Dünən baş vermiş zəlzələ nəticəsində Şamaxı şəhəri 2 saylı orta məktəbdə dağıntılar yaranıb.
Oxu.az-ın hadisə yerində olan müxbirinin verdiyi məlumata görə, məktəbin divarlarında çatlar əmələ gəlib, üzlük tökülüb.
Dağıntılar nəticəsində məktəbin iki korpusunda tədris dayanıb, şagirdlər məktəbin üç nömrəli korpusunda tədrisi davam etdirir.
Hazırda məktəbə Təhsil Şöbəsinin əməkdaşları tərəfindən baxış keçirilir. Dəymiş ziyanın miqdarı müəyyənləşdirilir.
Xatırladaq ki, yeraltı təkanlar yerli vaxtla saat 23:31-də Pirqulu stansiyasından 11 km cənub-qərbdə İsmayıllı rayonu ərazisində qeydə alınıb.
Zəlzələ episentrdə 6 bal, ətraf rayonlarda 5,3 bala qədər hiss olunub.
