Category: Siyasət

Prezident İlham Əliyev Qvineya-Bisau, Surinam, Bəhreyn Krallığı, Anqola Respublikası, Cibuti Respublikası, Maldiv Respublikası və Dominikan Respublikası hökumətləri ilə Azərbaycan Hökuməti arasında imzalanmış sazişləri təsdiqləyib.

Median.Az President.az-a istinadən xəbər verir ki, dövlət başçısı bununla bağlı müvafiq qanunları imzalayıb.

Sənədə əsasən,

– Azərbaycan Respublikası Hökuməti ilə Qvineya-Bisau Respublikası Hökuməti arasında diplomatik, xidməti və xüsusi pasport sahiblərinin vizadan qarşılıqlı azad edilməsi haqqında Saziş;

– Azərbaycan Respublikası Hökuməti ilə Surinam Respublikası Hökuməti arasında diplomatik və xidməti pasport sahiblərinin viza tələbindən azad edilməsi haqqında Saziş;

– Azərbaycan Respublikası Hökuməti ilə Bəhreyn Krallığı Hökuməti arasında diplomatik pasport sahiblərinin viza tələblərindən azad edilməsi haqqında Saziş;

– Azərbaycan Respublikası Hökuməti ilə Anqola Respublikası Hökuməti arasında diplomatik və xidməti pasport sahiblərinin vizadan qarşılıqlı azad edilməsi haqqında Saziş;

– Azərbaycan Respublikası Hökuməti ilə Cibuti Respublikası Hökuməti arasında diplomatik və xidməti pasport sahiblərinin viza tələblərindən azad edilməsi haqqında Saziş;

– Azərbaycan Respublikası Hökuməti ilə Maldiv Respublikası Hökuməti arasında ümumvətəndaş pasport sahiblərinin viza tələbindən qarşılıqlı azad edilməsi haqqında Saziş;

– Azərbaycan Respublikası Hökuməti ilə Dominikan Respublikası Hökuməti arasında diplomatik və xidməti/rəsmi pasport sahiblərinin viza tələbindən azad edilməsi haqqında Saziş təsdiqlənib.

Qeyd edək ki, sənədlər bu ilin sentyabr ayında Nyu-York şəhərində imzalanıb.

Prezident İlham Əliyev Azərbaycan Respublikası Fövqəladə Hallar Nazirliyi əməkdaşlarının təltif edilməsi haqqında Sərəncam imzalayıb.

Median.Az President.az-a istinadən xəbər verir ki, Xidməti vəzifələrini yerinə yetirərkən fərqləndiklərinə görə Azərbaycan Respublikası Fövqəladə Hallar Nazirliyinin aşağıdakı əməkdaşları təltif ediliblər:

“Azərbaycan Bayrağı” ordeni ilə

Mirzəyev Rəfail Xalid oğlu – general-leytenant

1-ci dərəcəli “Vətənə xidmətə görə” ordeni ilə

Abdullayev Qüdrət Həsən oğlu – general-mayor

2-ci dərəcəli “Vətənə xidmətə görə” ordeni ilə

Adıgözəlov Elçin Şirxan oğlu – general-mayor

Məmmədov Vidadi Məmməd oğlu

3-cü dərəcəli “Vətənə xidmətə görə” ordeni ilə

Hüseynov Xaliq Tapdıq oğlu – polkovnik

Musayev Füzuli İsa oğlu – polkovnik

Səmədov Hikmət Vasif oğlu – polkovnik

Nəcəfov Peyman Mehman oğlu – polkovnik-leytenant

3-cü dərəcəli “Əmək” ordeni ilə

Əsədov Elxan Xəlil oğlu

“Tərəqqi” medalı ilə

Əhmədov Eldar Paşa oğlu

Əmrahov Azad Tahir oğlu

Quliyev Elçin Malik oğlu

“Hərbi xidmətlərə görə” medalı ilə

Mirzəyev Şahin Əyyub oğlu – general-mayor

Məmmədli Cavid Qafar oğlu – polkovnik

Ağasiyev Ağasi Murad oğlu – polkovnik-leytenant

Cəfərov Natiq Oqtay oğlu – polkovnik-leytenant

Əsgərov Vüqar Nadirəli oğlu – polkovnik-leytenant

Əliyev Rüfət Zöhrab oğlu – mayor

Rzayev Akif Məhərrəm oğlu – mayor

Qalayev Zamin Zelan oğlu – gizir

Məmmədova Sevinc Xəzər qızı – gizir

“Dövlət qulluğunda fərqlənməyə görə” medalı ilə

Əmiraslanov Xəzər Kamal oğlu

Əsədov Rüfət Nadir oğlu

İbrahimov Elçin Eldəniz oğlu

Qurbanov Kamal Vaqif oğlu

Nəsirov İsmayıl Rauf oğlu

Ömərli Vüsalə Saleh qızı

2-ci dərəcəli “Fövqəladə hallar orqanlarında xidmətdə fərqlənməyə görə” medalı ilə

