Daxili İşlər Nazirliyi Bakı şəhərinin mərkəzində quzu gəzdirilməsi ilə bağlı məsələyə aydınlıq gətirib.
DİN-in mətbuat xidmətinin rəisi, polis polkovniki Ehsan Zahidov Oxu.Az-a açıqlamasında bildirib ki, paytaxtın mərkəzində quzu gəzdirən vətəndaşlar saxlanılıb:
“Vətəndaşlara heç bir cərimə yazılmayıb. Hazırda pandemiya dövrüdür. Bu dövrdə insanların sıx toplaşmasına səbəb olan hərəkətlər etdiklərinə görə həmin şəxslər ərazidən uzaqlaşdırılıb. Vəziyyət izah edilib və onlar sərbəst buraxılıblar”.
Qeyd edək ki, ötən gün sosial şəbəkələrdə Bakının mərkəzində iki nəfərin quzuya uşaq bezi taxaraq gəzdirməsi ilə bağlı görüntülər paylaşılıb.
