Bakı Ağır Cinayətlər Məhkəməsində Kamal Fərhadov, Səyavuş Şəfiyev, Ramil Quliyev və Elçin Aslanovun CM-nin 177-ci (oğurluq) və 181-ci (quıldurluq) maddəsi ilə təqsirlnədirilmələrinə dair cinayət işi üzrə məhkəmə prosesi başa çatıb.
Median.Az xəbər verir ki, 2017-ci il mayın 12-də E.Aslanov S.Şəfiyevlə birlikdə Qəbələ rayonunda yaşayan Çiçək Məmmədovanın mal tövləsinə gizlicə girərək orada gizləniblər. Bir gün sonra, mayın 13-də Ç.Məmmədova evdən çıxdıqdan sonra edə giriblər və oradan 3.000 manat dəyərindəq qızıl əşyaları ələ keçiriblər.
Mayın 26-da Elçin, Kamal və Səyavuş Bakı şəhəri, Binəqədi rayonunda yaşayan Azər Məmmədovun evinə qanunsuz daxil olaraq, ev saibininə bıçaqla xəsarət yetirib, ayaqlarını yapışqanlı lentlə bağlayıblar. Daha sonra evdən 2.352 manat pul və 3.000 manat dəyərində qızıl əşyaları aparıblar.
İyunun 14-də Ramil Quliyev və Kamal Fərhadov Xətai rayonunda yaşayn Yuri Maksimovun evinə girərək, oradan 13000 manatlıq pul və qızıl əşyalar ələ keçiriblər, oktyabrın 22-də isə Səyavuş Şəfiyevlə Kamal Fərhadov Viktor Məmmədovun evinə qonşu adı ilə girib, oradan 3.375 manat pulu quldurluq yolu ilə ələ keçiriblər.
Məhkəmənin hökmü ilə E.Aslanov 11, K.Fərhadov 10, S.Şəfiyev və R.Quliyev 9 il müddətinə azadlıqdan məhrumetmə cəzalarına məhum olunublar.