Fəradov Rüfət Lətif oğlu – daxili xidmət general-mayoru

3-cü dərəcəli “Fövqəladə hallar orqanlarında xidmətdə fərqlənməyə görə” medalı ilə

Nəsirli Mehmandar İslam oğlu – daxili xidmət polkovnik-leytenantı

Zeynalov Famil Tofiq oğlu – daxili xidmət baş leytenantı

Cəfərov Ehtiram Fazil oğlu – daxili xidmət baş çavuşu

Əkbərov Azər Valeh oğlu – daxili xidmət baş çavuşu

Ələskərov Murad Kamal oğlu – daxili xidmət baş çavuşu

Həsənov Cəsarət Ziyəddin oğlu – daxili xidmət baş çavuşu

Həsənov Ramil Amil oğlu – daxili xidmət baş çavuşu

Xəlilov Ramil Ələkbər oğlu – daxili xidmət baş çavuşu

İmanov Yəhya Səfər oğlu – daxili xidmət baş çavuşu

Rzayev Məhəmməd Amil oğlu – daxili xidmət baş çavuşu.

Prezident İlham Əliyev İdxal-ixrac, tranzit, nəqliyyat və logistika üzrə fəaliyyətin rəqəmsallaşdırılması ilə bağlı əlavə tədbirlər haqqında Fərman imzalayıb.

Median.Az bununla bağlı President.az-a istinadən xəbər verir.

Fərmanla “Bir pəncərə” informasiya sistemi yaradılır.

Müəyyən edilir ki, xarici ticarət fəaliyyətinin həyata keçirilməsi ilə bağlı Sistem vasitəsilə aşağıdakılar təmin edilir:

1. tələb olunan sənədlərin, o cümlədən kommersiya və nəqliyyat sənədlərinin təqdim edilməsi;

2. nəqliyyat vasitələrinə və daşınan mallara dair tələb olunan sənədlərin və məlumatların elektron qaydada tərtib edilməsi;

3. sərhədkeçmə prosedurları, daşıma qaydaları və şərtləri ilə bağlı məlumat verilməsi, eləcə də istifadəçilərin müraciətlərinin qəbulu və cavablandırılması;

4. yükdaşıma müqavilələrinin elektron qaydada bağlanılması, eləcə də bağlanılmış müqavilələrin təqdim olunması;

5. daşınan yüklərin bütün hərəkət marşrutu boyunca izlənilməsi;

6. ödənişlər aparılması, eləcə də həmin fəaliyyətlə bağlı statistik məlumatların əldə edilməsi.

Sistemin sahibi funksiyalarını Azərbaycan Respublikasının Nazirlər Kabineti, operatoru funksiyalarını isə Azərbaycan Respublikasının Rəqəmsal İnkişaf və Nəqliyyat Nazirliyi həyata keçirir.

Sistemlə lisenziya və icazələr (o cümlədən uyğunluğunun qiymətləndirilməsi ilə bağlı sertifikatlar və şəhadətnamələr), gömrük, vergi, qida təhlükəsizliyi, kənd təsərrüfatı, avtomobil nəqliyyatı sahələrində dövlət xidmətləri göstərilməsi, vergi ödəyicilərinin dövlət qeydiyyatı və uçotu, fiziki şəxslərin identikləşdirilməsi, ölkəyə gəlməsi, qeydiyyatı və ölkədən getməsi ilə bağlı informasiya sistemləri və ehtiyatları, habelə mülki aviasiya, dəmir yolları və dəniz nəqliyyatı sahələrində fəaliyyət göstərən qurumların, eləcə də ödənişlər aparılması, mülki məsuliyyətin və daşınan yüklərin sığortalanması üzrə ödəniş xidməti təchizatçılarının (kredit təşkilatlarının) və sığorta təşkilatlarının informasiya sistemləri və ehtiyatları arasında Azərbaycan Respublikasının normativ hüquqi aktları (məlumatların tərkibinin və məlumat mübadiləsinin hüquqi əsaslarını tənzimləyən) ilə müəyyən edilmiş hədlərdə məlumat mübadiləsi Elektron Hökumət İnformasiya Sistemi üzərindən aparılır.