Category: Dəb

Yaş artdıqca üslub təbii şəkildə dəyişir. Bu, dar top geyimlərinin yerini zərif bluzlara verməsi deməkdir. Lakin bəzən görünüşü dəyişən təkcə geyim forması deyil, həm də rəngidir. Düzgün seçilmiş rəng tonları dərinin rəngini təravətləndirir, enerjili görünüş yaradır və üz cizgilərini daha hamar və gənc göstərir. 

“Bestlifeonline” nəşrinin məlumatına görə, stilistlər qadını cavanlaşdıran altı uğurlu rəng çalarını açıqlayıblar.

1. Tünd mavi

“Bəzi parlaq rənglər yaş artdıqca üzdə sərt kontrast yaradır, çünki üz cizgiləri yumşalır, saçlar ağarır”, deyə imic stilisti Elizabet Kosiç izah edib.

Onun sözlərinə görə, qara rəng ən sərt ton hesab olunur və o, bunu tünd mavi ilə əvəz etməyi tövsiyə edir: “Tünd mavi sizin yeni neytral rənginiz ola bilər. Qaranın yerini asanlıqla tutur, çünki həm güc simvoludur, həm də etibar, sədaqət və özünəinamı ifadə edir”.

2. Bənövşəyi

Yaş artdıqca parlaq rənglərdən tamamilə imtina etməyə ehtiyac yoxdur. Əgər 50 yaşdan yuxarısınızsa və obrazınıza daha cəsarətli effekt qatmaq istəyirsinizsə, bir qədər bənövşəyi rəng əlavə etmək tövsiyə olunur. Bu rəng sizi aktual və dəbli göstərir, həm də aksent tonu kimi çox uğurlu sayılır.

3. Yumşaq ağ

Parlaq ağ rəng hər yaşda eyni effekti yaratmır. İmic məsləhətçisi Kerol Devidson qeyd edir ki, yaş artdıqca dərinin rəngi açılır və parlaq ağ ton daha sərt görünə bilər. Onun fikrincə, fil sümüyü rəngi də bəzi dəri tonlarında sarımtıl-yaşıl effekt yarada bilər.

Çıxış yolu isə yumşaq ağ rəngdir: “Yumşaq ağ ilboyu geyim dəbinin ayrılmaz hissəsidir və bütün dəri tonlarına yaraşır”.

4. Tünd qırmızı

Moda eksperti Mariya Velniçeriunun sözlərinə görə, tünd qırmızı zəriflik və dəbdəbə çalarıdır. Onu həm əsas, həm də vurğu rəngi kimi geyinmək olar.

“Hər iki halda, bordo üsluba yetkinlik və incəlik qatı verir”, deyə o bildirib.

5. Açıq çəhrayı (rumyana ton)

Əgər bənövşəyi və bordo rənglər sizə çox parlaq görünürsə, daha yumşaq rumyana-çəhrayı ton seçmək olar. Stil eksperti Vivyen Desürmon qeyd edir ki, bəzi yaşlı qadınlar çəhrayını çox gənc və ya qeyri-ciddi hesab etdiklərinə görə ondan uzaq dururlar, lakin bu, yanlış yanaşmadır.

“Nazik rumyana çəhrayı rəng qadınlıq və təravət hissi yaradır, bütün dəri tonlarına yaraşır və həm gündəlik, həm də rəsmi geyimlərdə uğurla istifadə oluna bilər”, deyə Desürmon izah edib.

6. Zeytun-yaşıl

Son illərdə yaşıl tonlar modada əsl yüksəliş dövrü yaşayır. Elizabet Kosiç zeytun-yaşıl geyimlərə üstünlük verməyi tövsiyə edir, çünki bu rəng həm açıq, həm tünd, həm isti, həm də soyuq tonlarda təqdim olunur.

“Dərinin, saçın və gözlərin tonuna ən uyğun olan zeytun-yaşıl çaları seçin və onu, məsələn, parlaq qırmızı kimi vurğu rənglə birləşdirin”, deyə stilist məsləhət görür.

