Aprelin 21-də Türkiyə Prezidenti Rəcəb Tayyib Ərdoğanın iştirakı ilə yeni “Türksat 6A” rabitə peykinin buraxılışı keçiriləcək.
Median.Az Türkiyə mediasına istinadən xəbər verir ki, buraxılış Türkiyə peyklərinin əhatə dairəsini dünya üzrə 3.5 milyard insandan 5 milyard insana qədər artıracaq, Hindistan, Tailand, Malayziya və İndoneziyada rabitə xidmətlərini genişləndirməyə imkan verəcək.
Ölkənin nəqliyyat və infrastruktur naziri Abdülkadir Uraloğlu qeyd edib ki, “Türksat 6A”nın layihə xidmət müddəti ən azı 15 ildir. O vurğulayıb ki, bu, 1994-cü ildə “Türksat 1B”nin buraxılışından bəri davam edən fasiləsiz işin zirvəsidir.
