Meksikada 5.5 maqnitudalı zəlzələ qeydə alınıb.
Bu barədə Avropa-Aralıq dənizi Seysmoloji Mərkəzi məlumat yayıb.
Mərkəzin məlumatına görə, zəlzələnin episentri, təxminən, 225 min əhalisi olan Oaxakadan 77 km şimal-şərqdə yerləşib. Ocaq 35 km dərinlikdə olub.
Xəsarət alanlar və dağıntılar barədə məlumat daxil olmayıb.
“Reuters” agentliyi şahidlərə istinadən Mexiko şəhərində zəlzələ ilə əlaqədar həyəcan siqnalının verildiyi barədə məlumat yayıb.
