Median.Az xəbər verir ki, Nəsimi RPİ 21-ci polis bölməsi əməkdaşlarının keçirdikləri əməliyyat tədbiri nəticəsində narkotik vasitə satmaqda şübhəli bilinən Bakı şəhər sakini, əvvəllər məhkum olunmuş S.Cəniyev saxlanılıb. Onun yaşadığı evdən 90 qramdan artıq heroin aşkar edilib.
Bundan başqa, Sumqayıt ŞPİ əməkdaşlarının keçirdikləri əməliyyat tədbiri nəticəsində şəhər sakini Y.Əzizovdan 440 qram marixuana götürülüb.
Kəpəz RPİ əməkdaşlarının keçirdikləri əməliyyat tədbiri nəticəsində Biləsuvar rayon sakini, əvvəllər dəfələrlə məhkum olunmuş N.Zəkiyevdən 155 qrama yaxın
heroin aşkar edilib.
Qəbələ RPŞ-nin əməkdaşları daxil olmuş məlumat əsasında, şəhər sakini E.Zamanovun evində 404 qramdan artıq marixuana, habelə heroin aşkar ediblər.
Faktlarla bağlı cinayət işləri başlanılıb.
