Bu gün saat 13.30-dan 16-00-dək Xırdalan şəhəri Quşçuluq massivi, Qaradağ rayonu Müşfiqabad qəsəbəsi yaşayış binaları, Yeni Müşfiq massivi həyət evləri, 28 May qəsəbəsi, Müşfiqabad-Sumqayıt yolunun sağ-sol hissələrindəki həyət evlərinin elektrik enerjisinin verilişində qısamüddətli fasilələr yarana bilər.
Bu barədə “Report”a “Azərişıq” ASC-nin mətbuat xidmətinin rəhbəri Tanrıverdi Mustafayev bildirib.
Onun sözlərinə görə, fasilə 110 kVt-luq 5-ci Xırdalan hava xəttində aparılan yenidənqurma işləri ilə əlaqədardır.
Yaranmış narahatçılığa görə “Azərişıq” istehlakçılarından üzr istəyir.
