. Çəkiliş meydançasına çox qısa geyimdə gələn müğənni hər kəsin diqqətini çəkib.
Sosial şəbəkədə həmin verilişdən fotolarını paylaşan müğənni haqqında qısa zamanda çox sayda şərh yazılıb.
İzləyicilərin bəzisi geyimi Afaqa yaraşdırsa da onu tənqid edənlər də az olmayıb.
Həmin sözügedən görüntüləri təqdim edirik:
