Bitkoinin orta bazar qiyməti 2018-ci ilin may ayından bəri ilk dəfə olaraq 9322 dollara çatıb.
Bu barədə “Lenta.ru” məlumat verir.
Kriptovalyuta ən yüksək həddinə iyunun 16-da çatıb. Belə ki, bir neçə saat ərzində qiymət beş faiz bahalaşıb, sonradan qiymət yenidən enməyə başlayıb. Hazırda saat 15:00-a (Bakı vaxtı ilə) olan məlumata görə, bitkoin 9274 dollara dəyişdirilir.
Ekspertlər yaxın gələcəkdə kriptovalyutanın 10 min dolları ötəcəyini istisna etmir.
