Median.Az

Month: May 2024

  • Lənkəranda əsas təkandan sonra xırda afterşoklar qeydə alınıb

    Lənkəranda bu gün qeydə alınan əsas təkandan sonra ərazidə bir neçə xırda afterşok qeydə alınıb.

    Bu barədə “Report”a Azərbaycan Milli Elmlər Akademiyası nəzdində Respublika Seysmoloji Xidmət Mərkəzindən bildirilib.

    Hazırda Mərkəzin Zəlzələlərin Tədqiqatı bürosu tərəfindən monitorinq davam etdirilir.

    Respublika Seysmoloji Xidmət Mərkəzinin Zəlzələlərin Tədqiqatı Bürosunun məlumatına görə, bu gün saat 17:23-də Azərbaycanın cənub bölgəsində zəlzələ baş verib. Ocağı 19 kilometr dərinlikdə yerləşən zəlzələ episentrdə 6 bala yaxın, Lənkəran, Lerik, Yardımlı, Cəlilabad, Astara, Neftçala, Masallı, Biləsuvar, Saatlı, Salyan, Beyləqan, İmişli, Füzuli və digər rayonlarda 5-3 bala qədər hiss olunub.

  • Азербайджанский паратхэквондист стал чемпионом Европы

    Азербайджанский спортсмен Имамеддин Халилов завоевал золотую медаль в весовой категории 70 кг на чемпионате Европы по паратхэквондо, проходящем в Сербии.

    Как сообщает Median.Az, в финале И.Халилов одолел соперника из Турции.

    Отметим, что Имамеддин и в прошлом году завоевал золотую медаль континентального первенства, которое прошло в Роттердаме.

  • Azərbaycan parataekvondoçusu Avropa çempionatında qızıl medal qazanıb

    Serbiyada keçirilən parataekvondo üzrə Avropa çempionatında Azərbaycan təmsilçisi İmaməddin Xəlilov 70 kq çəki dərəcəsində qızıl medal qazanıb.

    Median.Az xəbər verir ki, o, finalda türkiyəli rəqibini məğlub etməklə fəxri kürsünün ən yüksək pilləsinə qalxıb.

    Qeyd edək ki, parataekvondoçu ötən il Rotterdamdakı analoji yarışda da qitənin ən güclüsü olmuşdu.

  • Sumqayıtda zəncirvari qəza: Xəsarət alan var – FOTO

    Sumqayıtda zəncirvari qəza baş verib.

    “Report” xəbər verir ki, hadisə şəhərin Çerkassi küçəsində qeydə alınıb.

    “Chevrolet Cruze” markalı avtomobil əvvəlcə hərəkətdə olan “Opel Meriva” markalı, sonra isə yol kənarında dayanan “VAZ 2107” markalı avtomobillərə çırpılıb.

    Hadisə zamanı “Opel” markalı avtomobilin sərnişini, 1999-cu il təvəllüdlü Rahil Kazımov xəsarət alıb. Yaralı TTYX-nın briqadasının köməkliyi ilə dərhal xəstəxanaya çatdırılıb.

    Faktla bağlı araşdırma aparılır.

  • Rusiyada yeni hökumətin strukturu məlum olub

    Rusiya Prezidenti Vladimir Putinin fərmanına əsasən, yeni hökumətdə  nazirliklərin sayı və adları dəyişməz olaraq qalıb.

    Ümumilikdə Nazirlər Kabinetinin strukturuna 21 nazirlik daxildir. Onlardan beşi (Xarici İşlər Nazirliyi, Müdafiə Nazirliyi, Daxili İşlər Nazirliyi, Fövqəladə Hallar Nazirliyi, Ədliyyə Nazirliyi) birbaşa dövlət başçısına tabedir. Qalanlarının rəhbərləri baş nazirə hesabat verirlər.

    Həmçinin prezidentə və ya müvafiq nazirliklərə tabe olan federal xidmətlərin adları da qorunub saxlanılıb. Yeganə dəyişiklik Rusiya Müdafiə Nazirliyinin yurisdiksiyasından birbaşa prezidentə tabe edilən Hərbi-Texniki Əməkdaşlıq üzrə Federal Xidmətin statusudur.

    Ümumilikdə, indi federal orqanların strukturuna 17 agentlik və 29 xidmət daxildir.

    Bununla yanaşı, yeni hökumətdə baş nazirin on müavini olacaq.

    Mənbə: TASS

  • В Азербайджан из РФ экстрадированы находившиеся в международном розыске 5 человек

    Генеральная прокуратура Азербайджана обеспечила экстрадицию в страну пятерых граждан, подозреваемых в совершении различных преступлений.

    Об этом сообщили Report в пресс-службе Генпрокуратуры.

    Согласно информации, в соответствии с “Конвенцией о правовой помощи и правовых отношениях по гражданским, семейным и уголовным делам” от 7 октября 2002 Генеральная прокуратура РФ удовлетворила запросы об экстрадиции в страну граждан Азербайджана Гасанова Эльвина Валех оглу, Джавадова Эмина Сейфулла оглу, Масимова Забита Джафар оглу, Мамедова Али Теймур оглу и Сулейманова Микаила Фикрет оглу.

    Последний был привлечен в качестве подозреваемого по делу о незаконном приобретении, хранении, изготовлении, переработке и транспортировке наркотических средств или психотропных веществ в крупных размерах без цели сбыта, остальные лица подозреваются в мошенничестве.

    Указанные лица были задержаны на территории Российской Федерации и доставлены в Азербайджан 8 мая под надзором спецконвоя Пенитенциарной службы Минюста.

