Median.Az xəbər verir ki, Sumqayıt ŞPİ 1-ci polis bölməsinin əməkdaşları tərəfindən şəhər ərazisində 3 avtomobildən, 1 mağazadan və 1 evin zirzəmisindən pul, sənəd, tütün məmulatı və məişət əşyaları oğurlayan şəhər sakini, əvvəllər məhkum olunmuş M.Məmmədov saxlanılıb.
Bundan başqa, Sumqayıt ŞPİ 3-cü polis bölməsi əməkdaşlarının keçirdikləri əməliyyat-axtarış tədbirləri nəticəsində 1 avtomobildən pul və məişət əşyaları, vətəndaş Y.Sarıyevanın, içərisində pul və sənədlər olan çantasını, N.Əliyevanın mobil telefonunu oğurlayan, habelə S.Şahsuvarovanın 100 manat pulunu dələduzluq yolu ilə ələ kerçirən şəhər sakini, əvvəllər məhkum olunmuş F.Feyzullayev saxlanılıb.
Faktlarla bağlı CM-nin 177.2.2-ci (oğurluq, təkrar törədildikdə) maddəsi ilə cinayət işləri başlanılıb.
