ABŞ-ın Tennessi ştatının Memfis şəhərində ibtidai məktəbdə atışma baş verib. Nəticədə bir uşaq ağır yaralanaraq xəstəxanaya yerləşdirilib.
Median.Az APA-ya istinadən xəbər verir ki, bu barədə yerli polis məlumat yayıb.
Məlumata görə, hadisə təxminən saat 09:15-də (Bakı vaxtı ilə saat 17:15) baş verib. Polis insident zamanı bir azyaşlının yaralanması haqqında məlumatı təsdiqləyib. Hadisənin təfərrüatları hələlik açıqlanmır.
Hadisədən sonra şagirdlər məktəbdən təxliyə edilib, hazırda araşdırma aparır.
Atəş açmaqda şübhəli bilinən şəxsin axtarışları aparılır.
