Median.Az xəbər verir ki, Sumqayıt ŞPİ-nin əməkdaşları tərəfindən şəhər sakini A.İsmayılovanın velosipedini oğurlayan şəhər sakini B.Salayev saxlanılıb.
Araşdırma zamanı onun, şəhər ərazisindəki bir evdən və iki avtomobildən akkumulyator və maqnitofon oğurlaması məlum olub.
Bundan başqa, Sumqayıt ŞPİ 1-ci polis bölməsi əməkdaşlarının keçirdikləri əməliyyat-axtarış tədbirləri nəticəsində 3 mənzildən su sayğaclarını oğurlayan şəhər sakini İ.Süleymanov saxlanılıb.
Sumqayıt ŞPİ 1-ci polis bölməsi əməkdaşlarının keçirdikləri əməliyyat tədbiri nəticəsində bir evdən və bir avtomobildən pul və məişət əşyaları oğurlayan şəhər sakini T.Məmmədov saxlanılıb.
Faktlarla bağlı CM-nin 177-ci (oğurluq) maddəsi ilə cinayət işləri başlanılıb.
