Median.Az xəbər verir ki, sentyabrın 22-də Sabirabad RPŞ-nə müraciət edən şəhər sakini İ.Əkbərov, mağazasına gələn yeniyetmənin ona 100 manatlıq əskinas verərək siqaret aldığını bildirib. Müştəri getdikdən sonra o, əskinazın saxta olduğunu aşkar edib.
Araşdırmaya başlayan polis əməkdaşlarına məlum olub ki, yeniyetməyə pulu iki həmyerlisi verib. Saxlanılan həmin şəxslər isə, 100 manatlıq əskinası Rəşad adlı şəxsdən aldıqlarını bildiriblər. Keçirilən əməliyyat-axtarış tədbirləri nəticəsində rayon sakini Rəşad Xəlilzadə saxlanılıb və onun əlavə olaraq 18 ədəd 100 manatlıq, 22 ədəd 50 manatlıq saxta əskinaslar hazırlaması müəyyən edilib.
RPŞ İstintaq bölməsində CM-nin 204-cü (saxta pul və ya qiymətli kağızlar hazırlama, əldə etmə və ya satma) maddəsi ilə cinayət işi başlanılıb.
