Bakının Suraxanı rayonu, Hövsan qəsəbəsində elektrik enerjisinin verilişi dayandırılıb.
Güclü külək səbəbindən Hövsan qəsəbəsi “Şüşəli Bazar” adlandırılan ərazinin bir hissəsində ötən gün axşam saatlarından işıq yoxdur.
“Azərişıq”ASC-nin mətbuat xidmətinin rəhbəri Tanrıverdi Mustafayev Oxu.Az-a açıqlamasında bildirilib ki, güclü küləklə əlaqədar Zabrat və Hövsan qəsəbələrinin bir hissəsində elektrik enerjisinin verilişində problem yaranıb:
“Aidiyyəti üzrə ərazilərdə elektrik enerjisinin verilişinin bərpası istiqamətində işlər görülür. Qısa zamanda problem aradan qaldırılacaq”.
