Tovuzda ölümlə nəticələnən ağır yol-nəqliyyat hadisəsi baş verib.
APA-nın məlumatına görə, hadisə rayonun Əlimərdanlı kəndində qeydə alınıb.
Hərəkətdə olan “KamAZ” markalı yük maşını aşıb. Nəticədə bir nəfər ölüb, dörd nəfər isə yaralanıb.
Hadisə yerinə FHN-in əməkdaşları cəlb olunub. Yaralılar xəstəxanaya yerləşdirilib.
Hadisənin başvermə səbəbləri araşdırılır.
