Biləsuvar və Qəbələ sakinlərində silah-sursat aşkarlanıb.
Bu barədə Daxili İşlər Nazirliyinin (DİN) Mətbuat Xidmətindən məlumat verilib.
Belə ki, Biləsuvar Rayon Polis Şöbəsi (RPŞ) əməkdaşları tərəfindən sentyabrın 11-də Mahmudçala adlanan ərazidə qanunsuz ov edən B.Teymurov saxlanılıb və ondan müvafiq sənədləri olmayan “İJ” markalı ov tüfəngi götürülüb.
Qəbələ RPŞ əməkdaşlarının daxil olan məlumat əsasında keçirdikləri əməliyyat-axtarış tədbirləri nəticəsində R.Şərifovdan müvafiq sənədləri olmayan “TOZ-16” və “TOZ-32” markalı tüfənglər, 16 ədəd patron, bir ədəd patron kəməri və 4 ədəd giliz götürülüb.