Nəticə: Düzgün rəng seçimi təkcə dəbdə qalmağın deyil, həm də cavan görünməyin açarıdır. Bu altı ton geyimə təravət, yumşaqlıq və zəriflik qatır.
//qaynar.az

“Who What Wear” nəşrinin moda redaktorları 2025-ci ilin yay mövsümünün əsas trendlərini sadalayıblar.

Müvafiq material nəşrin saytında dərc olunub.

Şərhçilər toz-çəhrayı rəngi ən aktual rəng kimi qeyd ediblər, dama və çiçək naxışları isə əsas bəzəklər hesab olunub. Bundan əlavə, 1980-ci illərdə xüsusilə məşhur olan yarımşəffaf tüldən hazırlanmış geyimlər, fənər qollu paltarlar və irihəcmli ətəklərə tələbatın artdığı bildirilib. Həmçinin, həvəskarlara parlaq çantaları nəzərdən keçirmək tövsiyə olunub.

Baza qarderobuna gəldikdə isə, ağ maykalar və kostyumlar trend olaraq qalır. Bu mövsümdə topuqlu ayaqqabılar da ön plana çıxır.

Qeyd olunub ki, eyni zamanda idman geyimləri ilə bayram və gündəlik qarderob elementlərini birləşdirən dəniz üslubu və idman dəbi də aktual trendlər sırasındadır.

“Loewe” dünyanın ən məşhur geyim brendi seçilib.

Müvafiq siyahı moda sənayesində istehlakçı davranışının təhlili üzrə ixtisaslaşmış “Lyst” platformasının mütəxəssisləri tərəfindən tərtib edilib.

İspaniyanın “Loewe” brendi İtaliyanın “Miu Miu” brendini birinci yerdən sıxışdırıb. Reytinqdə üçüncü yeri tutan “Prada” həm də dünyanın ən məşhur pərakəndə satış şirkətlərindən biri seçilib. İlk beşliyi “Saint Laurent” və “Bottega Veneta” moda evləri tamamlayıb.

Eyni zamanda, “Versace” və “Balenciaga” brendləri 2024-cü ilin birinci rübü üçün aprel ayında dərc edilən eyni siyahı ilə müqayisədə bir pillə irəliləyib. Səkkizinci yerdə populyarlığı məşhur “Resort” sərgisi və Cənubi Koreyalı müğənni Cenni ilə əməkdaşlıq sayəsində artan “Jacquemus” qərarlaşıb. Ondan sonra altıncı yerdən doqquzuncu yerə düşmüş “Moncler” brendi gəlir və ilk onluğu “Gucci” tamamlayır.

Siyahıya adları çəkilən istehsalçılardan əlavə “Valentino”, “Skims”, “Burberry”, “New Balance”, “Louis Vuitton”, “The Row”, “Alaia”, “JW Anderson”, “Dolce & Gabbana” və “Couch” daxildir.

Mini ətəklər qadın qarderobunun əsas elementi olduğu üçün heç vaxt dəbdən düşmür, amma illər keçdikcə onların da dəbi dəyişir.

2024-cü ilin yazı özü ilə bir çox maraqlı tendensiyalar gətirir, onların arasında mini ətəklər xüsusi yer tutur.

Bu il istənilən mini ətək demək olar ki, dəbdədir. Onların arasından xüsusilə qat-qat, düz, asimmetrik, və müxtəlif çaplarla olan ətəkləri vurğulamaq lazımdır.
//Lent.az

Azərbaycanda daha bir tanınmış brendin məhsulları zay çıxıb.

Median.Az xəbər verir ki, tanınmış aktyor-rejissor Namiq Ağayev “Zara”dan aldığı ayaqqabının fotosunu paylaşaraq, bu sözləri yazıb:

“”Zara”, səndən aldığım ayaqqabı iy verir”.

Qeyd edək ki, bir müddət öncə “Lady Sharm” firmasının məhsullarının da keyfiyyətsiz olduğu ortaya çıxmışdı.//ölkə.az

Xırda və dördkünc dabanlı incə çəkmələr Viktorian epoxasının məhsuludur.

Median.Az xəbər verir ki, onlar o dövrdən bəri moda radarına düşən bu çəkmələr aktuallığını itirmir. O, dövri olaraq öz yerini kobud modellərə verir, bununla belə, hər zaman aktaul alternativlərdən biri olaraq qalır və obraza zəriflik bəxş etmək istəyən qadınları istənilən vaxt vəziyyətdən xilas edir.

