Meksikada hökumət 31 ştatdan 22-də anomal istilər səbəbindən fövqəladə vəziyyət elan edib.
Bu məlumat ölkənin milli mülki müdafiə xidməti tərəfindən verilib.
Məlumatlara görə, fövqəladə vəziyyət birdən-birə 573 bələdiyyədə tətbiq edilib. Bunlar Aşağı Kaliforniya, Cənubi Aşağı Kaliforniya, Verakrus, Qerrero, Duranqo, Kampeçe, Kintana-Roo, Koauila, Kolima, Miçoakan Nayarit, Nuevo-Leon, Oaxaka, Puebla, San-Luis-Potosi, Sinaloa, Sonora, Tabasko, Tamaulipas, Çiuaua, Çyapas və Yukatan ştatlarında yerləşir.
Bəzi yerlərdə havanın temperaturu 45-50 dərəcəyə çatıb.
Mayın 30-da yayımlanan məlumatda Meksikanın paytaxtında son 100 ilin temperatur rekordunun qırdığını bildiriblər. Həmin gün Mexikoda 31,7 dərəcə isti qeydə alınıb. Sonuncu dəfə belə temperatur 1919-cu ildə qeydə alınıb.
