Məşhur “Simpsonlar” cizgi filmində Lizanı səsləndirən Yardli Smitin dediyinə görə, serial fəaliyyətini saxlayır. 30 ildir işıq üzü görən ekran əsəri dayanır.
Median.Az xəbər verir ki, aktrisa bu haqda “The Sun” qəzetinə danışıb. Çoxdandır cizgi filminin konsepsiyasının dəyişdirilməsi müzakirə olunur. Smit düşünür ki, “Fox” telekanalında yayımlanan yaradıcılıq məhsulunun müəllif hüququna sahib “Walt Disney Company” format dəyişikliyi ilə bağlı qəti qərara gələ bilmir. Böyük ehtimalla qərar serialın dayandırılması olacaq: “Mən haqsız ola bilərəm. Amma dəyişdirməkdənsə, dayandıracaqlar”.
“Simpsonlar” ilk dəfə 1989-cu ilin dekabrın 19-da ekrana çıxıb. İndiyə qədər 639 buraxılışı yayımlanıb. Cizgi filmi həm də xeyli siyasi mesaj verməklə məşhurlaşıb.
