Qoç – liderlik məziyyətlərinizi və təşkilatçılıq bacarıqlarınızı göstərin.
Öz işlərinizi qaydaya salmaqla yanaşı, başqalarının problemlərini də həll edə bilərsiniz. Diskussiyalarda qətiyyətli olun. Ətrafınızdakı insanlar sizi dinləyəcək, anlamağa çalışacaqlar.
Günün ikinci yarısında romantik görüş ehtimalı yüksəkdir. Aktiv, nikbin olun. Əks cins mənsubu ilə qayğıkeş davranın. Ciddi münasibətlərin başlanmasını istəyirsinizsə, məqsədyönlü və iradəli davranın.
Buğa – ailə üzvləri ilə fikir ayrılıqları yarana bilər. Dəyər verdiyiniz insanlarla sərt, aqressiv danışmayın. Həddən artıq kritik olmayın. Ətrafınızdakı insanlar qarşısında ağır şərtlər və tələblər qoymayın. Münasibətlərdə köklü dəyişikliklər etmək zamanı deyil.
Günün ikinci yarısında qısqanclıq, umu-küsü ilə qarşılaşacaqsınız.
Mənfi emosiyalarınızı üzə çıxarmayın. Hirsli və qıcıqlı olmayın. Təmkinli davranış bir sıra münaqişələrin qarşısını alacaq. Sənədlərlə iş zamanı həddən artıq diqqətli olun. Ən kiçik səhv baha başa gələ bilər.
Əkizlər – ünsiyyət və müzakirələr üçün əlverişli zamandır. Danışıqlarla müzakirələrdə qarşı tərəfin gizli istəkləri və əsl niyyətini anlamağa çalışın. Küsənləri barışdırın. Yaxınlarınıza məsləhətlər verin, qarşıdurmadan yayınmanın yollarını göstərin.
Günün ikinci yarısında müsbət təmayüllərin təsiri güclənəcək.
Yeni biliklər və informasiya əldə etməyə can atın. Enerjinizi gərəkli istiqamətə yönəltsəniz az sonra yaxşı nəticələr əldə olunacaq.
Xərçəng – səmimi, nikbin və gülərüz olmata çalışın. Yaxın ətrafınızdakkı insanlar bunu sezəcəklər. Maraqlı tanışlıqlar və yeni əlaqələr zamandır. Sizi usandıran, mənfi emosiyaların yaranmasına səbəb olan insanla təmasları kəsin.
Günün ikinci yarısında ötən həftədən yarımçıq qalan işi başa vurun. Dəvət aldığınız tədbirə qatılın. Emosiyalarınıza nəzarət edin.
Axşam saatlarını xoş hisslər əldə etmək üçün dəyər verdiyiniz insanlarla keçirin.
Şir – uzunmüddətli planlar hazırlamaq olar. Peşəkar fəaliyyət sahəsi ilə yanaşı, şəxsi münasibətlərdə də dəyişikliklər etmək zamanıdır. Təxəyyülünüzü işə salın. İmkan və bacarıqlarınızı reallaşdırın. Ətrafdakı insanların çətin saydıqları problemi həll etmək iqtidarındasınız.
Günün ikinci yarısında yeni işə və ya layihəyə başlamaq olar. İndiyədək əla bələd olduğunuzu düşündüyünüz insanın tam yeni məziyyətini aşkarlayacaqsınız. Hər şeyə rəğmən, özünüzü əmin hiss edin. Səhhətinizə fikir verin.
Axşam saatlarında zökəm riski var. Tamahın qulu olmayın.
Qız – başqalarının vədlərinə görə məsuliyyət daşımayın. Həmin adamların probelmlərini həll etməyə çalışsanız, xeyli vaxtınız hədər gedəcək. Üstəlik, hər hansı formada minnətdarlıq eşitməyəcəksiniz. Sayıq və konkret danışın.
Günün ikinci yarısında bütün çətinliklərin yükünü çəkmək istəmirsinizsə, “yox” deməyi bacarın.
