Bəzi qidalar diş sağlamlığına digərlərindən daha çox zərər verir.
Median.Az xəbər verir ki, bu barədə Stomatoloq-ortoped Kristina Savostyan Qazeta.ru ilə söhbətində danışıb.
Həkim diş sağlamlığını məhv edən qidalar siyahısına çox bərk məhsulları daxil edib: konfetlər, iris, karamel, qabıqlı və şokoladlı qoz-fındıq, təmizlənməmiş tumlar, suxarılar, çipsilər, həmçinin popkorn.
Savostyan əlavə edib ki, siropla isladılmış quru meyvələr, sirkə və turşulu marinadlar da diş minasına zərər verir. Həkim qeyd edib ki, təzə sıxılmış şirələr də minanı nazikləşdirə bilər.
“Təhlükəli olan qidanın özü deyil, gigiyenaya etinasızlıq və stomatoloq qorxusudur. Dişlərinizi qoruyun, müntəzəm olaraq gigiyenik təmizləməyə və profilaktik müayinələrə gedin. O zaman hər şey qaydasında olacaq”, – deyə stomatoloq fikrini tamamlayıb.
