İstanbulda keçirilən ənənəvi “Turkish Open” turnirinin ilk günündə taekvondo millimizin bir üzvü qızıl medal qazanıb.
Bu, İran əsilli idmançımız Milad Beiqidir. Hələ ki Olimpiadada iştirakı rəsmiləşmiş yeganə taekvondoçumuz olan Milad 87 kq çəki dərəcəsində bütün rəqiblərindən üstün olub.
Bu gün mübarizəyə qoşulmuş digər beş taekvondoçumuz isə medalsız qalıb.
Qeyd edək ki, sabah və birisigün də taekvondoçularımız yarışda qüvvəsini sınayacaq.
