Son 20 ildə vergi artımı sayəsində tütün məhsullarından istifadə edənlərin sayı üç dəfə azalıb.
Bu barədə ÜST-ün baş direktoru Tedros Adhanom Qebreyesus və Tütünlə Mübarizə üzrə Çərçivə Konvensiyasının katibliyinin rəhbəri Adrian Blanko Markizonun birgə məqaləsində bildirilir.
“Son 20 ildə dünyada tütün istehlakının miqyası üç dəfə azalıb. Hesablamalara görə, 2005-ci illə müqayisədə tütün istifadəçilərinin sayı 118 milyon nəfər azalıb”, – deyə məlumatda qeyd olunub.
Müəlliflərə görə, tütün istehlakını azaltmağın ən sərfəli yolu tütün məmulatlarına vergiləri artırmaqdır ki, bu da onların əlçatanlığını azaldır.
Qeyd olunur ki, tütün məlumatlarına tətbiq edilən vergilər dövlət büdcəsinə tütünlə mübarizə və səhiyyənin maliyyələşdirilməsi üçün əlavə gəlir mənbəyi kimi xidmət edə bilər.
Məqalədə vurğulanır ki, dünyada tütün istehlakının azalması daha çox uzun illər aparılan danışıqlardan sonra, tarixdə dünya birliyi tərəfindən ən geniş dəstəklənən, BMT-nin beynəlxalq müqavilələrindən biri olan Tütünlə Mübarizə üzrə ÜST-ün Çərçivə Konvensiyasının qüvvəyə minməsi ilə bağlıdır.
