Median.Az xəbər verir ki, iyulun 22-i gecə saat 1 radələrində Şahverdili kəndi ərazisində, naməlum şəxslər Goranboy rayon sakini R.Məmmədova zor tətbiq edib 54 manat pulunu, mobil telefonunu, gümüş boyunbağını və yaddaş kartını ondan alıblar.
İmişli RPŞ əməkdaşlarının keçirdikləri əməliyyat-axtarış tədbirləri nəticəsində rayon sakinləri S.Hüseynov və əvvəllər məhkum olunmuş A.İbrahimbəyli saxlanılıblar.
RPŞ İstintaq bölməsində CM-nin 180.2.1-ci (soyğunçuluq, qabaqcadan əlbir olab bir qrup şəxs tərəfindən törədildikdə) maddəsi ilə cinayət işi başlanılıb.
