Median.Az xəbər verir ki, Binəqədi RPİ 5-ci polis bölməsinin əməkdaşları tərəfindən bir avtomobildən 200 manat və 4500 dollar oğurlayan, bir avtomobildən isə oğurluğa cəhd göstərən Abşeron rayon sakini E.İsayev saxlanılıb.
Bundan başqa, Binəqədi RPİ 7-ci polis bölməsi əməkdaşlarının keçirdikləri əməliyyat tədbiri nəticəsində, martın 1-nə keçən gecə mağazadan 425 manat pul və tütün məmulatı oğurlayan Şəmkir rayon sakini E.Əmiraslanov saxlanılıb.
Xətai RPİ 35-ci pols bölməsi əməkdaşlarının əməliyyat-axtarış tədbirləri nəticəsində, yanvarın 8-dən fevralın 19-dək olan müddətdə iki kafedən və bir evdən elektrik alətləri oğurlayan Bakı şəhər sakini, əvvəllər məhkum olunmuş R.Həsənov saxlanılıb.
Xətai RPİ 37-ci polis şöbəsinin əməkdaşları tərəfindən fevralın 3-də evdən 2500 manat dəyərində qızıl-zinət əşyaları oğurlayan Naxçıvan şəhər sakini İ.İsmayılov saxlanılıb.
Nizami RPİ 23-cü polis bölməsi əməkdaşlarının əməliyyat-axtarış tədbirləri nəticəsində, fevralın 25-də Keşlə qəsəbəsində Tovuz rayon sakini N.Sadıqovun cibindən 200 manat pul oğurlayan Bakı şəhər sakini R.Novruzov saxlanılıb.
Nəsimi RPİ 21-ci polis bölməsinin əməkdaşları tərəfindən fevralın 1-də paytaxt sakini F.Muradovanın, içərisində 128 manat, 2 ədəd mobil telefon və açarlar olan çantasını oğurlayan Daşkəsən rayon sakini A.Həsənov saxlanılıb.
Xəzər RPİ 1-ci polis şöbəsi əməkdaşlarının əməliyyat-axtarış tədbirləri nəticəsində üç evdən, üç həyətyanı sahədən elektrik naqili, təmir-tikinti alətləri, məişət əşyaları və üç baş qoyun oğurlayan Bakı şəhər sakini, əvvəllər məhkum olunmuş M.Nəsirov saxlanılıb.
Xəzər RPİ 2-ci polis şöbəsi əməkdaşlarının əməliyyat-axtarış tədbirləri nəticəsində, yanvarın 15-dən fevralın 27-dək olan müddətdə Buzovna qəsəbəsi ərazisində 3 evdən, ümumilikdə 2300 metr elektrik naqili, elektrik təmir-tikinti alətləri və su mühərriki oğurlayan Bakı şəhər sakinləri, əvvəllər məhkum olunmuş Ə.Əmrahov və S.Babayev saxlanılıblar.
Faktlarla bağlı CM-nin 177-ci (oğurluq) maddəsi ilə cinayət işləri başlanılıb.
