Bananlar yüksək dərəcəli yolxucu torpaq göbələyi səbəbindən tam yoxa çıxma təhlükəsi ilə üzləşib. Bu xəstəlik o qədər güclüdür ki, onu ən ağır ximikatlar da məhv edə bilmir.
Xəstəlik əsasən Cavendish növünə təsir göstərir. Mütəxəssislər xəbərdarlıq edirlər ki, bu növün payına dünya banan ticarətinin 95 faizi düşür. Pərakəndə ticarətdə əsas məhsullardan biridir və qiymət artımı kritik ola bilər. Asiya və Afrikanın bir çox ölkəsində bu məhsul gündəlik pəhrizdə kartof və düyü qədər vacibdir.
