Bakıda fəhlə itkin düşüb.
APA-nın məlumatına görə, Sabunçu rayon sakini Gülzar İsayeva rayon Polis İdarəsinin 12-ci Polis Şöbəsinə müraciət edib.
O, Sabunçu rayon bazarında və Nizami rayonundakı “8 km bazarı”nda fəhlə işləyən, 1973-cü il təvəllüdlü qardaşı Salman Cəlilovun itkin düşdüyünü bildirib.
G.İsayeva ərizəsində qeyd edib ki, qardaşını sonuncu dəfə aprelin 6-da Sabunçu qəsəbəsi, Ə.Məmmədəliyev küçəsi, 5 ünvanında görüb.
Faktla bağlı araşdırma aparılır.