Axşam saatlarında dostlarla birlikdə istirahət edin. Birgə əyləncə pozitiv emosiyalar bəxş edəcək.
Tərəzi – macəra və avantüralar aramayın. Ehtiyatlı olun. Yeni tanışlara dərhal etibar etməyin. Əks təqdirdə az sonra təəssüflənə bilərsiniz. Özünüzlə yanaşı, başqalarının durumunu obyektiv dəyərləndirin. Belədə qarşılıqlı anlaşmaya daha tez nail ola bilərsiniz.
Günün ikinci yarısında deyilənlərə inanmayın. Sizi aldatmağa çalışan, yanlış məlumat verən insanlar var.
Səfərə və ya gəzintiyə yollanmaq məsləhət deyil. Diqqətli olun. Özünüzü çox yormayın. Qüvvənizi bərpa edin, bir qədər tək qalın.
Əqrəb – adi günlərdən fərqli olaraq daha tələbkar davranın. Yaxınlarınız və ya qohumlarınızdan birinin kiçik səhvi sizi təbdən çıxarmasın. Emosiyalara qapılmayın, hisslərinizi nümayiş etdirməyin. Bu dünyada heç nə ideal deyil. Siz də səhvlər edirsiniz.
Günün ikinci yarısında sevdiyiniz insanı hədiyyə və ya sürprizlə sevindirin. O da sizə müsbət emosiyalar verməyə çalışacaq. Alış-verişə yollanmaq olar. Yaşam arealınızı daha komfortlu edəcək əşyalar almaq olar.
Oxatan – əlverişli və yaxşı gündür. Peşəkar fəaliyyət müstəvisində uğur əldə edə bilərsiniz. Ən yaxşı məziyyətlərinizi göstərin, bacarıqlarınızı nümayiş etdirin. Yaradıcılıqla məşğul olmaq mümkündür. Təxəyyülünüzdən bəhrələnin.
Günün ikinci yarısında məşğul olacağınız iş uğurla müvəffəqiyyətlə yanaşı, müsbət emosiyalar da vəd edir. Maraq və mövqeyinizi bölüşən insanlarla tanışlıq istisna deyil.
Oğlaq – aktiv, məqsədyönlü və qətiyyətli çalışın. Diqqət mərkəzində olacaqsınız. Yaxın ətrafınızdakı insanlar sizə baxaraq ruhlanacaqlar. Mürəkkəb işlərə həddən ziyadə vaxt ayırmayın. Yorğunluq əhvalınıza pis təsir edərək sizdə qıcıq və aqressiya yarada bilər.
Günün ikinci yarısında situsiyada müsbət dəyişikliklər olacaq. Yaranan imkanlardan bəhrələnin. Şansları əldən verməyin.
Dolça – münasibətlərin qaydaya salınması və yeni əlaqələrin qurulması üçün əlverişli zamandır. Ən müxtəlif insanlarla təmaslarda olacaqsınız. Nikbin və qətiyyətli olun. Layihələri planlaşdırarkən ən kiçik təfərrüatları nəzərə alın. Köhnə tanışlardan biri ilə əlaqələri bərpa edin.
Günün ikinci yarısınla təşəbbüskar olun. İdeyalarınızı açıqlamaqdan çəkinməyin. Ünsiyyət çevrənizi genişləndirin.
Amma zərurət olmadan məsləhətlər verməyin.
Balıqlar – problemlərin həllinə yaradıcı yanaşın. Yaxın ətrafınızdakı insanların sizi dəstəkləməyəcəklərinə hazır olun.
Sərt tənqidlər eşidəcəksiniz. İrad və tənqidlərə aqressiv reaksiya nümayiş etdirməyin.
Belə davransanız, münaqişə və qarşıdurmalar yarana bilər.
Günün ikinci yarısında düşünülməmiş addımlar atmayın. Əsas məsələ emosional müvazinətdir. Nikbin və qətiyyətli olsanız, uğur əldə edəcəksiniz.
Axşam saatlarında normal istirahət etməyə çalışın.
Milli.Az