Önü nazik qaytanla bağlanan bu çəkmələr 1930-ci illərdə trend oldu, 1970-ci ildə yenidən dəbə qayıtdı, 2000-ci illərdə də qadınların diqqətindən kənar qalmadı.

Son illərdə bu çəkmələr öz populyarlığını “Celine” moda evinin kreativ direktoru Fibi Faylo və onun kolleksiyalarına borcludur. Bu gün ən zərif çəkmə dəbindən bir çox mode evləri cavabdehdir. Janna Damas, Mariya Bernard, Leya Cfez kimi fəşn bologerləri bu zərif qaytanlı ayaqqabılara heyrandır. Modapərəstlər onu cins şalvarlar, yumşaq kardiqan, ipək köynəklər, qısa şortlar – və gündəlik qarderobun istənilən elementi ilə uzlaşdırır. Əgər sizin belə bir çəkməniz yoxdursa, tezliklə şopinqə getməyə dəyər. Qara, qəhvəyi, ağ və bej rəngləri payız üçün ən yaxşı sərmayəniz olacaq. (publika.az)

“Daş salnamə” muzeyində “Azerbaijan Fashion Week” (Azərbaycan Moda Həftəsi) başlayıb.

Üç gün davam edəcək tədbirdə xarici, eləcə də, yerli kreativ və istedadlı dizaynerlərin hazırladığı geyim kolleksiyaları təqdim olunur.

Bir çox məşhur modellərin iştirakı ilə keçən tədbir “Azerbaijan Fashion Week”in sayca doqquzuncu mövsümüdür.

İlk gün tamaşaçılara yerli və xarici brendlərin yeni kolleksiyaları nümayiş olunub.

Podiuma sıravi modellərlə yanaşı, “Best model of Azerbaijan”ın qalibləri də çıxıblar.

Onlar məşhur brendlərə məxsus geyimləri sərgiləyiblər.

Məşhur modelyer, Əməkdar incəsənət xadimi Fəxriyyə Xələfova hazırladığı yeni kolleksiyasını dəbin sehrinə toplaşanlara təqdim edib. Gecədə dəbsevərlərin diqqətini al-əlvan rənglərdə hazırlanan libaslar və naxışlarla bəzədilmiş printli geyimlər cəlb edib.

//oxu.az

Bu mövsüm “bəbir” naxışlı və çalarlı geyimlər tədricən dəbdən düşür.

Məşhurlar arasında “ilan dərisini” imitasiya edən və ya ilan dərisindən olan geyimlərə tələb kəskin şəkildə artıb.

Dreyk “piton” naxışlı jilet geyinir, Lenni Kravits ilan dərisindən olan ayaqqabıya üstünlük verir, “stritstayl” üslubunda geyinənlər isə köynəkdən tutmuş mikroçantaya kimi az qala hər geyimlərində tətbiq edirlər.

Ötən gün “Fairmont Baku Flame Towers” hotelində “Azerbaijan Fashion Week”in 7-ci mövsümünə start verilib.

Azərbaycan Demokratik Respublikasının 100 illliyinə həsr olunan moda həftəsi üç gün davam edəcək.

Dəb həftəsinin ilk günü media nümayəndələri ilə görüşlə başlayıb.

Görüşdə Fransanın Azərbaycandakı səfiri Aureliya Buşez, Mərakeşin Azərbaycandakı səfiri Məhəmməd Adil Embarş, dəb həftəsinin xüsusi qonaqları məşhur fransız dizayner Patrik Boffa və mərakeşli dizayner Qonur Tassi çıxış edib.

Daha sonra səhnəyə moda həftəsində geyimləri nümayiş olunan dizaynerlər çıxıb.

Saat 19.00-da başlayan nümayişdə isə aralarında Fəxriyyə Xələfova və Cəlal Kəngərli olmaqla 9 dizaynerin geyimləri nümayiş olunub.

Dizaynerlərin ərsəyə gətirdiyi dekolteli və açıq-saçıq libaslar izləyənlərin diqqət mərkəzində olub.

Qeyd edək ki, tədbir bu gün və sabah davam edəcək.
/oxu.az