Bu gün Gənclər və İdman Nazirliyinin yaradılmasının 25-ci ildönümü münasibətilə nazirliyin kollektivi ümummilli lider Heydər Əliyevin məzarını ziyarət edib.
Median.Az Trend-ə istinadən xəbər verir ki, Gənclər və İdman naziri Azad Rəhimov jurnalistlərə bildirib ki, Azərbaycanda gənclər siyasəti dövlət tərəfindən dəstəklənir: “Bizim gənclər siyasətinin modeli Birləşmiş Millətlər Təşkilatı tərəfindən qəbul olunub və digər ölkələrə bir nümunə kimi nümayiş etdirilir”.
Onun sözlərinə görə, 25 il ərzində gənclər sahəsində çox vacib layihələr həyata keçirilib, eyni zamanda idmanda böyük nailiyyətlər əldə olunub:
“Bakı idman sahəsində çox böyük, möhtəşəm tədbirlərə ev sahibliyi edib. Bu tədbirlər və olimpiadalarda idmançılarımız çoxlu sayda medallar qazanıblar. Düşünürük ki, gələcəkdə bundan da yüksək nailiyyətlər əldə ediləcək”.