  • Beynəlxalq axtarışda olan 5 nəfər şəxsin ölkəmizə ekstradisiyası təmin edilib

    “Mülki, ailə və cinayət işləri üzrə hüquqi yardım və hüquqi münasibətlər haqqında” 07.10.2002-ci il tarixli Konvensiyanın tələblərinə uyğun olaraq Azərbaycan Respublikasının vətəndaşları Həsənov Elvin Valeh oğlu, Cavadov Emin Seyfulla oğlu, Məsimov Zabit Cəfər oğlu, Məmmədov Əli Teymur oğlu və Süleymanov Mikayıl Fikrət oğlunun ekstradisiyaları haqqında Baş Prokurorluğun vəsatətləri Rusiya Federasiyasının Baş Prokurorluğu tərəfindən təmin edilib.

    Bu barədə “Report”a Baş Prokurorluğun Mətbuat xidmətindən bildirilib.

    Belə ki, Süleymanov Mikayıl Fikrət oğlunun satış məqsədi olmadan qanunsuz olaraq narkotik vasitələri və ya psixotrop maddələri külli miqdarda əldə etmə, saxlama, hazırlama, emal etmə, daşıma cinayətini, Cavadov Emin Seyfulla oğlu, Məsimov Zabit Cəfər oğlu, Məmmədov Əli Teymur oğlu xeyli miqdarda, Həsənov Elvin Valeh oğlunun isə külli miqdarda ziyan vurmaqla dələduzluq cinayətlərini törətmələrinə əsaslı şübhələr müəyyən edildiyindən, barələrində təqsirləndirilən şəxs qismində cəlb etmə haqqında qərar qəbul edilib və onlar istintaqdan qaçıb gizləndiklərinə görə beynəlxalq axtarışa veriliblər.

    Qeyd olunan şəxslər Rusiya Federasiyasının ərazisində saxlanılaraq mayın 8-də Ədliyyə Nazirliyi Penitensiar Xidmətin xüsusi konvoyunun müşayiəti ilə Azərbaycana gətiriliblər.

  • Naxçıvanda yol qəzası olub, xəsarət alan var

    Naxçıvan şəhəri ərazisində yol qəzası baş verib, xəsarət alan var.

    “Report”un yerli bürosu xəbər verir ki, hadisə Tumbul kəndi ərazisində qeydə alınıb.

    Yük və minik avtomobillərinin toqquşması nəticəsində Naxçıvan şəhər sakini, 2008-ci il təvəllüdlü İsmayılov İbrahim Məhəmməd oğlu xəsarət alıb. O, Naxçıvan Mərkəzi Xəstəxanasına yerləşdirilib.

    Faktla bağlı araşdırma aparılır.

  • Azərbaycanda zəlzələnin hiss edildiyi rayonlar açıqlanıb – YENİLƏNİB

    Respublika Seysmoloji Xidmət Mərkəzinin Zəlzələlərin Tədqiqatı Bürosu mayın 11-də Azərbaycanın cənub bölgəsində baş vermiş zəlzələ ilə bağlı yeni məlumat açıqlayıb.

    Məlumatda bildirilib ki, ocağı 19 kilometr dərinlikdə yerləşən zəlzələ episentrdə 6 bala yaxın, Lənkəran, Lerik, Yardımlı, Cəlilabad, Astara, Neftçala, Masallı, Biləsuvar, Saatlı, Salyan, Beyləqan, İmişli, Füzuli və digər rayonlarda 5-3 bala qədər hiss olunub.

    ***

    Zəlzələ nəticəsində hər hansı dağıntı və ya insan xəsarəti barədə bu vaxtadək Fövqəladə Hallar Nazirliyinə (FHN) məlumat daxil olmayıb.

    Bu barədə FHN-nin Mətbuat Xidmətindən bildirilib.

    Azərbaycan Milli Elmlər Akademiyası nəzdində Respublika Seysmoloji Xidmət Mərkəzindən Fövqəladə Hallar Nazirliyinin Böhran Vəziyyətlərində İdarəetmə Mərkəzinə daxil olmuş ilkin məlumata əsasən, 11.05.2024-cü il tarixində yerli vaxtla saat 17:23-də Lənkəran seysmik stansiyasından 16 kilometr şimal-qərbdə, Lənkəran şəhəri, Bəliton kəndi ərazisində 18 kilometr dərinlikdə 5.2 maqnituda zəlzələ qeydə alınıb.

    Zəlzələ episentrdə 6 bala yaxın, ətraf rayonlarda 3-5 bala qədər hiss olunub.

    ***

    Azərbaycanın cənub bölgəsində güclü zəlzələ olub.

    Oxu.az xəbər verir ki, bu barədə Azərbaycan Milli Elmlər Akademiyası Nəzdində Respublika Seysmoloji Xidmət Mərkəzi məlumat yayıb.

    Belə ki, Zəlzələlərin Tədqiqatı Bürosunun məlumatına əsasən, Lənkəran ərazisində zəlzələ qeydə alınıb. Zəlzələ episentrdə 6 bala yaxın ətraf rayonlarda 3-5 bala qədər hiss olunub.

    Yeraltı təkanların ocağı 18 kilometr dərinlikdə yerləşib.

  • Təhsil sektoruna yeni rəhbər təyin olundu

    Vüsal Cəfərov Daşkəsən rayon təhsil sektorunun müdiri təyin olunub.

    Median.Az Report-a istinadən xəbər verir ki, bununla bağlı Gəncə-Daşkəsən Regional Təhsil İdarəsinin müdiri Anar Qədiməliyev əmr imzalayıb.

    O, bu təyinatadək Samux rayon təhsil sektorunda aparıcı məsləhətçi işləyib.

    Digər əmrlə Daşkəsən rayon təhsil sektorunun müdiri Elmir Cəfərov isə vəzifəsindən azad edilib.