Şəkidə nişanlı qızın intihar etməsi ilə bağlı bəzi detallar məlum olub.
Şəkinin Aşağı Göynük kənd İnzibati Ərazi Dairəsi üzrə nümayəndəsi Əfqan Əliyev oxu.az-a bildirib ki, üç gün sonra 1997-ci il təvəllüdlü Sitarə Mirzəyevanın toyu olacaqmış:
“Qızın anası ilə nişanlısının ailəsi qohumdurlar. Aralarında heç bir problem yaşanmayıb. Sitarəgil ailədə dörd uşaqdırlar. İki bacısı ailəlidir. Üç gün sonra Sitarənin toyu olacaqdı. O, həyətdə özünü asıb. Niyə intihar etdiyi bilinmir”.
Əfqan Əliyev qeyd edib ki, qız sakit ailədə böyüyüb:
“Atası təsərrüfatla məşğuldur. Anası müəllimdir. Sitarə isə tibb kollecini bitirib. 21 yaşlı qızın belə bir addım atması hər kəsi təəccübləndirir”.
